23 ko 29 reh diciembre
SALMO 119:121-176
Tzʼuuy 31 (sjj-S) eh tiij | Juʼjun taqeh qʼorik chi riij i naqilom (1 min.)
1. ¿Chajariik ne inubʼan reh chi maʼ ne ta kinqʼehbʼik pan kʼaxkilal?
(10 mins.)
Qakʼax taqeh i rukʼuhbʼaal i Dios (Sl 119:127; w18.06-S 17 párrs. 5, 6).
Qixowaaj wach taqeh naʼojbʼal maʼ atoobʼ ta chi bʼanarik (Sl 119:128, RLLH; w93-S 15/4 17 párr. 12).
Qabʼiraj i ruqʼorbʼal i Jehová eh maʼ inqabʼan qeh inkibʼan taqeh i maʼxta kinaʼojbʼal (Sl 119:130, 133; Pr 22:3).
CHAKAPAAJ: «¿Chajariik ne kirutobʼeej reh chi ne inkʼihik kʼisinoq chik i nukʼaxooj chi riij taqeh i rukʼuhbʼaal i Jehová eh rixowjiik wach i maʼ atoobʼ ta chi bʼanarik?»
2. Qasikʼ i loqʼlaj naʼojbʼal wilik pan Santo Laj Huuj
(10 mins.)
-
Sl 119:160. Jeʼ rukabʼ iruqʼor i versiculo ¿chi riij chajariik chʼiklik oq qakʼux? (w23.01-S 2 párr. 2).
-
¿Chajariik taqeh loqʼlaj naʼojbʼal xareq i xamaano wilih noq xawil wach i Santo Laj Huuj?
3. Rilariik wach i Santo Laj Huuj
(4 mins.) Sl 119:121-152 (th-S lección 2).
4. Chasikʼ riij nikʼwach ne tiqʼorik ruukʼ i kʼachareel
(3 mins.) CHIʼ TAQ PAAT. (lmd-S lección 1 punto 5).
5. Chasikʼ woʼ chik i kʼachareel
(4 mins.) CHIʼ TAQ PAAT. Chakʼuhtaaj reh i kʼachareel nikʼwach rusikʼariik jenoʼ naʼojbʼal pan jw.org chi riij imponik chuwach. (lmd-S lección 8 punto 3).
6. Chasikʼ rajtahqaneel i Jesús
(5 mins.) Tiqʼoroq ruukʼ jenoʼ intijinik chi riij i Santo Laj Huuj awuukʼ chi riij chaaj woʼ reet maʼ imponik ta pan chuʼnchel taqeh moloj iibʼ. (lmd-S lección 12 punto 4).
Tzʼuuy 121 (sjj-S)
7. Maʼ inooj akʼux chi riij i tumiin reh chi maʼ ne ta inwihʼik akʼaxkilal
(15 mins.) Narutzʼirariik riij i wilih ruukʼ i molaabʼ.
Kʼih i kʼachareel inkikʼuhtaaj chi reʼ i kʼaxooj chi riij i tumiin, reʼreʼ i peet pan kikʼachariik. Xa reʼ laʼ ruum i reʼ inchalik i maʼ kʼisa tiʼ kʼaxik chi kinaah (1Ti 6:9, 10). Chawil juʼjun taqeh tiʼ kʼaxik ne inchalik ruum i rukʼuxariik wach i tumiin eh noq inkanabʼjik chi reʼreʼ i peet pan kʼacharik.
-
Maʼ ne ta irubʼan chi kow i qamigohiil ruukʼ i Jehová (Mt 6:24).
-
Ne inqikʼraaj chi iraaj ruman i qatumiin (Ec 5:10).
-
Maʼ ne ta inqakʼaxkileej rubʼanariik i maʼ holohik ta chi bʼanarik jeʼ rukabʼ i chukuj qʼorik, ileqʼ oon rubʼanariik i tiʼ reh jenoʼ (Pr 28:20). Eh wilaʼ xojqʼehbʼik chupaam taqeh i pajarik wilih, ne inqʼikraaj chi wilik qamahk, maʼ holohik ta ne kiqʼorik chi qiij, eh ne inqaqʼebʼ i ratobʼil i Jehová.
Chawil i Hebreos 13:5 eh chachaqʼweej (chakʼuʼlej) naah i pahqanik wilih:
-
Jeʼ rukabʼ xqil pan texto, ¿nikʼwach naqilom i tumiin reh chi maʼ ne ta inqakʼul tiʼ kʼaxik eh chaaj woʼ reet iruqʼor qeh chi jeʼ reʼ?
Atoobʼ ta maʼ inooj ta qakʼux chi riij i tumiin, ne woʼ inchalik kʼaxkilal chi qanaah wilaʼ maʼ inqakoj chi korik.
Chakoj i EHTALIL WACH PIZARRÓN Chakoj chi korik atumiin. Chi riij i reʼ chapahqaaj:
-
¿Chajariik ne irubʼan chi ne inqatzʼihbʼaaj reh chi ne inqakoj chi korik i tumiin?
-
¿Chaaj woʼ reet ko ruman chi ne inqamol (inqakʼol) kʼisinoq qatumiin?
-
¿Chaaj woʼ reet holohik chi maʼ ne ta inqamin qiibʼ pan kʼaas?
8. Tijinik chi riij i Santo Laj Huuj pan molaabʼ
(30 mins.) bt-S cap. 20 párrs. 1-7 eh reʼ i rutohqʼiik i sección 7.
