Chakapaaj chi riij i wilih: Reʼ Tim kʼoʼnik pelota irubʼan ruukʼ taqeh ramigo eh chi maʼ rehtʼal xupaxej i ruvidrio i rucarro i rukaʼjah.

Hat ta naq i Tim, ¿chajarik naq ne nabʼan?

WILIK IXIBʼ NAʼOJBʼAL I NE NAQ INABʼAN:

1. Ne tiʼelik awajiim.

2. Ne nakoj rumahk i tokoom.

3. Ne naqʼor reh akaʼjah xkʼularik eh ne natoj i xapaxej.

Mareh ne naq inachih i opción A. Xa reʼ laʼ, koruman chi ne naqʼor i korik atoobʼ ta maʼ holohik taj i xabʼan.

1. Holohik rubʼanariik i wilih.

   Reʼ Santo Laj Huuj iruqʼor: «Ruum reʼ hoj inqaaj qaʼnam chuʼnchel i maʼ xta reet chi bʼanarik» (Hebreos 13:18).

2. Mi naqʼor i maʼ xabʼan ta chi korik, mareh ne inkuyarik amahk.

   Reʼ Santo Laj Huuj iruqʼor: «Awach i rukebʼaa ru mahk, maʼ nata reliik korik. Eh awach i rupahqaaj kuybʼal ru mahk, eh i rukanaaʼ chuʼnchel, reʼ reh naa rukuyariik i ru mahk» (Proverbios 28:13).

3. Eh reʼ qʼeʼ koruman: ne nayeew rusuqkiil rukʼux i Jehová.

   Reʼ Santo Laj Huuj iruqʼor: «Ruum reʼ i QaJaaw Dios maʼ imponik ta chuwach i yiibʼ wach naʼojbʼal. Eh reʼ i korik wach kikʼux, raʼj imponik chuwach reʼ». (Proverbios 3:32).

Reʼ Karina, 20 haabʼ wilik reh, maʼ xuqʼor ta reh i rajaaw chi xutoj jenaj multa ruum chi kow naq inbʼehsanik carro, reʼ Karina iruqʼor: «xikʼik na jenaj haabʼ noq reʼ wajaaw xunabʼeej i xkʼulariik. ¡Xnumin wiibʼ pan kʼaxkilaal!».

¿Chajarik inqatijej? Reʼ Karina iruqʼor: «Mi maʼ inqaqʼor i maʼ holohik ta xqabʼan xa tiʼ kʼaxik ne irukʼam cho qeh. Xa na woʼ qatojom riij i maʼ holohik ta xqabʼan».

Reʼ Santo Laj Huuj iruqʼor: «Reʼ hoj chiquncheel xa reh reh wach qoh qʼehbʼik wiiʼ» (Santiago 3:2). Eh jeʼ rukabʼ xqilow, ruqʼorariik i maʼ xqabʼan ta chi korik irukʼuhtaaj chi maʼ inqanimbʼisaj ta qiibʼ eh chi wilik qanaʼojbʼal.

Jenaj chik i koruman chi ne nabʼan: chareq anaʼojbʼal ruukʼ i maʼ xabʼan ta chi korik. Jenaj qʼahxoq Vera i rubʼihnaal iruqʼor: «Inukapaaj chajarik ne nutijej ruukʼ i maʼ xnubʼan ta chi korik. Re wilih irubʼan chi holohik chik i nunaʼojbʼal. Jeʼ reʼ noq, noq ne woʼ chik inukʼul i wilih, tokoom chik i ne nubʼan». ¿chajarik naq ne nabʼan mi nakʼul i wilih?

Reʼ awajaaw irukanaʼ aweh i rubicicleta eh inayoj. ¿Chajarik naq ne nabʼan?

• Maʼ ne ta naq inuqʼor reh; mareh maʼ ne ta woʼ irukoj rehtaal.

• Ne naq inuqʼor reh chajarik xkʼuljik.

• Ne naq inuqʼor reh chajarik xkʼuljik, xa reʼ laʼ, ne naq inukoj rumahk i tokoom.

Noq inabʼan jenaj examen eh inaqʼebʼ agrado ruum chi maʼ xatijej ta awiibʼ. ¿Chajarik naq ne nabʼan?

• Ne naq inuqʼor chi reʼ examen qʼeʼ naq kʼaxik.

• Ne naq inuqʼor chi reʼ hin wilik numahk ruum chi maʼ xnutijej ta wiibʼ.

• Ne naq inuqʼor chi reʼ ajkʼuhtaneel wilik rumahk.

 Chakapaaj chi reʼ hat 1) i ajabʼees 2) reʼ ajkʼuhtaneel. ¿Chajarik naq ne inkikapaaj taqeh awajaaw eh reʼ ajtijineel mi inaqʼor i maʼ holohik ta xabʼan? ¿Chajarik naq ne inkikapaaj chawiij mi maʼ xaqʼor?

Yuʼnaak chakapaaj chi riij i maʼ holohik ta xabʼan chuwach i haabʼ wilih eh chatzʼihbʼaaj:

¿Chajarik i maʼ holohik ta xabʼan? ¿Chajarik xabʼan?

• Maʼ xnuqʼor taj.

• Xnukoj rumahk i tokoom.

• Xnuqʼohraaj i numahk.

Noq maʼ xaqʼor ta i xabʼan, ¿nikʼwach xawikʼraaj awiibʼ?

• ¡Suq xwikʼraaj wiibʼ.

• Maʼ Suq ta xinkahnik. Xnuqʼor ta naq i korik.

¿Chajarik naq ne nabʼan?

¿Chajarik xatijej chi riij amahk?

¿Chaj woʼ reet kʼaxik ruqʼorariik i qamahk?

¿Chajarik ne inkikapaaj chawiij mi maʼ naqʼor i maʼ xabʼan ta chi korik? Xa reʼ laʼ, ¿chajarik ne inkikapaaj mi xaqʼor? (Lucas 16:10).