Je’m amtyɨy 2023 ja’yan̈yaj in̈teeñkamokyaj je’m an̈ya’aki y ijaamyajpa idyɨk iga ityyaj ikutyum. ¿Wɨapsɨ tanya’achɨy jesɨk jeex tanan̈jaam?

•   «Jesɨk tanjaampa iga taity tan̈kutyum y tan̈ya’kpa tsaam pɨɨmi tamalwada’yba», nɨmpa je’m Dr. Vivek Murthy, cirujano general de EE. UU. Je’ nɨmtyim: «Wɨap tan̈wat algun tyi iga odom maaj tatɨgɨya’yiñ», ¿tyi wɨap tan̈wat? «Tumtum jaama tampɨɨmchitya’miñ tan̈wɨnanɨgo’oyi kun tun̈gakyaj». a

 Jesɨk algun i an̈ya’kpa y ijaampa iga ity ikutyum dya’ nɨmto’oba iga juchixkej ity ikutyum. Weeñi wɨap ijaamyaj iga ityyaj ikutyum meex iga ityyaj kun tun̈gakyaj. Dya’ tyi ijoo tyi’iga jeex tanan̈jaamta’m, je’m Biblia wɨap tayooxpa’tta’m. Iniity wɨtampɨk an̈ki’mayo’oyiyaj iga wɨap tayooxpa’t tanan̈teeñkamok je’m an̈ya’aki y wɨaiñ tampɨɨmchi’ je’m tan̈wɨnanɨgo’oyi kun tun̈gakyaj.

 Wɨmuruujɨ. Nasuntaptyim iga in̈wɨkumaton̈yajiñ tun̈gakyaj y dya’ numaaj miñɨmpa jempɨk mich iñjaampa. Jesɨk iñtyeguedayajpa tun̈gakyaj maaj in̈wɨnanɨgayyajpa.

•   Jɨɨxian̈chio’oyi itywɨ’ɨp Bibliajom: «Odoy métstaamɨ iga miniwɨ̱wadayt́a̱p iñyaac. Pero métstaamɨ jutsa̱p iŋwɨ̱wadáyt́a jém iñt́ɨ̱wɨtam» (Filipenses 2:4).

 An̈pɨ’tsyajɨnam tun̈gakyaj. Amigojaajɨ je’m mañipɨkyaj y tsaamipɨkyaj meex iga ityyaj tun̈gak an̈eymɨ o iniityyaj tun̈gak cultura.

•   Jɨɨxian̈chio’oyi itywɨ’ɨp Bibliajom: «An̈pɨ’tsta’amɨ tun̈gakyaj» (2 Corintios 6:13).

 Siiga iñjoodon̈ato’obanam juutypɨk wɨap iñamigoja tun̈gakyaj maayɨ’ je’m an̈kejayo’oyi «Cómo saciar la sed de amistad».