30 reh diciembre reh 2024 ko 5 reh enero reh 2025
SALMOS 120-126
Tzʼuuy 144 (sjj-S) eh tiij | Juʼjun taqeh qʼorik chi riij i naqilom (1 min.)
Reʼ taqeh israelita reʼ xiʼelik cho Babilonia, xa suq chik kikʼux noq inkisikʼ i wach i kitiik ruum chi reʼ Jehová xukuxisaj i kikamaj.
1. «Awach taqe oqʼik inki aʼn noq inkitik, ruukʼ chik suq kiil kʼuxliis inkisikʼ i wach i kitik»
(10 mins.)
Reʼ taqeh israelita xa suq naq chik kikʼux noq xiʼehsjik cho Babilonia reh rukorsjiik i saq wach loqʼinik (Sl 126:1-3).
Reʼ taqeh xiʼooj woʼ chik kʼoloq Judea, mareh xiʼoqʼik ruum i kowlaj kamanik naq nakibʼanam ar (Sl 126:5; w04-S 1/6 16 párr. 10).
Ruum chi reʼ keh maʼ xkikanaaʼ ta rutikariik wach i akʼal, reʼ Jehová xukuxisaj taqeh (Sl 126:6; w21.11-S 24 párr. 17; w01-S 15/7 18, 19 párrs. 13, 14; chawil i ehtalil).
TIKAPEBʼINOQ CHI RIIJ I WILIH: Noq narusachariik wach i maʼ holohik ta laj bʼanooj reh i wach akʼal wilih, ¿chajariik taqeh kʼaxkilal naqikʼiik wiiʼ reh ruʼakʼbʼesjiik wach i akʼal noq ikʼinaq chik i Armagedón? ¿Chajariik taqeh kooch naqakʼulum?
2. Qasikʼ i loqʼlaj naʼojbʼal wilik pan Santo Laj Huuj
(10 mins.)
-
Sl 124:2-5. ¿Ne na inquyʼeej chi reʼ Jehová ne qojrukoʼleej jeʼ rukabʼ xubʼan ruukʼ i tinamit Israel? (cl-S 73 párr. 15).
-
¿Chajariik taqeh loqʼlaj naʼojbʼal xareq i xamaano wilih noq xawil wach i Santo Laj Huuj?
3. Rilariik wach i Santo Laj Huuj
(4 mins.) Sl 124:1–126:6 (th-S lección 5).
4. Chasikʼ riij nikʼwach ne tiqʼorik ruukʼ i kʼachareel
(3 mins.) QʼOROJ KʼUHBʼAAL RUUKʼ EXHIBIDOR. (lmd-S lección 3 punto 5).
5. Chasikʼ woʼ chik i kʼachareel
(4 mins.) CHIʼ TAQ PAAT. Jun riim noq xatqʼorik ruukʼ i kʼachareel, xuqʼor aweh chi iraaj runabʼeem kʼisinoq chik chi riij chaaj woʼ reet ne irukoj rukʼux ruukʼ i Santo Laj Huuj (lmd-S lección 9 punto 5).
6. Chasikʼ rajtahqaneel i Jesús
Tzʼuuy 155 (sjj-S)
7. Chasuqkileej rukapebʼjiik chi riij taqeh irubʼehsaj i Dios
(15 mins.) Narutzʼirariik riij i wilih ruukʼ i molaabʼ.
Reʼ Jehová xubʼan chi xooj eloq wach chuʼnchel i xubʼehsaj keh taqeh israelita reʼ xikʼamarik rejeh Babilonia. Xrehsaj taqeh rejeh ar Babilonia eh xroqʼomaj taqeh pan uxlabʼal (Is 33:24). Reʼ taqeh haabʼ maʼ xiwihʼik ta pan kitinamiit, reʼ taqeh kaq laj bʼahlam eh taqeh josqʼ laj chikop xikʼihbʼik ar. Xa reʼ laʼ, noq xichalik woʼ chik pan kitinamiit, reʼ Jehová xukoʼleej taqeh eh xukoʼleej woʼ taqeh i kichikoop reh paat reh chi maʼ xikʼuxariik ta ruum taqeh josqʼ laj chikop (Is 65:25). Xponik i qʼiij xwihʼik kipaat, xipatinik chupaam eh xkikʼux i wach i kiʼuva (Is 65:21). Reʼ Dios xukuxisaj i kikamaj, atoobʼ ta kow naq wach eh xkisuqkileej jenaj kʼacharik najt rooq (Is 65:22, 23).
Waterfall: Maridav/stock.adobe.com; mountains: AndreyArmyagov/stock.adobe.com
Chakoj i VIDEO Reʼ tuqkilal irubʼehsaj qeh i Dios irubʼan chi suq qakʼux (maʼ chuʼnchel ta). Chi riij i reʼ chapahqaaj:
-
¿Nikʼwach kʼahchiʼ rojiik eloq wach taqeh qʼorooj cho rubʼiral wilih pan qaqʼijil?
-
¿Nikʼwach narojiik eloq wach chuʼnchel i wilih pan akʼ akʼal?
-
¿Ahaʼ wilik i rubʼehsam i Jehová inawaaj chi ne inooj eloq wach?
8. Tijinik chi riij i Santo Laj Huuj pan molaabʼ
(30 mins.) bt-S cap. 20 párrs.8-12 eh pan kʼisa cuadro reh i pág. 161.
