6. Reʼ qʼorooj kʼuhbʼaal chi junsut i wach akʼal
6. Reʼ qʼorooj kʼuhbʼaal chi junsut i wach akʼal
«Eh reʼ akʼ kʼuhbʼaal wili chi riij i runimaal rajaawriik i Dios naa ruqʼorariik chi junsuut i wach akʼal» (MATEO 24:14)
● Reʼ Vaiatea impatinik pan isla reh i Pacífico, ar Tuamotú. Reʼ palaaw reʼ wilkeebʼ wiiʼ i ochenta chi kokʼ yeʼaabʼ kibʼihnaal isla irupaj 803.000 kilómetros (310.000 millas cuadradas), kipatinik ar 16.000 chi kʼachareel. Atoobʼ ta jeʼ reʼ, reʼ taqeh testigo reh Jehová kulaʼneem i Vaiatea eh jeʼ woʼ taqeh rukaʼjah. ¿Chaj woʼ reet kiponik chi najt? Ruum chi inkaaj qʼorik chi riij i Runimaal Rajaawriik i Dios keh chuʼnchel i kʼachareel, atoobʼ ta najt on maʼ najt ta wilkeebʼ.
¿CHAJARIK INKʼUTINIK RUUKʼ XKʼULJIK? Reʼ qʼorooj kʼuhbʼaal imponik chi junsut i wach akʼal. pan 2010, reʼ taqeh Testigo xkibʼan jenaj mil waqiibʼ ciento chi millón chi hora reh ruqʼorarik i kʼuhbʼaal pan 236 chi nimaq taq tinamit eh kokʼ taq tinamit, reʼ iraaj ruqʼorom chi jenaj Testigo xuqʼor i kʼuhbʼaal media hora chuwach i qʼiij. Chuwach taqeh lajeebʼ haabʼ ikʼinaq xkikorsaj eh xkipuhkaaj veinte mil chi millón chi huuj reh kʼuhtanik.
REʼ INKIQʼOR I JUʼJUN. Xa najtir woʼ chik kitikʼaam ruqʼorarik i kʼuhbʼaal.
¿MI KORIK INKIQʼOR? Korik chi kʼih i kʼachareel kinikʼeem qʼorarik i kʼuhbʼaal chi riij i Santo Laj Huuj. Xa reʼ laʼ inkikanaaʼ ruqʼorarik i kʼuhbʼaal eh inkiqʼor xa pan kiʼibʼ ixibʼ chi yeʼaabʼ. Maʼ jeʼ ta reʼ taqeh testigo reh Jehová, reʼ keh inkiqʼor i kʼuhbʼaal chi junsut i naah akʼal reh kʼihaal chi kʼachareel. Eh inkiqʼor i kʼuhbʼaal atoobʼ ta kiʼikʼik pan ixowanik kuum taqeh molaabʼ reʼ wilik kajaawriik chi naah i wach akʼal (Marcos 13:13). * Inkiyeew kiqʼiij chi qʼorooj kʼuhbʼaal eh inkisij i huuj reh kʼuhtanik. Reʼ kamanik wilih imbʼanjik ruukʼ tobʼinik ruukʼ tumiin inkiyeew taqeh kʼachareel.
¿CHAJARIK INAQʼOR I HAT? ¿Kʼahchiʼ na rojik eloq wach i qʼorooj kʼuhbʼaal «chi riij i runimaal rajaawriik i Dios» chi junsut i naah akʼal? ¿Ruum na chi kʼahchiʼ rojik eloq wach i qʼorooj cho rubʼiral iraaj ruqʼorom chi wilik inquyʼeej?
[Re’ tz’ihb’amaj ri’sil i página]
^ párr. 6 Mi inawaaj anabʼeem ruman chi riij i wilih, chawil taqeh video pan kaxlan qʼorik Fieles ante las pruebas, Los triángulos púrpuras eh Los testigos de Jehová se mantienen firmes ante el ataque nazi, reʼ inkipuhkaaj taqeh testigo reh Jehová.
[Re’ taqeh q’orik koruman]
«Ko ahaʼ paʼ ne ruyeew qʼabʼ i Jehová chi ne inqʼorar i kʼuhbʼaal ko ne inbʼaan ruukʼ suqkiil kʼuxliis, ne inqakoj chuʼnchel taqeh kamambʼal reh ruqʼorarik i kʼuhbʼaal keh chuʼnchel i kʼachareel.» (ANUARIO KEH TAQEH TESTIGO REH JEHOVÁ 2010)