7 ko 13 reh octubre
SALMOS 92-95
Tzʼuuy 84 (sjj-S) eh tiij | Juʼjun taqeh qʼorik chi riij i naqilom (1 min.)
1. ¡Ruloqʼjiik i Jehová reʼreʼ xti qʼeʼ holohik chi qʼeh!
(10 mins.)
Reʼ Jehová irukʼul chi reh, chi ne inqayeew ruloqʼil (Sl 92:1, 4; w18.04-S 26 párr. 5)
Reʼ Jehová irutobʼeej taqeh i kiloqʼinik reh, reh chi ne inkichih i holohik reh chi suq kikʼux (Sl 92:5; w18.11-S 20 párr. 8).
Iruyeew ruloqʼil taqeh rajkamanoom, atoobʼ ta rijibʼ chik taqeh (Sl 92:12-15; w20.01-S 19 párr. 18).
CHAKAPAAJ: ¿Chajariik kiruqʼat reh chi ne inuqʼahsaj i nukʼachariik reh i Jehová eh chi ne inuqahsaj nuhaaʼ?
2. Qasikʼ i loqʼlaj naʼojbʼal wilik pan Santo Laj Huuj
(10 mins.)
-
Sl 92:5 Jeʼ rukabʼ iruqʼor i versículo wilih, ¿chaaj woʼ reet xti yohbʼaal wach chamiil paam i rukapebʼaal i Jehová? (cl-S 176 párr. 18)
-
¿Chajariik taqeh loqʼlaj naʼojbʼal xareq i xamaano wilih noq xawil wach i Santo Laj Huuj?
3. Rilariik wach i Santo Laj Huuj
(4 min.) Sl 94:1-23 (th-S lección 5)
4. Chasikʼ riij nikʼwach ne tiqʼorik ruukʼ i kʼachareel
(4 mins.) CHAQʼOR I KʼUHBʼAAL XA AHAʼ PAʼ WILKAAT. Noq qʼorik kʼahchiʼ kaat ruukʼ i kʼachareel, chasikʼ riij nikʼwach ne tiqʼorik ruukʼ chi riij akamaj chi ajkʼuhtaneel reh i Santo Laj Huuj (lmd-S lección 5 punto 3)
5. Chasikʼ woʼ chik i kʼachareel
(3 mins.) CHAQʼOR I KʼUHBʼAAL XA AHAʼ PAʼ WILKAAT. Chabʼehsaj rutijinik i kʼachareel ruukʼ i Santo Laj Huuj reʼ maʼ xraaj ta tijinik najtir eh yuʼnaak xraaj chik (lmd-S lección 8 punto 4)
6. Chasikʼ rajtahqaneel i Jesús
(5 mins.) Tiqʼoroq ruukʼ awajtijineel reʼ i maʼ irukoj ta pan rukʼachariik i kʼahchiʼ rutijem (lmd-S lección 12 punto 5)
Tzʼuuy 5 (sjj-S)
7. Reʼ taqeh kʼijool kiqajik woʼ chi kapebʼinik
(15 mins.) Narutzʼirariik riij i wilih ruukʼ i molaabʼ.
Chi qunchelaal atoobʼ ta hoj rajkamanoon i Jehová, qojqajik woʼ chi kapebʼinik. Jenaj ehtalil, reʼ David xikʼik chupaam i kʼaxkilal wilih eh chupaam i qaqʼijil kʼih taqeh hermano inkikʼul woʼ i wilih (Sl 13:2; 139:23) Tiʼ ruqʼorariik, xa reʼ laʼ reʼ taqeh kʼijool kiqajik woʼ chi kapebʼinik. Mareh ruum i kʼaxkilal wilih inkikʼraaj chi reʼ ojik pan escuela oon ojik pan taq moloj iibʼ jenaj ihqʼ chi keh eh wilik pech reʼ kapebʼinik wilih ne irubʼan chi ne kiyoʼjik oon ne inkikapaaj rukantesjiik kiibʼ.
Kʼijool mi hat qʼuhteel ruum chi qʼeʼ tiqajik chi kapebʼinik, tiqʼoroq ruukʼ atuut oon awajaaw oon ruukʼ jenoʼ ajnimaneel kow pan uxlabʼal eh kʼoloq woʼ pan akʼux chi ne irubʼan chi ne inapahqaaj atobʼal reh i Jehová (Flp 4:6). Reʼ reh ne tirutobʼeej (Sl. 94:17-19; Is 41:10). Chawil i rehtalil i Steing.
Chakoj i VIDEO Reʼ Jehová xtobʼinik weh ruum chi iraaj nuwach. Chi riij i reʼ chapahqaaj:
• ¿Ahaʼ wilik i texto reh i Santo Laj Huuj xtobʼinik reh i Steing eh chaaj woʼ reet?
• ¿Nikʼwach xchajaljik i Steing ruum i Jehová?
Hat taq ajabʼees, ne irubʼan chi ne taq inatobʼeej taqeh ahalakʼun noq kiqajik chi kapebʼinik. Peet chabʼiraj taqeh ruukʼ quniil eh chaqʼor taq keh chi inawaaj taq kiwach eh chaqʼor woʼ taq keh chi reʼ Jehová iraaj kiwach reh chi ne inkikoj kikʼux ruukʼ (Tit 2:4; Snt 1:19). Kʼoloq taq pan akʼux chi reʼ Jehová ne taq iruyeew rukowiil akʼux eh awansil, jeʼ reʼ noq chakoj taq akʼux ruukʼ.
¿Wilik na jenoʼ pan amolaabʼ kʼahchiʼ rikʼiik chupaam i kʼaxkilal wilih? Mareh wilik jenoʼ xa reʼ laʼ maʼ qʼehtal ta. Eh mi wilik, mareh kʼaxik chi qeh rureqariik chi riij nikʼwach irikʼraaj riibʼ. Atoobʼ ta jeʼ reʼ, wilik i ne inqabʼan. Qaqʼoreej taqeh qahermano pan chaqlamiil reh chi jeʼ reʼ ne inkikʼraaj chi inqaaj kiwach (Pr 12:25; Heb 10:24).
8. Tijinik chi riij i Santo Laj Huuj pan molaabʼ
(30 mins.) bt-S cap. 16 párrs. 6-9 eh pan kʼisa cuadro reh i pág. 132.
