KEH TAQEH AJABʼEES
5. Tiqʼoroq taq chawach
¿CHAJARIK IRAAJ RUQʼOROM?
Noq reʼ taqeh ajabʼees kiqʼorik ruukʼ taqeh kihalakʼuun inkireq chi riij chajarik inkikʼraaj eh inkikapaaj.
¿CHAJ WOʼ REET KORUMAN?
Qʼorik ruukʼ taqeh kʼijool mareh kʼaxik. Reʼ huuj Tú no me escuchas, yo no te entiendo iruqʼor nikʼwach ne rikʼraaj riibʼ jenoʼ ajabʼees. Najtir «xa suq naq qʼorik kuukʼ, yuʼnaak kʼaxik chik, eh reʼ wilih maʼ imponik ta naq chi nuwach». Xa reʼ laʼ, mi xakapaaj chi maʼ raaj ta qʼorik awuukʼ, maʼ jeʼ ta reʼ: reʼ halakʼun iraaj laʼ qʼorik awuukʼ.
¿CHAJARIK NE NABʼAN?
Chawisaj aqʼiij reh qʼorik ruukʼ awakʼuun. Tiqʼoroq ruukʼ atoobʼ ta xokik chik i chaqʼabʼ.
«Mareh inawaaj aqʼorom reh: «¡Xatwihʼik wuukʼ chuʼnchel i qʼiij eh ¿ko reʼ chik yuʼnaak inawaaj qʼorik?!». Xa reʼ laʼ, maʼ inchalik ajosqʼiil mi reʼ awakʼuun iraaj qʼorik awuukʼ ¿Maj inqaaj chi ne kiqʼorik quukʼ?» (Lisa).
«Reʼ hin noq kinwirik, xa reʼ laʼ reʼ taqeh holohik laj qʼorik inubʼan ruukʼ taqeh wakʼuun reʼ noq imponik i yejaal aqʼabʼ» (Herbert).
NAʼOJBʼAL REH I SANTO LAJ HUUJ: «Maʼ xata reʼ hoj naa qakʼaxam qiibʼ, naa laʼ woʼ qakʼaxam i tokoom» (1 Corintios 10:24).
Chabʼiraj chi korik. Jenaj ajabʼees iruqʼor: «Noq kʼahchiʼ kiin kiqʼoreem taqeh i nuhalakʼuun tokoom chik i kʼahchiʼ nukapaam. Eh reʼ keh inkikoj rehtaal».
Mi jeʼ reʼ inawikʼraaj awiibʼ, chachup i tele eh chakanaʼ acelular. Chakoj axikin ruukʼ i kʼahchiʼ ruqʼorom awakʼuun, jeʼ reʼ inakʼuhtaaj chi reʼ rukapaaj atoobʼ ta maʼ nim ta wach, koruman chaweh.
«Koruman chi reʼ taqeh qahalakʼuun ne inkinabʼeej chi reʼ inkikapaaj koruman chi qeh. Mi maʼ inkinabʼeej tokoom chik i ne intobʼinik keh» (Maranda).
«Matkaqrik noq ne ruqʼor aweh irukapaaj» (Anthony).
NAʼOJBʼAL REH I SANTO LAJ HUUJ: «Chakoj taq rehtaal nikʼwach taq i bʼirinik inabʼan» (Lucas 8:18, TNM).
Chabʼiraj taqeh noq inkaaj qʼorik. Wilik pech, reʼ taqeh kʼijool inkaaj qʼorik ruukʼ taqeh kajaaw noq maʼ ajwach ta i wilik kuukʼ.
«Reʼ hoj qojqʼorik noq qoj-ooj pan carro. Noq kintzuhnik chi nucheel eh maʼ reʼ ta chi nuwach irubʼan chi ne inkiqʼor weh i inkikapaaj» (Nicole).
Noq wiʼk kʼahchiʼ kooj ne woʼ irubʼan chi ne qojqʼorik.
«Noq wiʼk inqabʼan, inqaqʼor chiqawach chajarik i holohik eh i maʼ holohik ta xqakʼul chuwach i qʼiij. Reʼ wilih irubʼan chi maʼ kʼaxik ta i qʼorik chi qawach eh chi maʼ qutkeel ta pan kʼaxkilaal» (Robin).
NAʼOJBʼAL REH I SANTO LAJ HUUJ: Chaʼar oq taq wilkaat chi bʼirinik, wilik oq taq aqʼunil reh qʼorik (Santiago 1:19).
Puede que también le interese
K’UHTANIK CHI RIIJ I SANTO LAJ HUUJ
Toobʼinik keh taqeh kʼijool qʼahxoq
Chawil nikʼwach ne intoobʼinik i Santo Laj Huuj ruukʼ taqeh kʼaxkilal kiʼikʼik wiiʼ taqeh kʼijool qʼahxoq.
