¡NAKUIXTYAAJƗ!
Tyi’iga wɨap tanaity tuum wɨbɨk an̈jogo’oyi je’m amtyɨy 2023 | ¿Tyi nɨmpa je’m Biblia?
Jesɨk tsukumpa je’m amtyɨy 2023, tantumpɨytyam tanan̈jo’kta’mpa iga tawɨnɨgaytya’miñ taɨchtyam y je’m tanfamilia. ¿Tyi’iga wɨap tanaity tuum wɨbɨk an̈jogo’oyi?
Je’m Biblia tachi’iba tuum wɨbɨk an̈jogo’oyi
Je’m Biblia tanɨ’ma’yba iga je’m kobakpiijiyaj sɨ’pa’ap tanan̈teeñkamokta’m kuyajpa y tawɨnɨga’yba. Je’m Biblia «jaychacneta̱ iga taŋquejáypa taɨcht́am. [...] Tsa̱m tayo̱xpátpa iga tanyaachɨ́yiñ [...]. Jeeyucmɨ tanaŋjócpa jém ja̱ma iga tampɨctsoŋpa t́it́am tajɨycámayñe Dios» (Romanos 15:4, Jém Jomipɨc Trato [JJT], La Liga Bíblica).
Siiga iñjoodon̈ato’obanam tyiñam ijɨykamne’ je’m Biblia, maayɨ’ je’m an̈kejayo’oyi «La esperanza real de un mañana mejor».
Tuum an̈jogo’oyi iga wɨap miyooxpa’t sɨɨ
Je’m an̈jogo’oyi tachi’ipa’ap je’m Biblia jeex «ju’uts ancla para jém» tamvida (Hebreos 6:19, JJT). Yɨ’p an̈jogo’oyi tayooxpa’tpa iga tanya’achɨ’yiñ. Tayooxpa’tpa iga wɨaiñ tanan̈teeñkamok je’m kutɨ’ɨchiyaj o kobakpiijiyaj yɨ’p jaamapɨk, odoy tan̈ya’guiñ y odoy tampatstogo’yiñ je’m maymayaaji. Ju’uts akwiñkejo’oyi:
A’mɨ juutypɨk je’m an̈jogo’oyi tachi’ipa’ap je’m Biblia iyooxpa’t tuum pɨɨxiñ iga odom idyɨk uguiñ. A’mɨ je’m video «Llegué a odiar la vida que llevaba».
A’mɨ juutypɨk je’m an̈jogo’oyi tachi’ipa’ap je’m Biblia wɨap tayooxpa’t jesɨk ka’aba algun i iga tantoyba. A’mɨ je’m video Je’m tooya’ tanjaampa’ap jesɨk ka’aba algun i iga tantoyba.
Pɨɨmchiɨ’ je’m iñan̈jogo’oyi
Ja’yan̈yaj in̈jo’kyajpa iga iwɨnɨgayyajiñ, pero dya’ ijoodon̈yaj ju’uts iñɨgayyajpa. Pero je’m Biblia wɨap tachi’ tuum wɨbɨk an̈jogo’oyi. ¿Tyi’iga? Iga je’m an̈jogo’oyi tachi’ipa’ap je’m Biblia miñba de Jehová a Dios, y «tanjo̱doŋ iga Dios d́a mɨgóypa» (Tito 1:2, JJT). Numaaj Jehová wɨap ikkupak ityumpɨy jempɨk ijɨykamne’; je’ wɨap iwat «ityumpɨy jempɨk ijɨɨsne’ iga iwatpa» (Salmo 135:5, 6).
Mantɨ’pta’mpa iga impɨktson̈iñ je’m an̈jogo’oyi tachi’ipa’ap je’m Biblia. Wɨap in̈kupɨk je’m ijɨykamo’oyiyaj siiga in̈kuyujka’aba «jém aŋma̱t́i jém jayñewɨɨp» (Hechos 17:11, JJT). Wa’akɨ iga mikkuyujkataiñ je’m Biblia y dya’ i miche’ga’yba. ¡Aktsukuumɨ je’m amtyɨy 2023 kun tuum wɨbɨk an̈jogo’oyi!
a Dios iñɨɨyi Jehová (Salmo 83:18).