Jempɨk ityyaj yɨ’p an̈eymɨyaj ikupin̈yajpa iapa’ap ichakyajpa ju’uts an̈jago’oyi.

 ¿Tyi nɨmpa je’m Biblia?

 Je’m Biblia tanɨ’mma’yba tyi’iga je’m an̈jago’oyiyaj yɨ’p naxyukmɨpɨk dya’ kuka’psneyaj.

•   «Odoy kupɨgaytya’amɨ je’m príncipes y ni tuum pɨɨxiñ, je’eyaj dya’ wɨap mikɨakputta’m. Yajpa je’m ipɨɨmɨ, y je’m pɨɨxiñ nɨkpa naxyukmɨ; je’tyi jaama togoyba ijɨɨxi» (Salmo 146:3, 4, nota).

 Ityumpɨy je’m an̈jago’oyiyaj ka’ayajpa, mex iga tsam ityeguetyaj idyɨk iyooxakuy. Y mex iga je’eyaj tsaam wɨyooxayaj, dya’ nɨmto’oba iga jempɨk ika’aguɨyyajpa jempɨktyim iwatyajpa (Eclesiastés 2:18, 19).

 Je’m Biblia iwɨan̈matpa iga taɨchtyam dya’ tawattamta iga tanya’ak tanan̈jaktamtaiñ.

•   «Je’m pɨɨxiñ dya’ iya’ak ipɨkpa ijɨɨxi jutytyam nɨgɨyɨ’yba» (Jeremías 10:23).

 Jesɨk, ¿ity algun i iga wɨap ichɨ’y ju’uts tuum wɨbɨk an̈jago’oyi?

 Je’m Biblia in̈kejpa iga Dios ikupin̈ne’ je’m maaj wɨbɨk an̈jago’oyi: Jesucristo (Salmo 2:6). Je’am in̈jakpa je’m Dios iAn̈jago’oyi, yɨp an̈jago’oyi ity sɨn̈yukmɨ y dende jemɨgam in̈jakpa (Mateo 6:10).

 ¿Iña’mchi’iba iga Jesús min̈jaguiñ? Je’m Biblia tanɨ’ma’yba tyi’iga wɨɨ iga tan̈wɨpɨguiñ tanjɨɨxi:

•   «Kuji’ptam je’m manɨkpɨk [Jesucristo]; siiga dya’, Dios ijo’yka’aba y mimichtyam mika’ata’mpa je’m tun̈jom, je’ jikskɨy ijo’yka’aba. ¡Maymayyaj jempɨk ikua’mme’tsyajpa!» (Salmo 2:12).

 Sɨ’ɨbam wɨɨ iga tan̈wɨpɨkta’miñ tanjɨɨxi. Je’m jɨychago’oyiyaj itywɨ’ɨp Bibliajom in̈kejpa iga Jesús ipɨktson̈ ityeguedɨ’ɨyi en 1914 y je’m jɨychago’oyiyaj in̈kejyajpatyim iga dya’ jayñe’ aktogoyyajtaap ityumpɨyyaj je’m an̈jago’oyiyaj ityyajwɨ’ɨp yɨ’p naxyukmɨ (Daniel 2:44).

 Siiga iñjoodon̈ato’oba juutypɨk wɨap in̈kuya’gɨy Jesús ju’uts an̈jago’oyi, maayɨ’ je’m an̈kejayo’oyi «Apoyemos ahora el Reino de Dios».