27 reh enero ko 2 reh febrero
SALM0 140-143
Tzʼuuy 44 (sjj-S) eh tiij | Juʼjun taqeh qʼorik chi riij i naqilom (1 min.)
1. ¿Chajariik naʼabʼanam noq akohlaam oq chik atiij?
(10 mins.)
Chakʼulaaʼ ruukʼ chuʼnchel akʼux taqeh naʼojbʼal inkiyeew aweh (Sl 141:5, TNM; w22.02-S 12 párrs. 13-14).
Chakapaaj chi riij chuʼnchel i rubʼanam i Jehová chawiij eh chi riij i rutinamiit (Sl 143:5; w10-S 15/3 32 párr. 4).
Chabʼan chuʼnchel i wilik pan aqʼabʼ reh rilariik nikʼwach ne tirutobʼeej i Jehová (Sl 143:10; w15-S 15/3 32 párr. 2).
Chupaam i Salmo 140 ko 143
xa maʼ inkan ta i tiij xubʼan i David ruukʼ chuʼnchel rukʼux ruukʼ i Dios, irukʼuhtaaj laʼ woʼ chi noq reʼ i David rukohlaam chik rutiij irubʼan naq taqeh i xupahqaaj pan rutiij.
2. Qasikʼ i loqʼlaj naʼojbʼal wilik pan Santo Laj Huuj
(10 mins.)
-
Sl 140:3. ¿Chaaj woʼ reet i David xujalwacheej i kaaqʼ taqeh kʼachareel reʼ maʼ holohik ta i kinaʼojbʼal ruukʼ i raaqʼ jenoʼ aaqʼ? (it-2-S 682).
-
¿Chajariik taqeh loqʼlaj naʼojbʼal xareq i xamaano wilih noq xawil wach i Santo Laj Huuj?
3. Rilariik wach i Santo Laj Huuj
(4 mins.) Sl 141:1-10 (th-S lección 12).
4. Chasikʼ riij nikʼwach ne tiqʼorik ruukʼ i kʼachareel
(4 mins.) CHAQʼOR I KʼUHBʼAAL XA AHAʼ PAʼ WILKAAT. Noq atobʼeem chik i kʼachareel, chasikʼ ruwiiʼ nikʼwach ne natoqʼaaʼ qʼorik ruukʼ chi riij i Santo Laj Huuj (lmd-S lección 3 punto 5).
5. Chasikʼ woʼ chik i kʼachareel
(3 mins.) QʼOROJ KʼUHBʼAAL RUUKʼ EXHIBIDOR. Reʼ kʼachareel iruqʼor aweh chi lahtzʼ wach (lmd-S lección 7 punto 3).
6. Tiqʼoroq chi riij chajariik inanimaj
(5 mins.) Ehtalil. ijwfq-S 21. Reʼ rubʼihnaal: ¿Chaaj woʼ reet taqeh testigo reh Jehová maʼ inkaaj ta kikʼulum kikʼ pan kitibʼkaal? (th-S lección 7).
Tzʼuuy 141 (sjj-S)
7. Chatiqʼaaʼ awiibʼ wilaʼ xawaaj iqʼomjik oon pochʼarik
(15 mins.) Narutzʼirariik riij i wilih ruukʼ i molaabʼ.
Reʼ Jehová iruqʼor chi «reʼ reh intoobʼinik qeh noq wilkooj pantiʼ kʼaxik» (Sl 46:1). Noq inqaaj chi ne qojkiqʼomaaj oon chi ne qojkipochʼ mareh ne qojqajik chi kapebʼinik. ¡Xtiʼ qʼeʼ atoobʼ chi reʼ Jehová iruyeew qeh chuʼnchel i aajwaal wach chi qeh reh ikʼikʼ chupaam taqeh i wilih! Jenaj ehtalil, intyoox reh i rutinamiit wilik quukʼ i tarjeta rubʼihnaal DPA eh jeʼ woʼ i Tarjeta de identidad a eh wilik woʼ juʼjun chik taqeh i huuj irukʼaam cho naʼojbʼal reh rusikʼariik nikʼwach qiqʼomjik nakibʼanam taqeh doctor. b Eh wilik woʼ quukʼ i kitoʼbʼal taqeh Comité reh Enlace ruukʼ taqeh Hospital (CEH). Chuʼnchel taqeh i wilih qojkitobʼeej runimjiik i rukʼuhbʼaal i Dios chi riij i kikʼ. (Hch 15:28, 29, TNM).
Chakoj i VIDEO ¿Atiqʼaam na chik awiibʼ reh pochʼarik noq pan yohbʼaal wilik akʼachariik? Chi riij i reʼ chapahqaaj:
-
¿Nikʼwach xitobʼjik taqeh wilik naq chik kuukʼ i huuj DPA?
-
¿Nikʼwach xtoobʼjik taqeh juʼjun ruum i huuj Información para mujeres embarazadas (S-401)?
-
Wilaʼ naʼakahniik pan hospital, nakaat kipochʼom oon naʼakʼulum awiqʼomjiik jeʼ rukabʼ inkʼularik reh riqʼomjik i cáncer, ¿chaaj woʼ reet ko ruman chi xareʼyuʼ ne tiqʼorik ruukʼ i Comité reh Enlace ruukʼ taqeh Hospital, atoobʼ ta inakapaaj chi maʼ ne ta inwihʼik akʼaxkilaal ruukʼ i kikʼ?
8. Tijinik chi riij i Santo Laj Huuj pan molaabʼ
(30 mins.) bt-S cap. 21 párrs. 14-22
Juʼjun taqeh qʼorik reh rukuxiik (3 mins.) | (sjj-S) eh tiij
a Reʼ taqeh ajqʼorol kʼuhbʼaal qahsamaj chik kihaaʼ ne irubʼan chi ne inkipahqaaj reh i ajtoʼool reh inyeʼwik reh taqeh i huuj, jenaj huuj DPA eh jenaj Tarjeta de Identidad reh i kihalakʼuun kokʼ taq.
b Noq aajwaal wach chaweh, ne irubʼan chi ne inapahqaaj keh taqeh kʼamal bʼeeh taqeh huuj Información para mujeres embarazadas (S-401), Información para pacientes que necesitan una intervención quirúrgica o quimioterapia (S-407), eh i huuj Información para padres cuyos hijos necesitan tratamiento médico (S-55).
