¿Chajarik ajwaal wach pan paat reh chi ne inwihʼik suqkiil kʼuxliis?
¿Inaqʼor na chi...
-
... kʼaxooj?
-
... tumiin?
-
... jenoʼ chik naʼojbʼal?
REʼ I SANTO LAJ HUUJ IRUQʼOR
«¡Reʼ laʼ qʼeʼ atoobʼ keh awach ki-ibʼirinik reh i ruqʼor i Dios eh inkinimaj!» (Lucas 11:28, Santo Laj Huuj, Sociedad Bíblica de Guatemala).
NIKʼWACH QOJRUTOBʼEEJ RUNABʼJIK I WILIH
Naqareqem i manlik laj kʼaxooj (Efesios 5:28, 29).
Qʼeʼ looqʼ naqilom qiibʼ chi qawach (Efesios 5:33).
Naqakojom qakʼux chi qawach (Marcos 10:6-9).
¿NE TAWOʼ NAQ INQAKOJ QAKʼUX CHI RIIJ IRUQʼOR I SANTO LAJ HUUJ?
Hooʼ, qil kiʼibʼ ehtalil:
-
Reʼ Dios xutzʼuhkʼrisaj i kaxarohil. Reʼ Santo Laj Huuj iruqʼor chi reʼ Jehová xuyeew pan kaxaro i peet winaq i peet ixoq (Génesis 2:18-24). Reʼreʼ raaj ruqʼorom chi reʼ kaxarohil wilik ruum i Jehová; reʼ xtzʼuhkʼrisanik reh. ¿Chajreet koruman chi naqanabʼeem i wilih?
Chakapaaj chi riij i wilih: Mi reʼ hat kʼahchiʼ akʼuxum jenaj kʼuxbʼal xa suq chik eh inawaaj anabʼeem chajarik kikoj ruukʼ, ¿awach eh ne napahqaaj? Ne napahqaaj reh xchaqʼsanik reh.
Raaj i hat, ¿nawaaj anabʼeem ahaʼ wilik ajwaal wach reh chi wilik suqkiil kʼuxliis pan apaat? Koruman chi ne napahqaaj reh i Jehová, ruum chi reʼ reh xutzʼuhkʼrisaj i kaxarohil.
-
Reʼ Dios qojraaj. Qʼeʼ atoobʼ aweh i hat eh afamilia mi inasikʼ taq pan Santo Laj Huuj i rukʼuhbʼaal i Jehová, ruum chi «reʼ reh intoobʼinik taq chaaweh» (1 Pedro 5:6, 7). Reʼ Jehová iraaj i maʼxta reet chi qeh. Reʼ naʼojbʼal iruyeew junelik qojrutobʼeej (Proverbios 3:5, 6; Isaías 48:17, 18).
CHAKAPAAJ I HAT
¿Nikʼwach ne nubʼan chi hin manlik bʼahiilbʼees, ehkʼeenbʼees eh ajabʼees?
Ne inqareq i wilih pan EFESIOS 5:1, 2 eh COLOSENSES 3:18-21.
Puede que también le interese
¡DESPERTAD!
Reʼ taqeh familia suq kikʼux: Reʼ kamanik pan kibʼaal
¿Inawikʼraaj na chi hat taq kaxaro on chi xa wuchʼihiil taq awiibʼ pan paat?
CHI QIIJ I HOJ
¿Koruman na chi ne natijej chi riij i Santo Laj Huuj?
Kʼihaal taqeh i kʼachareel chi junsut i wach akʼal kireqem pan Santo Laj Huuj chi riij i kipahqanik. Inqaaj chi ne natijej quukʼ chi riij i loqʼ Laj Huuj wilih.
CHI QIIJ I HOJ
Chapahqaaj chi ne kiponik awuukʼ taqeh testigo reh Jehová
Chanabʼeej chajarik iruqʼor i Santo Laj Huuj eh jeʼ woʼ chi kiij taqeh testigo reh Jehová.
