¡NAKUIXTYAAJƗ!
Nu’kum tuum amtyɨy iga ity guerra en Ucrania | ¿Ju’p an̈jogo’oyi chio’yba je’m Biblia?
Viernes 24 de febrero de 2023, nu’k tuum amtyɨy iga tsukumne’ je’m guerra en Ucrania. Weeñi informes nɨmyajpa iga tuumtsam 300,000 soldados ucranianos y rusos ka’aneyaj o ko’owaneyaj, y nɨmyajpa iga ka’aneyaj tuumtsam 30,000 jempɨk ityyaj pe’m an̈eymɨ. Pero wɨapsɨ iga majnam ja’yan̈ ka’aneyaj.
Tan̈ya’kwatpa iga yɨ’p guerra ken dyanam kuyajpa ixɨ’.
«Nɨkiam toomi tuum amtyɨy iga je’m Ejército ruso moj inin̈a Ucrania, y ken dyanam sɨ’ ikuyaj yɨ’p an̈aaji. Dyatyim kejpa iapa’ap sɨ’ ikooñwɨy o siiga tuum de je’eyaj iwatto’oba tuum acuerdo» (NPR [radio pública nacional de Estados Unidos], 19 de febrero de 2023).
Je’yukmɨ ja’yan̈yaj in̈ya’kwatyajpa ityumpɨy je’m ya’achaaji iga ichakne’ yɨ’p guerra y tun̈gak an̈aajiyaj ikuwɨtyi yɨ’p naxyukmɨ. ¿Ju’p an̈jogo’oyi chio’yba je’m Biblia? ¿Nu’kpasɨ jaama iga kuyajpa je’m guerras?
Tuum guerra iga ikkuyajpa ityumpɨy je’m guerras
Je’m Biblia ijɨyki’mpa tuum guerra iga dya’ taktogoyba, yɨ’p guerra takɨakputpa. Aknɨ’ɨyakataap Armagedón, y je’m libro bíblico de Apocalipsis nɨmpa iga je’m an̈jago’oyiyaj inin̈ayajpa «Dios jém ja̱ma icupiŋnewɨɨp jém tanJa̱tuŋ Dios jém iniit́wɨɨp it́u̱mpɨy ipɨ̱mi» (Apocalipsis 16:14, 16, Jém Jomipɨc Trato, LA LIGA BÍBLICA). Dios ipɨkpa yɨ’p guerra iga ikkutogoya’yba je’m an̈jago’oyiyaj itywɨ’ɨp yɨ’p naxyukmɨ iga je’am iniityyaj je’m culpa iga ja’yan̈yaj ya’achayajpa ikuyukmɨ je’m guerras. Iga iñjoodon̈aiñ juutypɨk je’m Armagedón inimiñba paz, maayɨ’ yɨ’pyaj an̈kejayo’oyiyaj: