LECCIÓN 28
¿Nikʼwach ne inakʼuhtaaj chi inatyooxeej i xubʼan i Jehová eh i Jesús chawiij?
¿Nikʼwach inawikʼraaj awiibʼ noq jenoʼ awamigo iruyeew akooch? Mareh insuqbʼik akʼux eh imponik chawach akooch eh inawaaj atyooxeem reh. Maʼ jankʼal ta naq qakʼulum jenaj akooch jeʼ rukabʼ i koʼlembʼal reʼ xkiyeew qeh i Jehová eh i Jesús. Qil nikʼwach ne inqakʼuhtaaj chi inqatyooxeej keh.
1. ¿Nikʼwach ne inqakʼuhtaaj reh i Dios eh i Cristo chi inqatyooxeej keh xkibʼan chi qiij?
Reʼ Santo Laj Huuj iruqʼor chi ajwach irukoj rukʼux ruukʼ i Jesús ne inkʼachariik chi juneliik (Juan 3:16). ¿Nikʼwach ne inqakʼuhtaaj i qakojbʼal chi riij i Jesús? Xa maʼ na ta qanimam chi wilik na laʼ qakʼuhtaam chi inqakoj qakʼux ruukʼ, noq inqachih rubʼanariik i holohik pan qakʼachariik (Santiago 2:17). Noq inqakʼuhtaaj i qakojbʼal ruukʼ i qabʼanooj eh ruukʼ i qaqʼorbʼal inqakowej i qamigohiil ruukʼ i Jesús eh ruukʼ i rajaaw Jehová (chawil Juan 14:21).
2. ¿Ahaʼ wilik i qʼiij ne inakʼuhtaaj chi inatyooxeej xkibʼan chawiij i Jehová eh i Jesús?
Reʼ chaqʼabʼ noq kʼisiin chik maʼ inkimik i Jesús, xuqʼor keh taqeh rajtahqaneel jenaj chik ruwiiʼ nikʼwach ne inkityooxeej i na naq rubʼanam chi kiij. Reʼ Santo Laj Huuj iruqʼor chi reʼ wiʼk xubʼan ruukʼ taqeh rajtahqaneel irubʼihnaleej reʼ rixqʼeeq i Jesús eh inqʼorarik woʼ reh Rukʼuliik pan qakʼux i rukimiik i Jesús (1 Corintios 11:20). Reʼ Jesús xukanaaʼ i wilih reh chi reʼ taqeh rajtahqaneel eh chuʼnchel taqeh manlik ajnimaneel ne inkʼulik pan kikʼux chi reʼ Jesús xuyeew i rukʼachariik chi riij chuʼnchel taqeh kʼachareel. Ruum aj reʼ, reʼ Jesús xutaqʼaaʼ: «Reʼ taq i wili naa aʼnam chi qʼorbʼal wibʼiral» (Lucas 22:19). Noq reʼ hat ne tiponik pan rukʼuliik pan qakʼux i rukimiik i Jesús ne inakʼuhtaaj chi looqʼ chaweh i nimlaj kʼaxooj irikʼraaj chawiij i Jehová eh i Jesús.
CHATZʼIR RIIJ I KʼAHCHIʼ ATIJEM
Qanabʼeej juʼjun chik ruwiiʼ reh nikʼwach ne inqakʼuhtaaj i qakʼaxooj chi riij i Jehová eh chi riij i Jesús eh nikʼwach ne inqatyooxeej keh. Eh qil chaaj woʼ reet ko ruman i rukʼuliik pan qakʼux i rukimiik i Jesús.
3. Ruum chi inqatyooxeej reh i Jehová eh i Jesús i xkibʼan chi qiij wilik inqaaj qabʼanam
Chakapaaj chi kʼahchiʼ ajihqʼik pan haʼ eh jenoʼ kʼachareel ne imponik eh ne tirisaj cho. ¿Ne na insahchik pan akʼux i xubʼan chawiij i kʼachareel reʼreʼ? ¿Oon ne inasikʼ jenoʼ ruwiiʼ reh rutyooxjiik reh?
Intyoox reh i Jehová wilik qakʼachariik. Chawil taq i 1 Juan 4:8-10 eh tiqʼoroq taq chi riij:
-
¿Chajariik taqeh kooch inqakʼul chi reʼ Jesús xuyeew riibʼ chi jilow mayiij?
-
¿Chajariik inawikʼraaj noq inakapaaj i xubʼan chawiij i Jehová eh i Jesús?
¿Nikʼwach ne inqakʼuhtaaj chi inqayeew ruloqʼil i xubʼan i Jehová eh i Jesús chi qiij? Chawil taq i 2 Corintios 5:15 eh jeʼ woʼ i 1 Juan 4:11 eh 5:3. Noq awilom taq chik wach taqeh texto, tiqʼoroq taq chi riij:
-
¿Nikʼwach ne inqatyooxeej reh i Jehová eh i Jesús xkibʼan chi qiij?
4. Qatijej qeh i rukʼachariik i Jesús
Jenaj chik ruwiiʼ nikʼwach ne inqakʼuhtaaj chi inqatyooxeej i xubʼan i Jesús, reʼ chi naqatijem qeh i rukʼachariik. Chawil taq i 1 Pedro 2:21 eh tiqʼoroq taq chi riij:
-
¿Nikʼwach ne inakʼuhtaaj i hat chi inatijej aweh i rukʼachariik i Jesús?
Reʼ Jesús irukʼax naq iruqʼorbʼal i Dios, iruqʼor naq i kʼuhbʼaal chi riij i runimaal rajaawriik i Dios eh irutobʼeej naq taqeh i kʼachareel.
5. Inkʼulik pan qakʼux i rukimiik i Jesús
Reh runabʼjiik chajariik xkʼuljik noq reʼ Jesús xubʼan ruwaʼ ruukʼ taqeh rajtahqaneel pan chaqʼabʼ reʼreʼ, chawil taq i Lucas 22:14, 19, 20. Chi riij i reʼ tiqʼoroq taq chi riij:
-
¿Chajariik xbʼaan pan wiʼk reh xqʼeq reʼreʼ?
-
¿Chajariik irujalwacheej i kaxlan wiʼk eh i vino? (Chawil taq i versículo 19 eh 20).
Reʼ Jesús xuqʼor keh taqeh rajtahqaneel chi ne naq inkibʼan i wiʼk reʼreʼ jenaj pech chuwach i haabʼ reh rukʼuliik pan kikʼux i rukimiik. Ruum aj reʼ, reʼ taqeh testigo reh Jehová inqamol qiibʼ chuʼnchel taqeh haabʼ reh rukʼuliik pan qakʼux i rukimiik i Jesús, eh inqabʼan jeʼ rukabʼ xutaqʼaaʼ i reh. Reh runabʼjiik nikʼwach inbʼaan i moloj iibʼ wilih, chawil taq i VIDEO. Chi riij i reʼ tiqʼoroq taq chi riij:
-
¿Chajariik inbʼaan pan rukʼuliik pan qakʼux i rukimiik i Jesús?
Reʼ kaxlan wiʼk eh reʼ vino xa ehtalil taqeh. Reʼ kaxlan wiʼk irujalwacheej i rutiʼjolal manlik wach i Jesús, reʼ xuyeew chi mayiij chi qiij i hoj. Reʼ i vino irujalwacheej i rukikʼeel i Jesús.
REʼ INKIQʼOR I JUʼJUN: «Chakʼul i Jesús pan awanima eh ne inakoʼleej awiibʼ».
-
¿Nikʼwach naq ne inakoj i Juan 3:16 eh i Santiago 2:17 reh ruqʼorariiik reh jenoʼ kʼachareel chi wilik chik i narubʼanam?
KʼOLOQ PAN AKʼUX
Inqakʼuhtaaj chi inqatyooxeej i xubʼan i Jesús chi qiij, noq inqakoj qakʼux ruukʼ eh noq qojponik pan moloj iibʼ reh i rukʼuliik pan qakʼux i rukimiik.
Reʼ xkahnik pan akʼux
-
¿Nikʼwach ne inqakʼuhtaaj chi inqakoj qakʼux ruukʼ i Jesús?
-
¿Inawaaj na akʼuhtaam reh i Jehová eh i Jesús chi looqʼ chaweh reʼ xkibʼan chawiij? ¿Nikʼwach ne inakʼuhtaaj keh chi inatyooxeej?
-
¿Chaaj woʼ reet ko ruman chi ne tiponik pan rukʼuliik pan qakʼux i rukimiik i Jesús?
CHAREQ RUMAN
Chakoj rehtaal pan video chajariik naʼabʼanam noq inabʼiraj chi riij i rukimiik i Jesús.
Reʼ Jesús xuyeew ruloqʼil i Jehová ruukʼ i rutiʼjolal (9:28)
Chatijej kʼisinoq chik chi riij i kojbʼal eh nikʼwach ne inakʼuhtaaj.
«Qakoj qakʼux ruukʼ taqeh iraaj ruyeʼem qeh i Jehová» (La Atalaya, octubre reh 2016)
Noq jenaj ixoq xureq chi riij chajariik iraaj ruqʼorom chi reʼ Jesús xuyeew i rukʼachariik chi mayiij xjaljik i rukʼachariik. Chawil chi riij i rukʼachariik ahaʼ iruqʼor «Saq chik wach i nukʼachariik eh wilkiin chik pan tuqkilal».
«Reʼ Santo Laj Huuj xjalwik reh i kikʼachariik» (La Atalaya, 1 reh agosto reh 2011)
Chawil chaaj woʼ reet maʼ chuʼnchel ta inkikʼux keh i kaxlan wiʼk eh inkukʼej i vino pan rukʼuliik pan qakʼux i rukimiik i Jesús.
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
