Reʼ Santo Laj Huuj iruqʼor chi reʼ i kʼachareel «xamaʼ najt ta rooq i rukʼachariik, eh xiikʼ naah i tiʼ kʼaxik i rikʼul» (Job 14:1). Xa reʼ laʼ, ¿jeʼ na reʼ i kʼacharik iraaj i Dios chi qeh? Eh wilaʼ maʼ jeʼ reʼ, ¿nikʼwach i kʼacharik iraaj chi qeh? ¿Narojiik na eloq wach pan jenoʼ qʼiij? Chakoj rehtaal iruqʼor i Santo Laj Huuj.

1. ¿Nikʼwach i kʼacharik iraaj i Dios chi ne inwihʼik qeh?

Reʼ Jehová iraaj chi holohik i qakʼachariik. Noq xutzʼuhkrisaj taqeh peet kʼachareel reʼ Adán eh i Eva, xukoj taqeh pan jenaj holohik yeʼaabʼ Edén i rubʼihnaal. Eh reʼ Dios «Xukuxisaj taqe, jeʼ wili i xuqʼor keh: Wih-oq taq kʼih-oq awakʼuun awixqʼuun, korehtaal taq inanujisaj i wach akʼal. Eh naa woʼ taq awihiik chi taaqʼanik» (Génesis 1:​28). Reʼ Jehová xuqʼor chi naruwihʼiik kakʼuun kixqʼuun eh chi na naq kibʼanam chi reʼ wach akʼal xa holohik chik eh nakichaʼjeem naq taqeh chikop. Reʼ Jehová iraaj naq chi chuʼnchel taqeh kʼachareel ne kikʼachariik chi juneliik eh chi maʼ jaruuj naq nakiyowabʼjiik.

Atoobʼ ta maʼ jeʼ ta reʼ yuʼnaak, a reʼ i Dios ko iraaj rubʼanam chi ne inooj eloq wach i ruqʼorom cho rubʼiral (Isaías 46:​10, 11). Reʼ Jehová iraaj chi reʼ taqeh kʼachareel kinimanik reh, ne kikʼachariik chi juneliik pan holohik yeʼaabʼ ayuʼ wach akʼal (chawil Apocalipsis 21:​3, 4).

2. ¿Nikʼwach ne inqasuqkileej i qakʼachariik yuʼnaak?

Reʼ Jehová xojrutzʼuhkrisaj chi aajwaal wach chi qeh runabʼjiik wach eh ruloqʼjiik wach (chawil Mateo 5:​3-6). Reʼ Dios iraaj chi hoj ramigo eh iruqʼor qeh chi naqakʼamam i rubʼeeh, naqakʼaxam, naqakamaneem wach chuʼnchel qakʼux eh chuʼnchel i qanima (Deuteronomio 10:​12; Salmo 25:​14). Wilaʼ xqabʼan reʼ iruqʼor qeh, ne inwihʼik rusuqkiil qakʼux atoobʼ ta qojikʼik pan kʼaxkilal. Ruloqʼjiik i Jehová irubʼan chi wilik rukorkiil i qakʼachariik.

 4. Reʼ Jehová iraaj rubʼanam chi reʼ wach akʼal xa holohik chik

Chawil taq i Salmo 37:​11, 29 eh Isaías 55:​11, eh tiqʼoroq taq chi riij:

• ¿Chaaj woʼ reet qehtʼal chi reʼ Jehová iraaj rubʼanam chi reʼ wach akʼal xa holohik chik?

5. Reʼ ruloqʼjiik i Jehová irubʼan chi reʼ kʼacharik ne inwihʼik rukorkiil

 KʼOLOQ PAN AKʼUX

Reʼ Jehová iraaj chi ne inqasuqkileej i kʼacharik chi juneliik ayuʼ wach akʼal eh chi maʼxta kʼaxkilal. Yuʼnaak ne woʼ inwihʼik rukorkiil i qakʼachariik wilaʼ xqaloqʼej wach i Jehová ruukʼ chuʼnchel i qanima.

Reʼ xkahnik pan akʼux

• Noq reʼ Jehová xutzʼuhkrisaj i Adán eh i Eva, ¿nikʼwach naq i kʼacharik iraaj chi keh?

• ¿Nikʼwach noq qehtʼal chi reʼ Dios iraaj ruyeʼem keh i kʼachareel jenaj kʼacharik holohik?

• ¿Chajariik naʼabʼanam reh chi ne inwihʼik rukorkiil akʼachariik?