Je’m jaama 27 de enero de 2023, ja’yan̈yaj ikusɨn̈akayajpa je’m Día Internacional en Memoria del Holocausto. Wɨapsɨ iga kun ityumpɨy jempɨk nas peka’, iga sɨɨ nɨkpam maaj de 75 amtyɨy, iwatpa iga mich minikwa’ktaiñ tyi’iga Dios ia’mchi’ iga naxiñ je’m Holocausto.

•   Iga iñjoodon̈aiñ tyi nɨmpa je’m Biblia, maayɨ’ je’m an̈kejayo’oyi «¿Por qué sucedió el Holocausto judío? ¿Por qué Dios no lo impidió?».

 Je’m Holocausto tsaam imalwaday je’m judíojyaj. Tsaam pɨɨmi ya’achayaj, y ja’yan̈yaj akka’ayajta. Y dya’ numaaj akka’ayajta je’m judíojyaj, ya’achwatyajtatyim y akka’ayajtatyim tun̈gakyaj. Je’m Jehová itestigojyaj ya’achwatyajtatyim iga ikupɨkyajpa jempɨk in̈kejpa je’m Biblia.

•   Siiga iñjoodon̈ato’obanam, maayɨ’ je’m an̈kejayo’oyi «¿Qué les ocurrió a los testigos de Jehová durante el Holocausto?».

 Ja’yan̈yaj dya’ ixunyajpa iga eybɨk idyiñ tuum nasɨyo’oyi ju’uts je’m Holocausto. Je’m Biblia taanmajan̈chi’iba iga tanaitypa tuum wɨbɨk nɨgɨyo’oyi y dyam keman itypa tuum nasɨyo’oyi ju’uts pekapɨk.

•   «An̈wɨjoodon̈ jempɨk ansunba para mimichtyam —nɨmpa Jehová—. Ansunba iga miwɨitytya’miñ, odoy miya’achata’miñ. Manchi’ityamto’oba tuum an̈jogo’oyi y tuum wɨbɨk nɨgɨyo’oyi» (Jeremías 29:11). a

 Yɨ’p an̈jogo’oyi kupakpa jesɨk Jehová iktogoyba je’m malwado’oyi y iwɨtsakpa ityumpɨy jempɨk mɨsane’. Dyam ja’yñe’, Dios iwatpa yɨ’ɨmpɨk:

•   Iktogoyba jempɨk malwatyajpa, ityumpɨyyaj jempɨk iya’achwatyajpa tun̈gakyaj (Proverbios 2:22).

•   Ikpo’ksa’yba ianmaj ityumpɨyyaj jempɨk ya’achaneyaj, y wɨityyajpam (Apocalipsis 21:4).

•   Iktsukumpa jempɨk ka’aneyaj iga iitykayajiñ yɨ’p Nas (Juan 5:28, 29).

 Mich wɨap in̈kupɨk iga kupakpa yɨ’p wɨbɨk an̈jogo’oyi iga ijɨyki’mpa je’m Biblia. Siiga iñjoodon̈ato’oba tyi’iga wɨap in̈kupɨk, mantɨ’pta’mpa iga in̈kuyujkaiñ je’m Biblia kun aɨchtyam.