En julio de 2022, waatyi an̈eymɨ ikuwɨtyi naxyukmɨ dya’ idyɨk keman oyba piiji’aaji jespɨy:

•   «China iñɨ’may jempɨk ityyaj tuumtsam 70 an̈eymɨyaj iga nakuixyajtaiñ iga wɨskɨyam tsaam pɨɨmi piiji’aap tumtyi mes» (25 de julio de 2022, Servicio de Noticias de la CNN).

•   «Europa tsaam kujipsnaspa ixɨ’ iganam je’m jaama pijchɨyñe’ y tsaam pɨɨmi piiji’ane’» (17 de julio de 2022, The Guardian).

•   «Je’m jaama domingo, weeñi an̈eymɨyaj ityyajwɨ’ɨp lamar an̈naaka’, Estados Unidos ijaaman̈ki’mmɨ y ikunaxwiñ tsaam pɨɨmi piiji’a iga pijchɨ’y je’m jaama, dya’ idyɨk keman oyba piiji’aaji jespɨy» (24 de julio de 2022, The New York Times).

 ¿Tyi’iga naspa ixɨ’ yɨ’ɨmpɨk? ¿Pijkunaspasɨ yɨ’p nas y jesɨk dyam wɨap tañitykata’m? ¿Tyi nɨmpa je’m Biblia?

 Jɨ. Ityumpɨy yɨ’p tɨgɨyku’mpa kun jempɨk je’m Biblia nɨmne’ iga naspa yɨ’p jaamayaj. Ju’uts akwiñkejo’oyi, Jesús nɨm iga tana’mpa idyɨk «nasɨyo’oyiyaj tatsɨgan̈je’kyajpa’ap» o «naspa tyidyin̈kej dyapɨk oyba tana’m» (Lucas 21:11; La Biblia, de Serafín de Ausejo). Iga ikuwɨtyi naxyukmɨ agui piiji’aap ixɨ’, ja’yan̈yaj an̈je’kneyaj iga taɨchtyamtyim wɨap tanaktogoy yɨ’p nas.

 Dya’. Dios iwat yɨ’p nas iga juchixkej tañitykata’miñ y dya’ keman togoyba (Salmo 115:16; Eclesiastés 1:4) Wiñtyi iga je’m pɨxiñtyam imɨswatyajiñ yɨ’p nas, je’ nɨmne’ iga iktogoyba ityumpɨyyaj jempɨk sɨ’ imɨswatyaj yɨ’p nas, jempɨgam ijɨykamne’ (Apocalipsis 11:18).

 A’mɨ yɨ’p wɨsteen jɨychago’oyiyaj iga in̈kejpa tyi ijɨykamne’ Dios:

•   «Je’m tɨtsɨnaxyukmɨ y je’m nas tɨtsnewɨ’ɨp pɨɨmi maymayayajpa, y je’m tɨtsɨnaxyukmɨ ikunon̈ maymayaap y moyba ju’uts je’m azafrán» (Isaías 35:1). Dios dya’ ia’mchi’iba iga yɨ’p nas mɨsakedyiñ, je’ iwɨtsakpa ityumpɨy.

•   «Mich in̈kuixpa je’m nas y in̈watpa iga chio’yiñ y na’yiñ tyidyin̈kej» (Salmo 65:9). Dios iwatpa iga yɨ’p Nas tsɨ’yiñ ju’uts tuum paraíso.

 Siiga iñjoodon̈ato’oba juutypɨk je’m cambio climático ikkupakpa je’m jɨychago’oyiyaj itywɨ’ɨp Bibliajom, maayɨ’ je’m an̈kejayo’oyi «¿Tyi nɨmpa je’m Biblia de je’m cambio climático y je’m tannɨgɨyo’oyi?».

 Siiga iñjoodon̈ato’oba tyi in̈kejpa je’m Dios In̈maatyi iga juutypik yɨ’p nas wɨtsɨ’yba, maayɨ’ je’m an̈kejayo’oyi «¿Iapa’ap ikɨakputpa yɨ’p nas?»