¿Awach wilik rajaawriik chi naah i wach akʼal?
¿Inaqʼor i hat chi...
-
... reʼ Dios?
-
... reʼ winaq?
-
... jenoʼ chik?
REʼ I SANTO LAJ HUUJ IRUQʼOR
«Eh reʼ kibʼanik reh i mahk sut i wach akʼal, reʼ i aj Yahm wilik rajaawriik chikinaah» (1 Juan 5:19, Santo Laj Huuj, Sociedad Bíblica de Guatemala).
«Ruum i reʼ, xkʼulik i Rakʼuun i Dios chusachariik wach i rukamaj i aj Yahm» (1 Juan 3:8).
NIKʼWACH QOJRUTOBʼEEJ RUNABʼJIK I WILIH
Naqareqem chi riij ahaʼ inchalik i tiʼ kʼaxik inqil wach akʼal (Apocalipsis [Revelación] 12:12).
Wilik ruwiiʼ chi ne inquyeej jenaj kʼachariik holohik (1 Juan 2:17).
¿NE TAWOʼ NAQ INQAKOJ QAKʼUX CHI RIIJ IRUQʼOR I SANTO LAJ HUUJ?
Hooʼ, qil ixibʼ ehtalil:
-
Reʼ rutaqʼanik i aj Yahm qʼatarik chik qʼorik chi naah. Reʼ Jehová narisam iloq i aj Yahm chi taqʼanik chi naah i wach akʼal. Reʼ Jehová xuqʼor chi narusacham wach i aj Yahm eh narusahchik wach chuʼnchel i tiʼ kʼaxik rubʼanam (Hebreos 2:14).
-
Reʼ Dios xuchih wach i Jesucristo reh chi ne rubʼan i taqʼanik. Reʼ Jesús maʼ jenaj ta wach ruukʼ intaqʼanik chi naah i wach akʼal. Reʼ intaqʼanik naah akʼal yiibʼ wach i runaʼojbʼal eh xa reʼ reh irukapaaj riibʼ. Ruum aj reʼ i Dios iruqʼor chi riij i Rajaawriik i Cristo: «Naa ruketelaam kiwach i xamaʼ nimaq ta kiwach [...]. Naa woʼ rukoʼleem taqe chuwach i yiibʼ wach minooj taqe wiiʼ. Eh jeʼ woʼ chuwach taqe i tiʼ kʼaxik» (Salmo 72:13, 14).
-
Reʼ Dios maʼ reʼ ta aj chukul qʼorik. Reʼ Santo Laj Huuj iruqʼor chi «maʼ ruchuk taj qʼorik» (Hebreos 6:18). Jeʼ reʼ noq reʼ iruqʼor i Jehová qehtʼal chi na rukʼuljiik (Isaías 55:10, 11). Eh reʼ ruqʼorbʼal iruqʼor: «Naa rehtesjiik i rajaawriik i aj yahm ayuʼ wach akʼal» (Juan 12:31).
CHAKAPAAJ I HAT
¿Nikʼwach chik narubʼanam i wach akʼal noq reʼ aj Yahm maʼ ne ta chik intaqʼanik?
Ne inqareq i wilih pan SALMO 37:10, 11 eh APOCALIPSIS 21:3, 4.
Puede que también le interese
ESSENTIAL BIBLE TEACHINGS
¿Chaj wo’ reet irukana’ i Dios chi ne inqak’ul i ti’ k’axik?
Re’ Santo Laj Huuj iruch’ob’ rub’ehel qeh chajarik xk’uljik eh iruyeew quy’inik.
TAQEH PAHQANIK CHI RIIJ I SANTO LAJ HUUJ
¿Korik na chi wilik i Ajyahm?
¿Korik na chi wilik i Ajyahm oon xa rehtalil i yiibʼ wach wilik cho pan qanima?
CHI QIIJ I HOJ
¿Koruman na chi ne natijej chi riij i Santo Laj Huuj?
Kʼihaal taqeh i kʼachareel chi junsut i wach akʼal kireqem pan Santo Laj Huuj chi riij i kipahqanik. Inqaaj chi ne natijej quukʼ chi riij i loqʼ Laj Huuj wilih.
CHI QIIJ I HOJ
Chapahqaaj chi ne kiponik awuukʼ taqeh testigo reh Jehová
Chanabʼeej chajarik iruqʼor i Santo Laj Huuj eh jeʼ woʼ chi kiij taqeh testigo reh Jehová.
