Kʼih i kʼachareel inkikapaaj chi reʼ rukojariik i cruz ehtalil chi rajtahqaneel i Jesús taqeh. Xa reʼ laʼ atoobʼ ta reʼ hoj testigo reh Jehová hoj ajnimaneel, maʼ inqakoj ta i cruz eh maʼ inqaloqʼej ta wach. ¿Chaaj woʼ reet?

 Re’ peet ruwiiʼ. Reʼ i Santo Laj Huuj maʼ irukʼuhtaaj ta chi reʼ Jesús xkimik wach jenaj cruz. Iruqʼor laʼ chi xkimik wach jenaj cheeʼ. Iruyeew woʼ i kʼuhbʼaal wilih keh taqeh ajnimaneel: «Maaloqʼej ta chik chi jumpech i tiyoox». Reʼ rukojariik i cruz pan qaloqʼinik jeʼ rukabʼ ruloqʼjiik taqeh tyoox (1 Corintios 10:14; 1 Juan 5:21).

 Eh jenaj chik ruwiiʼ. Reʼ Jesús xuqʼor nikʼwach naq runabʼjiik kiwach taqeh manlik ajnimaneel noq xuqʼor: «Eh wilaʼ kʼul taq xakʼax awiibʼ chawach, chunchel i tinamit naa kikojom rehtaal chi hat taq waj tahqaneel» (Juan 13:34, 35). Jeʼ reʼ noq, reʼ irukʼuhtaaj chi hoj manlik ajnimaneel maʼ reʼ ta i rukojariik i cruz oon jenoʼ chik ehtalil, reʼ laʼ i kʼaxooj inqikʼraaj chi kiij taqeh qas qachaaqʼ.