28 reh abril ko 4 reh mayo
PROVERBIOS 11
Tzʼuuy 90 (sjj-S) eh tiij | Juʼjun taqeh qʼorik chi riij i naqilom (1 min.)
1. ¡Maʼ aqʼor!
(10 mins.)
Maʼ aqʼor taqeh qʼorik reʼ ne irubʼan tiʼ reh awas achaaqʼ (Pr 11:9; w02-S 15/5 26 párr. 4).
Maʼ aqʼor taqeh qʼorik reʼ i ne rukʼam cho chʼaqoj iibʼ (Pr 11:11; w02-S 15/5 27 párrs. 2, 3).
Maʼ wehsaj rukʼutjiik taqeh xabʼiraj (Pr 11:12, 13; w02-S 15/5 27 párr. 5).
TIKAPEBʼINOQ CHI RIIJ I WILIH: Re’ taqeh q’orik xuq’or i Jesús re’ taqeh inqareq pan Lucas 6:45, ¿chajariik ne qojrutob’eej reh chi ma’ ne ta inqajot’ jeno’ qas qachaaq’ ruuk’ taqeh inqaq’or?
2. Qasikʼ i loqʼlaj naʼojbʼal wilik pan Santo Laj Huuj
(10 mins.)
-
Pr 11:17, TNM. Noq jeno’ wilik i atob’il ruuk’, ¿nik’wach inchalik i holohik chi naah? (g20.1-S 11, pan kʼisa cuadro).
-
¿Chajariik taqeh loqʼlaj naʼojbʼal xareq i xamaano wilih noq xawil wach i Santo Laj Huuj?
3. Rilariik wach i Santo Laj Huuj
(4 mins.) Pr 11:1-20 (th-S lección 5).
4. Chasikʼ riij nikʼwach ne tiqʼorik ruukʼ i kʼachareel
(4 mins.) CHAQʼOR I KʼUHBʼAAL XA AHAʼ PAʼ WILKAAT. Chasik’ ruwii’ reh ruq’orariik reh i k’achareel chi xatijej jenaj na’ojb’al pan jenaj moloj iib’ (lmd lección 2 punto 4).
5. Chasikʼ woʼ chik i kʼachareel
(4 mins.) CHAQʼOR I KʼUHBʼAAL XA AHAʼ PAʼ WILKAAT. Chak’uhtaaj eh chatz’ir riij jeno’ video reh i kit reh k’uhtanik xa re’ la’ ma’ akoj (lmd lección 8 punto 3).
6. Chasikʼ rajtahqaneel i Jesús
(4 mins.) QʼOROJ KʼUHBʼAAL RUUKʼ EXHIBIDOR. Chab’ehsaj reh i k’achareel jeno’ tijinik reh i Santo Laj Huuj eh chak’uhtaaj reh nik’wach taqeh qatijinik (lmd lección 10 punto 3).
Tzʼuuy 157 (sjj-S)
7. Ma’ ajot’ ruuk’ awaaq’ i wilik pan tuqkilal
(15 mins.) Narutzʼirariik riij i wilih ruukʼ i molaabʼ.
Ruum chi hoj ajmahk, wilik pech inqaq’or taqeh q’orik ma’ iruk’ul ta chi q’orarik (Snt 3:8). Noq qeht’al aha’ wilik taqeh ne qojq’ehb’ik wii’, qojrutob’eej reh chi ma’ ne ta inqaq’or taqeh q’orik re’ ne iruyeew ruti’kiil qak’ux noq qaq’orom chik. Re’ taqeh wilih i ju’jun ruwii’ ne irub’an chi ne irusach wach i tuqkilal pan molaab’:
-
Re’ nimb’isanik iib’. Wila’ re’ hoj inqanimb’isaj qiib’, ne irub’an chi ne inwih’ik ixowanik iib’ chi kixilak taqeh hermano (Pr 27:2).
-
Ruq’orariik taqeh i ma’ korik ta. Ma’ xa re’ ta ruqʼorariik taqeh chukuj q’orik, oon re’ taqeh i ne inqaq’or tokoom chik ne inkapeb’jik. Xa ruuk’ jenaj q’orik ma’ korik ta, ma’ ne ta chik inkikoj kik’ux quuk’ eh ne iruch’uwa’risaj wach i qab’ihnaal (Ec 10:1).
-
Re’ moloj wach k’utaaj. Iraaj ruq’orom noq xa chib’ih jariik inq’orarik chi riij jeno’ k’achareel chi ma’ korik ta wo’, oon q’orik chi riij i ma’ na ta naq ruq’orariik (1Ti 5:13). Re’ taqeh wilih ne iruk’am cho peleeto eh ne irusach wach i wih’ik pan jenaj wach k’uxliis.
-
Qʼorik pan josqʼiil. Iraaj ruqʼorom rehsjiik i josqʼiil chi naah jenoʼ tiʼ xuqʼor qeh (Ef 4:26). Mi xojqʼorik pan josqʼiil, ne inqabʼan tiʼ keh i tokoom (Pr 29:22).
Chakoj i VIDEO Qakanaa’ taqeh b’anooj re’ rujot’ i tuqkilal (ma’ chu’nchel ta). Chi riij i reʼ chapahqaaj:
-
Je’ rukab’ xqil, re’ tuqkilal xare’yu’ ne insahchik wach pan molaab’, ruum aj re’ ¿chajariik inqatijej chupaam i video wilih chi riij nik’wach qojq’orik?
Reh runab’jiik nik’wach xwih’ik wo’ chik tuqkilal ruukʼ i kʼaxkilal wilih, chawil i video «Chasik’ i tuqkilal eh ma’ akanaa’ chik».
8. Tijinik chi riij i Santo Laj Huuj pan molaabʼ
(30 mins.) bt-S cap. 25 párrs. 14-21.
