¡NAKUIXTYAAJƗ!
2022: Tuum amtyɨy iga taga’man̈jak | ¿Tyi nɨmpa je’m Biblia?
Je’m guerras, iga majtyim tso’owɨy tyidyin̈kej, y je’m desastres iga nasneyaj je’m amtyɨy 2022, tsaam an̈matneyajta en je’m noticias. Numaaj je’m Biblia wɨap tanɨ’ɨyɨyay tyi’iga naspa ixɨ’ ityumpɨy yɨ’p.
Tyi’iga nasne’ ityumpɨy yɨ’p je’m amtyɨy 2022
Ityumpɨy je’m nasɨyo’oyiyaj ikwiñkejpa iga ju’uts nɨmpa je’m Biblia taitytya’mum «jém íŋaŋpɨgam ja̱ma» (2 Timoteo 3:1, Jém Jomipɨc Trato [JJT], La Liga Bíblica). Je’m in̈an̈pɨgam jaama tsukum je’m amtyɨy 1914. A’mɨ juutypɨk je’m Biblia ijɨychakneum idyɨk iga yɨ’pyaj nasɨyo’oyiyaj kupakyajpa yɨ’p jaamayaj:
«Guerra» (Mateo 24:6, JJT).
«2022 je’m amtyɨy iga je’m guerra iya’achwado’oyi seetgak Europa». a
A’mɨ je’m an̈kejayo’oyi «Rusia invade Ucrania».
«Mɨjpɨc yuu» (Mateo 24:7, JJT).
«2022: Dya’ keman oyñe’ ityi yɨkxpɨk yu’u’». b
A’mɨ je’m an̈kejayo’oyi «La guerra en Ucrania empeora la crisis alimentaria mundial».
«Jáyaŋ caacuy» (Lucas 21:11, JJT).
«Iga eybɨk ity je’m poliomielitis, iganam je’m viruela del mono an̈pɨkpa ixɨ’ y je’m COVID-19 duroj akkao’yba ixɨ’, ikwiñkejne’ ju’tspɨy wɨap tamalwadayyaj je’m ka’akuyyaj jobitypɨk an̈pɨkyajpa». c
A’mɨ je’m an̈kejayo’oyi «Seis millones de muertes por COVID».
«Jém cosa agui michɨgaŋjécpa» (Lucas 21:11, JJT).
«Piiji’a, pijchɨ’y jaama, kujipsnas je’m kuyan̈juj y jɨ’tyki’m je’m tɨgan̈jujyaj. Je’m kujaamsɨn̈ 2022 dya’ i ikuja’ama’yba iga nas ityumpɨy yɨ’p y pɨɨmi malwadoy, ikuwɨtyi naxyukmɨ ja’yan̈yaj ka’ayaj o nɨkyaj ityi tun̈gak an̈eymɨ». d
A’mɨ je’m an̈kejayo’oyi «Tsaam pɨɨmi piiji’ane’ ikuwɨtyi naxyukmɨ».
«An̈aaji [o, «pleito», «an̈teeñkamogo’oyi»]» (Lucas 21:9, nota).
«Iga dyam tyi taktsɨ’ya’yba je’m tumiñ y majtyim tso’owɨy ityumpɨy, ja’yan̈yaj tsaam ijo’ykaneyaj, dya’ keman oyba iwatta jesan̈ protesta ju’uts je’m amtyɨy 2022». e
A’mɨ je’m an̈kejayo’oyi «Se dispara la inflación en el mundo».
¿Tyi naspa pe’m amtyɨy?
Dya’ tan̈wɨjoodon̈tam tyi naspa je’m amtyɨy 2023. Pero tanjoodon̈tam iga dyam ja’yñe’, je’m Dios iAn̈jago’oyi, o je’m an̈jago’oyi sɨn̈yukmɨpɨk, iwɨtsakpa ityumpɨy jempɨk naspa ixɨ’ yɨ’p naxyukmɨ (Daniel 2:44). Iktogoyba ityumpɨy jempɨk taya’achwatpa y ikkupakpa je’m Dios ijɨɨxi yɨ’p naxyukmɨ (Mateo 6:9, 10).
Mantɨ’pta’mpa iga in̈kupɨguiñ je’m Jesucristo ian̈ki’mayo’oyi y ityɨ «al tanto» juutypɨk kupakpa iñɨk ikuwɨtyi naxyukmɨ jempɨk ijɨychakne’ je’m Dios In̈maatyi (Marcos 13:37, JJT). Siiga iñjoodon̈ato’obanam, wɨap anakwa’kta’m y manan̈kejaytya’mpa juutypɨk wɨap miyooxpa’t je’m Biblia y juutypɨk wɨap michi’ mimich y je’m iñfamilia tuum wɨbɨk an̈jogo’oyi iga kupakpa tannɨgɨyo’oyijom.
a AP News, «2022 Was Year the Horror of War Returned to Europe [2022 je’m amtyɨy iga je’m guerra iya’achwado’oyi seetgak Europa]», por Jill Lawless; 8 de diciembre de 2022.
b World Food Programme, «A Global Food Crises [Dya’ jaya’ i wi’kkuy ikuwɨtyi naxyukmɨ]».
c JAMA Health Forum, «Living in an Age of Pandemics—From COVID-19 to Monkeypox, Polio, and Disease X [Agui an̈pɨkne’ je’m ka’kuyyaj ikuwɨtyi naxyukmɨ: Tsukum kun je’m COVID-19 y okmɨ je’m viruela del mono, poliomielitis y je’m ka’kuyyaj X]», por Lawrence O. Gostin, JD; 22 de septiembre de 2022.
d Earth.Org, «What’s Behind the Record-Breaking Extreme Weather Events of Summer 2022? [¿Tyi’iga joyjoytyim piiji’a je’m kujaamsɨn̈ 2022?]» por Martina Igini; 24 de octubre de 2022.
e Carnegie Endowment for International Peace, «Economic Anger Dominated Global Protests in 2022 [Iga ityumpɨy majtyim tso’owɨy iktsukum protestas ikuwɨtyi naxyukmɨ je’m amtyɨy 2022]», por Thomas Carothers y Benjamin Feldman; 8 de diciembre de 2022.
Wɨapsɨ iga iñjoodon̈ato'obatyim
AIXPƗKTA’AMƗ
Wa’akɨ iga mijooyaytyaiñ
Impa’tpa je’m Bibliajom je’m kutson̈o’oyi iga sɨ’ in̈kua’m o wɨixpɨkyaajɨ je’m Jehová in̈matkɨ’ɨwiñyaj.
