4. Maʼxta chik i kʼaxooj pan familia
4. Maʼxta chik i kʼaxooj pan familia
«Reʼ tinamit xa reʼ keh naakikʼaxam kiibʼ [...]. Eh maʼ naa ta ruwihiik i kʼaxooj kuukʼ» (2 TIMOTEO 3:1 ko pan 3,)
● Reʼ Chris inkamanik pan jenaj molaabʼ irutobʼeej taqeh ixoq kiqʼojarik ruum i kibʼahiil pan tinamit Gales. Iruqʼor i Chris. «Junriim xkʼulik jenaj ixoq xa rax chik ruum i rubʼahiil eh maʼ chanabʼeej ta chik wach. Eh kikʼulik woʼ juʼjun taqeh ixoq reh rupahqaljik kitobʼaal ruum chi inqʼorar keh chi maʼxta kamaj taqeh ruum i kibʼahiil, eh ruum ajreʼ tiʼ kikʼux».
¿CHAJARIK INKʼUTINIK RUUKʼ XKʼULJIK? Pan tinamit África kʼihaal chi ixoq xijotʼarik noq ko halakʼun taqeh. Eh kʼih woʼ taqeh winaq pan tinamit reʼreʼ xkiqʼor chi maʼ mahk ta naq ruqʼojarik i kehkʼeen. Xa reʼ laʼ, xa maʼ reʼ ta taqeh i ixoq kiʼikʼik chupaam i kʼaxkilaal wilih. Pan tinamit Canadá, kʼih taqeh winaq kiqʼojarik ruuM i kehkʼeen.
REʼ INKIQʼOR I JUʼJUN. Xa kiqʼojarik woʼ naq taqeh i ixoq najtir, xa reʼ laʼ yuʼnaak inkiyeew chik rajaawriik.
¿MI KORIK INKIQʼOR? Reʼ inkiqʼor chi riij i wilih, inkiqʼor rubʼiral chi riij i inkʼuljik chuwach taqeh haabʼ ikʼinaq. Xa reʼ laʼ, ¿irubʼan naak i wilih chi maʼ ne ta chik inkʼuljik i kʼaxkilaal wilih? Maʼchih. Reʼ kʼaxaaj iibʼ kʼahchiʼ ruqʼehbʼik chi junsut i akʼal.
¿CHAJARIK INAQʼOR I HAT? ¿Kʼahchiʼ na rojik eloq wach iruqʼor i 2 Timoteo 3:1 ko pan 3? ¿Kahchiʼ na rusahchik wach i kʼaxaaj iibʼ pan familia?
Reʼ hoʼoobʼ chi ehtalil reh i qʼorooj cho rubʼiral irukʼam riibʼ ruukʼ i qayeʼaabʼ: reʼ akʼal. Naqilom iruqʼor i Santo Laj Huuj.
[Re’ taqeh q’orik koruman]
«Noq kiqʼojarik taqeh ixoq, reʼ wilih maʼ qʼeʼ ta inkiyeew chi nabʼjik. Noq jenaj ixoq maʼ rukuy ta chik noq inqʼojarik treinta i cinco pech ruum i rubʼahiil ko reʼaj inooj rujal pan policia.» (REʼ IRUQʼOR RUBʼIRAL CHI RIIJ TAQEH IXOQ KITOBʼJIK NOQ KIQʼOJARIK RUUM I KIBʼAHIIL REH I TINAMIT GALES)