¡NAKUIXTYAAJƗ!
Je’m an̈aaji política | ¿Tyi nɨmpa je’m Biblia?
Ikuwɨtyi naxyukmɨ tsaam ity je’m an̈aaji política.
En México, akka’neyajta 39 candidatos políticos, y je’m amtyɨy 2023-2024 majnam an̈aayaj je’m políticos que tun̈gak amtyɨy.
Europa tsaam pɨɨmi in̈an̈kamokne’ je’m an̈aaji política, ju’uts jesɨk akka’atatɨ’ɨp je’m wiñtyipɨk ministro de Eslovaquia je’m jaama 15 de mayo de 2024.
En Estados Unidos, tsaam a’man̈jakyaj jesɨk akka’atatɨ’ɨp je’m expresidente Donald Trump je’m jaama 13 de julio de 2024.
¿Tyi’iga tsaam ity je’m an̈aaji política? ¿Kuyajpa algun jaama? ¿Tyi nɨmpa je’m Biblia?
Je’m Biblia ijɨychak iga tsaam itypa idyɨk an̈aaji política
Je’m Biblia ijɨychak iga yɨ’p «íŋaŋpɨgam ja̱ma», tsaam idyɨk itypa an̈aajiyaj y dya’ idyɨk tumtyi jɨɨxi iniityyajpa.
«Cuando núcpa jém íŋaŋpɨgam ja̱ma, tsa̱m yaachwatyajta̱p jém Dios ipɨxiñt́am. Jém malopɨc pɨxiñt́am natoyt́a̱p iyaac […] d́a ijɨ̱spa tu̱m pɨ̱xiñ iga iwɨ̱wadayñe, iwatpa contra jém Dios iŋquímayooyi., […] d́a iyaachaŋja̱mpa, […] Tsa̱m bruto, […] Imalwadáypa jém iamigoyaj. D́a imatoŋpa iga tanaŋjɨyjacpa. Nɨmpa iga ɨch más awɨa̱p» (2 Timoteo 3:1-4 Jém Jomipɨc Trato, La Liga Bíblica).
Je’m Biblia ijɨychaktyim iga yɨ’p jaama tsaam idyɨk itypa an̈aaji política y ja’yan̈yaj in̈teeñkamokyajpa je’m an̈jago’oyiyaj (Lucas 21:9, nota). Pero je’m an̈aaji política dya’ juchixkej itypa.
Kuyajpa je’m an̈aaji política
Je’m Biblia in̈matpa iga je’m Dios iAn̈jago’oyi iktogoyba ityumpɨy je’m an̈jago’oyiyaj ityyajwɨ’ɨp yɨ’p naxyukmɨ.
«Je’m Dios sɨn̈yukmɨpɨk ikka’mpa tuum an̈jago’oyi […] y iktogoyba ityumpɨy yɨ’pyaj an̈jago’oyiyaj y je’am ikutyum tsɨ’yan̈jakpa» (Daniel 2:44).
Je’m Dios iAn̈jago’oyi iwatpa iga idyiñ paz y tanaitytya’miñ tumtyi jɨɨxi.
Je’m iAn̈jago’oyi , Jesucristo, aknɨ’ɨyakataptyim «Príncipe de Paz». Iwatpa iga juchixkej idyiñ paz (Isaías 9:6, 7).
Dende sɨɨ jempɨk sɨ’bam ikuya’gɨyyaj je’m Dios iAn̈jago’oyi ikuyujkayajpam inisɨ’ɨyaj iityyaj en paz. Je’m Biblia nɨmpa iga: «Je’m iespadajyaj tsɨ’yyajpa ju’uts nasjɨ’ɨdoykuy y je’m ilanzajyaj ju’uts mooya an̈tɨ’kskuyyaj. Je’m nacionyaj dyam an̈ayajpa kun tun̈gakyaj y dyamtyim maaj iktsukumyajpa guerra» (Isaías 2:3, 4).
Siiga iñjoodon̈ato’obanam, maayɨ’ je’m an̈kejayo’oyi “¿Qué cosas logrará el Reino de Dios?” y a’mɨ je’m video ¿Tyiapa’ap je’m Dios iAn̈jago’oyi?
Wɨapsɨ iga iñjoodon̈ato'obatyim
¡NAKUIXTYAAJƗ!
Dya’m i iniidya’yba confianza je’m políticos | ¿Tyi nɨmpa je’m Biblia?
Je’m Biblia tan̈ki’mta’mpa iapa’ap tan̈kupɨgaytya’miñ y tan̈keja’yba je’m nuntapɨk an̈jogo’oyi tannɨgɨyo’oyijom.
¡NAKUIXTYAAJƗ!
¿Tyi’iga je’m política iwe’kpa je’m jɨɨxiyaj? | ¿Tyi nɨmpa je’m Biblia?
Ikuwɨtyi naxyukmɨ, je’m política iwatne’ iga ja’yan̈yaj odoy nawɨixyajtaiñ. Pero je’m Biblia tanɨ’ma’yba juutypɨk wɨtsɨ’yba ityumpɨy: tuum líder wɨap iwat iga ityumpɨyyaj iniityyajiñ tumtyi jɨɨxi.
CAMPAÑA ESPECIAL
Tan̈wagakuyujkata’miñ je’m Dios In̈maatyi
Kuyujkaɨ’ je’m Biblia y dya’ i michega’yba.
