Reʼ runimaal rajaawriik i Dios xutoqʼaaʼ taqʼanik ar pan taxaaj pan haabʼ 1914. Chupaam i haabʼ reʼreʼ xutoqʼaaʼ i rukuxiik i kitaqʼanik i winaq. ¿Nikʼwach noq qehtʼal? Naqatijem chi reʼ Santo Laj Huuj ruqʼorom naq chik chi riij i wilih eh na woʼ qilom i kikʼachariik eh i kinaʼojbʼal taqeh kʼachareel chi jun suut i akʼal noq xtohqʼik i haabʼ 1914 eh ko yuʼnaak.

1. ¿Chajariik xuqʼor cho rubʼiral i Santo Laj Huuj?

Pan Santo Laj Huuj reʼ ruhuuj i Daniel ruqʼorom naq chik chi reʼ runimaal rajaawriik i Dios na naq rutoqʼaam i taqʼanik noq ikʼinaq chik i «wuquubʼ chi qʼijil» (Daniel 4:6, 17). Eh noq ikʼinaq chik taqeh haabʼ, reʼ Jesús xqʼorik chi riij taqeh qʼijil wilih noq xuqʼor «korehtaal inooj eloq wach i ruyejaam cho wach i Dios», eh xukʼuhtaaj chi reʼ taqeh qʼijil wilih ko majaaʼ naq inkuxik wach (Lucas 21:24). Jeʼ rukabʼ naqilom, reʼ taqeh wuquubʼ chi qʼijil wilih kuxik pan haabʼ 1914.

2. ¿Nikʼwach i kinaʼojbʼal eh i kikʼachariik taqeh kʼachareel chi jun suut i akʼal noq xtohqʼik i 1914?

Reʼ taqeh rajtahqaneel i Jesús xkipahqaaj reh: «¿Jaruuj inkʼularik taqe reʼ, eh chibʼih i rehtalil naa ruwihiik akʼuliik iloq rukaʼpeech, i rusahchiik wach i wach akʼal?» (Mateo 24:3). Reh ruchaqʼwesjiik reʼ Jesús xuqʼor kʼih taqeh ehtalil na naq rukʼutiniik noq reʼ reh rutoqʼaam naq chik taqʼanik ar pan taxaaj chi Rey reh i runimaal rajaawriik i Dios. Xqʼorik chi riij taqeh qʼaqʼinik, i wiʼjaleel, eh taqeh kowlaj yihk oon hihk (chawil Mateo 24:7). Reʼ Santo Laj Huuj xuqʼor nikʼwach naq i kinaʼojbʼal taqeh kʼachareel «pan rukuxiik taqeh qʼiij» ruum aj reʼ, «reʼ kʼacharik qʼeʼ kʼaxik eh yohbʼaal» (2 Timoteo 3:​1-5, TNM). Xa reʼ woʼ noq xtohqʼik i haabʼ 1914, reʼ taqeh naʼojbʼal eh i kʼacharik wilih kʼahchiʼ chik qilom yuʼnaak.

3. ¿Chaaj woʼ reet xkʼihik i kʼaxkilal wach akʼal noq xutoqʼaaʼ taqʼanik i runimaal rajaawriik i Dios?

Noq Rey naq chik i Jesús reh i runimaal rajaawriik i Dios, xwihʼik jenaj qʼaqʼinik pan taxaaj, reʼ Jesús xubʼan i peleto ruukʼ i ajYahm eh taqeh maʼ atoobʼ laj uxlabʼal, eh jeʼ rukabʼ iruqʼor i Santo Laj Huuj reʼ ajYahm maʼ xelik ta korik, «reʼ reh ruchʼihil taqe ruángel noq xikutarik cho wach akʼal» (Apocalipsis 12:9, 10, 12). Reʼ ajYahm yohbʼaal wach i rujosqʼiil ruum rehtʼal chi kʼisiin maʼ insacharik wach. Ruum kʼahchiʼ ruyeʼem rutiʼkiil kikʼux taqeh kʼachareel chi jun suut i akʼal eh irubʼan chi ne kiʼikʼik pan tiʼ kʼaxik. ¡ruum aj reʼ, yohbʼaal wach i kʼaxkilal wach akʼal! Xa reʼ laʼ, reʼ runimaal rajaawriik i Dios narusacham wach chuʼnchel taqeh kʼaxkilal wilih.

 CHATZʼIR RIIJ I KʼAHCHIʼ ATIJEM

4. Reʼ taqeh qʼorooj cho rubʼiral pan Santo Laj Huuj iruqʼor qeh chaaj woʼ reet pan 1914 xtohqʼik i rajaawriik i Jesús

Reʼ wilih xkʼularik chi peet:

• D) ¿Ajwach naq irujalwacheej i cheeʼ? (Chawil taq i versículo 22).

• E) ¿Jankʼal xukanaaʼ junkʼaam oq i taqʼanik i Nabucodonosor? (Chawil taq i Daniel 4:​29-​33).

• F) ¿Chajariik xukʼul noq ikʼinaq chik i «wuquubʼ chi qʼijil»? (Chawil taq i Daniel 4:​34-​36).

Reʼ wilih i rukabʼ xkʼularik:

• G) ¿Ajwach taqeh irujalwacheej i cheeʼ? (Chawil taq 1 i Crónicas 29:23).

• H) ¿Jankʼal xkikanaaʼ taqʼanik? ¿Nikʼwach noq qehtʼal chi maʼ taqʼanik ta naq inkibʼan noq reʼ Jesús xwihʼik wach akʼal? (Chawil taq i Lucas 21:24).

• I) ¿Ahaʼ eh jankʼal xtohqʼik woʼ chik i taqʼanik wilih?

 6. Noq inanabʼeej chi taqʼanik chik irubʼan i runimaal rajaawriik i Dios, ¿chajariik naʼabʼanam?

Chawil taq i Mateo 24:3, 14 eh tiqʼoroq taq chi riij:

• Jeʼ rukabʼ i xawil pan texto, ¿chajariik irukʼuhtaaj chi reʼ runimaal rajaawriik i Dios kʼahchiʼ chik chi taqʼanik?

• ¿Chajariik naʼabʼanam i hat reh chi ne inaqʼor i kʼuhbʼaal?

Reʼ i runimaal rajaawriik i Dios kʼahchiʼ chik chi taqʼanik, xa kʼisiin chik iraaj chi narutaqʼaniik chi naah chuʼnchel i wach akʼal. Chawil taq i Hebreos 10:24, 25 eh tiqʼoroq taq chi riij:

• Noq inqil chi «maʼ najt ta chik iraaj i ruqʼijiil i Jehová», ¿chajariik i ko ruman chi naqabʼanam?

 KʼOLOQ PAN AKʼUX

Reʼ taqeh qʼorooj cho rubʼiral pan Santo Laj Huuj eh reʼ kʼahchiʼ rukʼuljiik chi jun suut i akʼal irukʼuhtaaj chi reʼ runimaal rajaawriik i Dios kʼahchiʼ chik chi taqʼanik. Reʼ hoj inqakʼuhtaaj chi inqakoj wach noq inqaqʼor i kʼuhbʼaal chi riij i runimaal rajaawriik i Dios eh noq qojponik chupaam taqeh moloj iibʼ reh i molaabʼ.

Reʼ xkahnik pan akʼux

• ¿Chajariik xkʼularik noq xkuxik i wuquubʼ chi qʼijil reʼ qʼorooj cho rubʼiral pan ruhuuj i Daniel?

• ¿Chaaj woʼ reet inakoj wach i hat chi reʼ runimaal rajaawriik i Dios xutoqʼaaʼ taqʼanik pan haabʼ 1914?

• ¿Chajariik naʼabʼanam reh rukʼuhtjiik chi inakoj wach chi reʼ runimaal rajaawriik i Dios taqʼanik chik irubʼan?