LECCIÓN 02
Reʼ Santo Laj Huuj iruyeew qeh i kʼahchiʼ quyʼeem
Junsut i akʼal reʼ taqeh kʼachareel kiʼikʼik pan kʼaxkilal irubʼan chi intzʼirik kiwach eh tiʼ kikʼux. ¿Hat na ikʼinaq chupaam i wilih? Mareh hat yowaabʼ eh xkimik jenoʼ afamilia, mareh inaqʼor ¿Jaruuj narukuxiik chuʼnchel i wilih? Reʼ Santo Laj Huuj inqʼorik chi riij eh iruyeew rukowiil qakʼux.
1. ¿Chajariik iruqʼor qeh i Santo Laj Huuj?
Reʼ Santo Laj Huuj iruqʼor chaaj woʼ reet wilik i kʼaxkilal chi naah i wach akʼal. Eh iruqʼor woʼ qeh chi reʼ taqeh kʼaxkilal wilih narusahchiik kiwach. Reʼ Santo Laj Huuj iruqʼor: «Inwaaj nuyeʼem taq aholohik kʼacharik eh uyʼinik» (chawil Jeremías 29:11, 12, TNM). Reʼ rubʼehsaj qeh i Dios ne qojrutobʼeej chupaam taqeh qakʼaxkilaal reh chi suq qakʼux chi juneliik.
2. ¿Chajariik iruqʼor i Santo Laj Huuj chi riij i kʼacharik chalik reh?
Reʼ Santo Laj Huuj inqʼorik chi riij i chalik reh noq «maʼ na ta chik ruwihʼiik i kimik, ni xa ta tiʼkiil kʼuxliis eh oqʼik» (chawil Apocalipsis 21:4, TNM). Maʼ na ta chik ruwihʼiik qakʼaxkilaal jeʼ rukabʼ i nebʼaʼil i maʼ holohik ta wach bʼanooj, taqeh yabʼilaal eh i kimik. Reʼ Santo Laj Huuj iruqʼor chi reʼ taqeh kʼachareel ne inkibʼan rusuqkiil i kikʼachariik chi juneliik noq xa holohik chik i wach akʼal.
3. ¿Chajariik i ne tirutobʼeej reh chi ne nakoj akʼux ruukʼ iruqʼor i Santo Laj Huuj?
Kʼih taqeh kʼachareel inkuyʼeej chi reʼ kʼacharik ne injaljik xa reʼ laʼ maʼ chʼiklik ta kikʼux chi jeʼ reʼ ne inkʼuljik. Xa reʼ laʼ, reʼ hoj ne inqakoj qakʼux ruukʼ i Santo Laj Huuj noq chuʼnchel i qʼiij inqil paam eh inqatzʼir riij (Hechos 17:11). Reʼ wilih ne qojrutobʼeej reh runabʼjiik i chalik reh.
CHATZʼIR RIIJ I KʼAHCHIʼ ATIJEM
Qilow irubʼehsaj i Santo Laj Huuj chi riij i chalik reh. Eh nikʼwach kʼahchiʼ rutobʼeem taqeh kʼachareel yuʼnaak.
4. Reʼ Santo Laj Huuj inqʼorik chi riij jenaj kʼacharik chi juneliik
Chakoj rehtaal taqeh irubʼehsaj qeh i Dios pan Santo Laj Huuj. ¿Imponik na chawach jenoʼ? ¿Chaaj woʼ reet?
Chawil taqeh texto reh i Santo Laj Huuj reʼ rubʼehsaj qeh i Dios eh tiqʼoroq taq chi riij:
-
¿Inaqʼor na i hat chi ne iruyeew rukowiil akʼux? Chakapaaj taqeh afamilia eh awamigo, ¿ne na inkamanik keh?
Chakapaaj kʼacharik chi jeʼ wilih:
|
MAʼ AJWACH TA... |
CHUʼNCHEL I KʼACHAREEL... |
|---|---|
|
|
|
|
|
|
|
|
|
|
5. Reʼ Santo Laj Huuj irujal wach i qakʼachariik
Kʼih taqeh kʼachareel maʼ imponik ta chi kiwach i kʼaxkilal inwihʼik wach akʼal. Wilik inkikowej kiibʼ reh chi holohik i kʼacharik. Chawil nikʼwach i Santo Laj Huuj irutobʼeej taqeh kʼachareel. Chawil taq i VIDEO eh tiqʼoroq taq chi riij:
-
Jeʼ rukabʼ xawil pan video ¿chajariik naq i kʼahchiʼ rusikʼim i Rafika?
-
¿Eh nikʼwach xtobʼjik ruum i Santo Laj Huuj?
Reʼ irubʼehsaj qeh i Santo Laj Huuj qojrutobʼeej ikʼik chupaam taqeh kʼaxkilal ruukʼ suqkiil qakʼux. Chawil taq i Proverbios 17:22 eh Romanos 12:12, eh tiqʼoroq taq chi riij:
-
¿Inaqʼor na chi reʼ rubʼehsaj i Santo Laj Huuj ne tirutobʼeej pan akʼachariik yuʼnaak? ¿Chaaj woʼ reet?
REʼ INKIQʼOR I JUʼJUN: «Xa holohik chik irubʼehsaj i Santo Laj Huuj xa reʼ laʼ maʼ i nukoj ta wach».
-
Pan Santo Laj Huuj wilik taqeh ehtalil chi riij irubʼehsaj qeh i Dios, ¿ko ruman na rutzʼirjiik riij? ¿Chaaj woʼ reet?
KʼOLOQ PAN AKʼUX
Reʼ Santo Laj Huuj iruqʼor chi naruwihʼiik qakʼachariik pan suqkiil eh ne qojrutobʼeej ikʼik chupaam taqeh kʼaxkilal.
Reʼ xkahnik pan akʼux
-
¿Chaaj woʼ reet ko ruman chi wilik i ne inkuyʼeej i kʼachareel?
-
¿Chajariik iruqʼor i Santo Laj Huuj chi riij i chalik reh?
-
¿Nikʼwach ne tirutobʼeej pan akʼachariik reʼ irubʼehsaj i Santo Laj Huuj?
CHAREQ RUMAN
Chatijej chi riij chi reʼ i kʼahchiʼ awuyʼeem wilik rajaawriik.
«¿Ahaʼ oon haj ne nareq i kʼahchiʼ awuyʼeem?» (¡Despertad!, 22 reh abril reh 2004)
Chawil nikʼwach i kow wach i kiyabʼilaal kitobʼjik ruum i kʼahchiʼ kuyʼeem.
«¿Ne na qojrutobʼeej i Santo Laj Huuj reh ikʼik chupaam i qayabʼilaal?» (Naʼojbʼal reh jw.org)
Noq ne nawil i tzʼuuy pan video, chakapaaj chi reʼ afamilia kʼacharik chik inkibʼan pan holohik laj yeʼaabʼ reʼ irubʼehsaj i Santo Laj Huuj.
Chawil nikʼwach xjaljik i rukʼachariik jenaj winaq noq xunabʼeej chi riij irubʼehsaj i Santo Laj Huuj.
«Maʼ inwaaj ta chik nujalam wach i kʼacharik» (La Atalaya, 1 reh julio reh 2013)
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
