¡DESPERTAD! Núm. 2, 2018 | Kabʼlaj chi naʼojbʼal reh chi suq kikʼux taqeh familia
Kabʼlaj chi naʼojbʼal reh chi suq kikʼux taqeh familia
Pan taqeh qʼiij yuʼnaak inqabʼiraj chi kʼih taqeh familia inkichʼaq kiibʼ, xa reʼ laʼ ¿chaj woʼ reet wilik taqeh familia maʼ inkichʼaq ta kiibʼ? ¿Chajarik intobʼinik keh?
Ar Estados Unidos, pan taqeh haabʼ 1990 eh 2015, xkʼihbʼik wach i chʼaqoj iibʼ chi kixilak taqeh kʼachareel aj 50 haabʼ eh jeʼ woʼ chi kixilak taqeh aj 65 haabʼ.
Reʼ taqeh inkikoj naʼojbʼal inkiqʼor chi naruyeʼarik rusuqkiil kikʼux taqeh halakʼun ruukʼ chuʼnchel inkibʼan eh wilik inkiqʼor chi nakiqʼojarik. Reʼ taqeh ajabʼees maʼ kehtʼal ta chik chajarik nakibʼanam.
Reʼ taqeh kʼijool noq kinimbʼik maʼxta kichol rubʼaan reh kʼacharik.
Xa reʼ laʼ, reʼ wilih ne rubʼan chi ne injaljik.
Ne rubʼan chi ne inwihʼik jenoʼ kaxaro pan suqkiil kʼuxliis eh chi juneliik.
Reʼ taqeh ajabʼees ne inkitijej rukʼuhbʼaljiik i kihalakʼuun pan chaqʼlamiil.
Reʼ taqeh kʼijool ne inkitijej kʼacharik chi korik.
¿Chajarik ne intobʼinik keh? Ayuʼ pan ¡Despertad! ne nareq kabʼlaj chi naʼojbʼal reh chi suq kikʼux taqeh familia.
1. Reʼ inyeʼwik rukowiil i kaxarohiil
Ixibʼ naʼojbʼal koruman reh chi maʼ ne ta inyoj wach akaxarohiil.
2. Reʼ kamanik pan kibʼaal
¿Inawikʼraaj na chi hat taq kaxaro on chi xa wuchʼihiil taq awiibʼ pan paat?
3. Reʼ i ruloqʼil i kaxaro
¿Ahaʼ wilik i qʼorik eh i bʼanooj irubʼan chi reʼ awuchʼihiil ne rikʼraaj chi nayeew ruloqʼil akaxaro ruukʼ?
4. Reʼ kuyuuj mahk
¿Chajarik ne intobʼinik aweh reh chi maʼ ne ta inooj akʼux chi riij i maʼ holohik ta i rubʼan awuchʼihiil?
5. Tiqʼoroq taq chawach
Ixibʼ ruwiiʼ reh qʼorik ruukʼ taq ahalakʼuun.
6. Qʼilariik taqeh halakʼun
¿Mi ne inqatiʼbʼisaj kikʼux taqeh qahalakʼuun mi xqaqʼil taqeh?
7. Rukʼuhtjiik keh i holohik naʼojbʼal
¿Chajarik chi holohik naʼojbʼal ne taq inakʼuhtaaj keh ahalakʼuun?
8. Rukʼuhtjiik keh ruukʼ bʼanooj
Hat taq ajabʼees, wilaʼ nawaaj taq chi reʼ taq ahalakʼuun ne taq tikinimaj, chabʼan taq i kʼahchiʼ taq akʼuhtaam keh.
9. Nawehtʼaliim ajwach i hat
¿Nikʼwach ne inkikoʼleej riij i inkinimaj taqeh kʼijool?
10. Rukojariik kikʼux awuukʼ
Wilaʼ reʼ taqeh awajaaw inkikoj kikʼux awuukʼ qʼeʼ koruman chaweh.
11. ¿Mi hat ajkamanoom?
Chatijej nikʼwach rubʼanarik rusuqkiil i kamanik pan akʼijolaal, reʼ wilih ne tirutobʼeej rubʼanariik chuʼnchel inakapaaj rubʼan.
12. Chatzʼihbʼaaj taqeh i inawaaj abʼanam
Maʼ ne ta chik tiyoʼjik mi xabʼan taqeh i xakapaaj rubʼaan, ne rukowej taqeh awamigohiil ruukʼ taqeh tokoom eh ne inwihʼik rusuqkiil akʼux.
Ruman naʼojbʼal keh taqeh familia
Reʼ taqeh naʼojbʼal reh i Santo Laj Huuj ne tirutobʼeej reh chi ne inwihʼik suqkiil kʼuxliis pan afamilia.
