KEH TAQEH KʼIJOOL
10. Rukojariik kikʼux awuukʼ
¿CHAJARIK IRAAJ RUQʼOROM?
Reʼ kʼachareel reʼ juneliik irubʼan iruqʼor eh iruqʼor i korik, inkikoj kikʼux ruukʼ, jeʼ rukabʼ taqeh rajaaw, ramigo eh i rupatroon.
¿CHAJ WOʼ REET KORUMAN?
Reh chi ne nabʼan i inawaaj, koruman chi ne nakʼuhtaaj chi ne inkikoj kikʼux awuukʼ.
«Reh chi ne inkikoj kikʼux awuukʼ atuut awajaaw, chakʼuhtaaj chi wilik anaʼojbʼal reh rubʼanariik i inawaaj i holohik, atoobʼ ta wilkaat awutkeel on wilkaat kuukʼ i keh» (Sarahi).
NAʼOJBʼAL REH I SANTO LAJ HUUJ: «Makanaaʼ taq rukʼuhtjiik nikʼwach taq i hat» (2 Corintios 13:5, TNM).
¿CHAJARIK NE NABʼAN?
Reʼ taqeh naʼojbʼal naqilom ne tikitobʼeej reh chi ne inkikoj kikʼux awuukʼ taqeh atuut awajaaw.
Chaqʼor i korik. Wilaʼ reʼ hat inachuk i qʼorik reʼ taqeh kʼachareel ne inkikanaʼ rukojariik kikʼux awuukʼ. Xa reʼ laʼ mi reʼ hat juneliik inaqʼor i korikʼ eh i nabʼan i maʼxta reet chi bʼanarik eh jeʼ woʼ noq inajotʼ awiibʼ reʼ wilih irubʼan chi ne inkikoj kikʼux awuukʼ.
«Maʼ kʼaxik ta ruqʼorariik i korik noq holohik chaweh, xa reʼ laʼ ruqʼorariik i korik noq ne tirumin pan kʼaxkilaal irubʼan chi ne inkikoj kikʼux awuukʼ» (Caiman).
NAʼOJBʼAL REH I SANTO LAJ HUUJ: «Ruum reʼ hoj inqaaj qaʼnam chuʼnchel i maʼ xta reet chi bʼanarik» (Hebreos 13:18).
Chabʼan i ne inkiqʼor aweh. Noq xpahqaljiik keh taqeh inkisikʼ ajkamanoom ar Estados Unidos, reʼ 78% xuqʼor chi reʼ naʼojbʼal qʼeʼ koruman reh chi ne inkireq kikamaj «reʼ chi ne inkibʼan chuʼnchel i inqʼorarik keh». Rutijaljiik chuʼnchel i inkiqʼor aweh yuʼnaak ne inkamanik aweh noq hat chik nim.
«Noq inubʼan chuʼnchel inkiqʼor weh reʼ taqeh wajaaw inkikoj rehtaal chi kʼahchiʼ chik nujalam wach i nunaʼojbʼal. Jeʼ reʼ inkitoqʼaʼ kikojom kikʼux wuukʼ» (Sarah).
NAʼOJBʼAL REH I SANTO LAJ HUUJ: «Ruum chʼiklik nukʼux chi kinanimaj. Eh chi maʼ xata reʼ otobʼil i nupahqaaj aweh neena aʼn» (Filemón 21).
Wihʼoq akuyuj. Maʼ kʼaxik ta rukojariik rehtaal chi jenoʼ kʼachareel xwinaqbʼik on ixoqbʼik xa reʼ laʼ runabʼjik mi manlik chik wach i runaʼojbʼal irukʼam qʼiij runabʼjiik.
«Maʼ xareʼyuʼ ta ne nabʼan chi ne inkikoj kikʼux awuukʼ atuut awajaaw ni xa ta reʼ taqeh tokoom. Xa reʼ laʼ mi nabʼan chuʼnchel inkiqʼor aweh, ne inkitoqʼaʼ kikojom kikʼux awuukʼ» (Brandon).
NAʼOJBʼAL REH I SANTO LAJ HUUJ: Chabʼan taq i holohik laj naʼojbʼal, reʼ kuyuuj (Colosenses 3:12).
Puede que también le interese
EHTALIL WACH PIZARRÓN
Nikʼwach qʼorik ruukʼ atuut awajaaw
¿Kʼaxik na chaweh qʼorik ruukʼ atuut awajaaw? ¿Nikʼwach ne inaqʼor keh i kʼahchiʼ awikʼraam?
