¿Ne tawoʼ irubʼan chi ne kikʼachariik woʼ chik taqeh kamnaq?
Inaqʼor i hat chi...
-
... nakikʼachariik?
-
... maʼ ne ta chik kikʼachariik?
-
... maʼ awehtʼal taj?
REʼ I SANTO LAJ HUUJ IRUQʼOR
«Reʼ taqe kamnaq naa woʼ chik kiwuktiik chaloq» (Hechos 24:15, Santo Laj Huuj, Sociedad Bíblica de Guatemala).
NIKʼWACH QOJRUTOBʼEEJ RUNABʼJIK I WILIH
Noq inkimik jenoʼ awach qeh, reʼ iruqʼor i Santo Laj Huuj iruyeew kowiil qakʼux (2 Corintios 1:3, 4).
Maʼ yohbʼal ta chik wach qayoʼjiik ruum i kimik (Hebreos 2:15).
Irukʼuhtaaj qeh chi na woʼ chik qilom kiwach i qakamnaq (Juan 5:28, 29).
¿NE TAWOʼ NAQ INQAKOJ QAKʼUX CHI RIIJ IRUQʼOR I SANTO LAJ HUUJ?
Hooʼ, qil ixibʼ ehtalil:
-
Reʼ Dios xuyeew qakʼachariik. Reʼ Santo Laj Huuj iruqʼor chi riij i Jehová: «Xa reʼ woʼ hat ti yeʼwik reh i kʼachariik» (Salmo 36:9; Hechos 17:24, 25). Wi laʼ xuyeew kikʼachariik taqeh chuʼnchel i kʼachareel, wilik woʼ rajaawriik chi ruyeʼarik kikʼachariik taqeh kamnaq.
-
Najtir qʼiij reʼ Dios xuksaj woʼ taqeh juʼjun chi kamnaq. Reʼ Santo Laj Huuj inqʼorik chi riij waxaqiibʼ chi kʼachareel xiʼuksjik cho eh xikʼachariik woʼ chik naah akʼal. Reʼ taqeh xiwuktik cho, chi winaq, chi ixoq chi kokʼtaq eh chi nimaq. Wilik naq i koreʼ xikimik; xa reʼ laʼ xwihʼik jenaj winaq kijibʼ qʼiij naq chik rukimiik (Juan 11:39-44).
-
Reʼ Dios iraaj ruyeʼem kikʼachariik taqeh kamnaq. Reʼ Jehová iruxow wach i kimik ruum aj reʼ iruqʼor chi reʼ kimik jenaj «aj ixowaal» (1 Corintios 15:26). Noq nakiwuktik cho i kamnaq reʼ xowaneel wilih maʼ na ta chik ruwihʼik. Reʼ Dios iraaj ruyeʼem kikʼachariik ayuʼ wach akʼal reʼ taqeh wilkeebʼ pan rukapehbʼaal (Job 14:14, 15).
CHAKAPAAJ I HAT
¿Chajreet (o chaj waʼ reh) qojrijbʼik eh qojkimik?
Ne inqareq i wilih pan GÉNESIS 3:17-19 eh ROMANOS 5:12.
Puede que también le interese
TAQEH PAHQANIK CHI RIIJ I SANTO LAJ HUUJ
¿Chajariik i uksanik?
Mareh ne irusach akʼux runabʼjiik ajwach nakuktiik woʼ chik cho.
CHI QIIJ I HOJ
¿Koruman na chi ne natijej chi riij i Santo Laj Huuj?
Kʼihaal taqeh i kʼachareel chi junsut i wach akʼal kireqem pan Santo Laj Huuj chi riij i kipahqanik. Inqaaj chi ne natijej quukʼ chi riij i loqʼ Laj Huuj wilih.
K’UHTANIK CHI RIIJ I SANTO LAJ HUUJ
Chanabʼeej i qatijinik chi riij i Santo Laj Huuj
Chakʼul atijinik chi riij i Santo Laj Huuj xa chi sih.
