17 ko 23 reh marzo
PROVERBIOS 5
Tzʼuuy 122 (sjj-S) eh tiij | Juʼjun taqeh qʼorik chi riij i naqilom (1 min.)
1. Tiʼeloq chuwach i kʼoyomal
(10 mins.)
Reʼ kʼoyomal xa holohik chik noq ne inkʼutinik (Pr 5:3; w00-S 15/7 29 párr. 1).
Reʼ kʼoyomal xa jeʼ chik rukabʼ i riis chʼahn (kʼicheeʼ) xiikʼ naah kʼahiil noq inooj kuxoq (Pr 5:4, 5; w00-S 15/7 29 párr. 2).
Tiʼeloq chuwach i kʼoyomal (Pr 5:8; w00-S 15/7 29 párr. 5).
Jenaj qʼahxoq testigo reh Jehová, maʼ iraaj ta ruyeʼem i runúmero reh jenaj kʼijool
2. Qasikʼ i loqʼlaj naʼojbʼal wilik pan Santo Laj Huuj
(10 mins.)
-
Pr 5:9. Reʼ kʼachareel reʼ inqʼehbʼik pan kʼoyomal, ¿nikʼwach noq iruyeew i ruloqʼil keh i tokoom? (w00-S 15/7 29 párr. 7).
-
¿Chajariik taqeh loqʼlaj naʼojbʼal xareq i xamaano wilih noq xawil wach i Santo Laj Huuj?
3. Rilariik wach i Santo Laj Huuj
(4 mins.) Pr 5:1-23 (th-S lección 5).
4. Chasikʼ riij nikʼwach ne tiqʼorik ruukʼ i kʼachareel
(3 mins.) QʼOROJ KʼUHBʼAAL RUUKʼ EXHIBIDOR. Chayuqʼeej pan rukʼuliik pan qakʼux i rukimiik i Jesús jenoʼ kʼachareel maʼxta runimaniik eh chakʼuhtaaj reh nikʼwach rusikʼariik pan jw.org ahaʼ ne imponik (lmd lección 6 punto 4).
5. Chasikʼ woʼ chik i kʼachareel
(4 mins.) CHIʼ TAQ PAAT. Noq xatponik ruukʼ i kʼachareel, xukʼul i huuj reh i rukʼuliik pan qakʼux i rukimiik i Jesús eh xponik chuwach i xaqʼor reh (lmd lección 9 punto 5).
6. Chasikʼ rajtahqaneel i Jesús
(5 mins.) lff lección 16 kʼoloq pan akʼux, reʼ xkahnik pan akʼux eh i «Chabʼan i wilih». Reʼ intijinik awuukʼ irupahqaaj aweh mi kaxaro naq i Jesús. Chakʼuhtaaj reh nikʼwach rusikʼariik chi riij i rupahqanik (lmd lección 11 punto 4).
Tzʼuuy 121 (sjj-S)
7. Chabʼan chuʼnchel i wilik pan aqʼabʼ reh chi saq wach anoviohiil
(15 mins.) Narutzʼirariik riij i wilih ruukʼ i molaabʼ.
Noq jenoʼ winaq eh jenaj ixoq inkehsaj kiqʼiij reh wihʼik kikabʼcheel ruum chi inkikʼax kiibʼ, novio chik taqeh. Novio chik taqeh atoobʼ ta kiʼelik pan tzuhbʼaal oon chi kutkeel. Atoobʼ ta chuʼnchel chik kehtʼal oon noq ko majaaʼ, oon wilaʼ inkiqʼoreej kiibʼ chi wachiil, pan teléfono oon pan taq mensaje. Reʼ taqeh testigo reh Jehová inkikapaaj chi reʼ elik ruukʼ jenoʼ maʼ reʼ ta kʼoʼnik, jenaj laʼ bʼanooj inkʼamwik pan kaxarohiil. Hat kʼijool oon maʼchih, ¿chajariik ne inabʼan reh chi maʼ ne ta tiqʼehbʼik pan kʼoyomal noq wilkaat chi novio? (Pr 22:3).
Chakoj i VIDEO Chajariik nanubʼanam reh chi ne chik inubʼan kaxaro — parte 1: ¿Hin na chik tiqilkiin reh eliik ruukʼ jenoʼ kʼachareel? (maʼ chuʼnchel ta). Chi riij i reʼ chapahqaaj:
-
¿Chaaj woʼ reet maʼ ne ta irubʼan chi jenoʼ ne irutikʼaaʼ jenoʼ noviazgo wilaʼ maʼ tiqlik reh kaxarohiil? (Pr 13:12; Lu 14:28-30).
-
¿Chajariik xponik chawach chi riij i toobʼinik xkiyeew taqeh ajabʼees wilih reh i kixqʼuun?
Chawil i Proverbios 28:26. Chi riij i reʼ chapahqaaj:
-
¿Chajariik nakibʼanam taqeh novio reh chi maʼ ne ta kiqʼehbʼik pan kʼoyomal?
-
¿Chaaj woʼ reet inkikʼuhtaaj chi wilik kinaʼojbʼal taqeh novio noq inkipaj i kʼaxooj nakikʼuhtaam chi kiwach, jeʼ rukabʼ rutzʼubʼariik iibʼ eh i ruchopariik chi kiqʼabʼ?
Chawil i Efesios 5:3, 4. Chi riij i reʼ chapahqaaj:
-
¿Chaaj woʼ reet nakikʼraam kiibʼ taqeh novio ruukʼ inkiqʼor pan mensaje eh jeʼ woʼ pan llamada?
8. Tijinik chi riij i Santo Laj Huuj pan molaabʼ
(30 mins.) bt-S cap. 24 párrs. 1-6.
