Tumtum amtyɨy, ikuwɨtyi naxyukmɨ ju’uts Jehová atestigojtam anjɨɨsaytya’mpa je’m Jesús ika’i’ an̈tuumjom kun ja’yan̈yaj iga an̈tu’umaayajpatyim kun aɨchtyam, an̈watta’mpa ju’uts je’ ijɨychak (Lucas 22:19). Yɨ’p Jɨɨskimo’oyi tayooxpa’tpa iga tan̈kutɨ’ɨyɨ’yiñ ju’tspɨy tawɨwada’yba iga Jesús ikɨan̈kot iityi por taɨchtyam. Tayooxpa’tpatyim iga tanjoodon̈aiñ juutypɨk tawɨwada’yba je’m ika’i’ sɨɨ y je’m tannɨgɨyo’oyijom (Juan 3:16).

 Siiga mioy o dya’ je’m Jɨɨskimo’oyi yɨ’p amtyɨypɨk, ¿juutypɨk miwɨwada’yba je’m Jesús ika’i’? Je’ tanɨ’may tyi wɨɨ iga tan̈wadyiñ:

1.  1. Tañixpɨguiñ Dios y Jesús. Tun̈kɨy, jesɨgam Jesús in̈wejpa’t iJaatun̈, nɨm: «Ipɨctsoŋyajpa jém vida jém d́apɨc cuyajpa siiga miixpɨcyajpa mimich jém t́u̱mpɨc miDios y siiga aixpɨcyajpat́im aɨch, jém aJesucristo jém michpɨc aŋcutsatne yɨ́p naxyucmɨ» (Juan 17:3, Jém Jomipɨc Trato [JJT], LA LIGA BÍBLICA).

2.  2. Akkupaakɨ iñityijom jempɨk in̈kuyujka’aba. Jesús nɨm iga tan̈kupɨga’yiñ in̈maatyi tañityijom. Ju’uts akwiñkejo’oyi, jesɨgam yaj an̈ki’mo’oyi je’m kotsɨkyukmɨ nɨm iga iwɨnɨgayyajpa jempɨk iwatyajpa ju’uts je’ nɨm (Lucas 6:46-48). Y tun̈gak jaama, nɨm: «Siiga iŋcutɨɨyɨyt́ámpa t́i mannɨ́máypa y siiga iŋwattámpa je̱mpɨc, jesɨc agui mimaymáya̱támpa» (Juan 13:17, JJT).

 ¿Iñixpɨkto’obanam Dios y Jesús? ¿Iñjoodon̈ato’oba juutypɨk wɨap inikkupak iñityijom jempɨk in̈kuyujka’aba? Yɨ’ɨm ity weeñi yooxpado’oyiyaj.

 Jempɨk ipɨktson̈neyaj iga akkuyujyajtaiñ kun je’m Biblia ia’mneyaj juutypɨk wɨap ikkupakyaj iityijom jempɨk ikuyujkayajpa.

•   Tɨgɨɨyɨ juuty nɨmpa An̈kejayo’oyiyaj itywɨ’ɨp Bibliajom iga wɨap in̈kuyujka’ iga iñjoodon̈aiñ tyi wɨap in̈kuyujka’.

•   A’mɨ je’m video Amaymaytyam iga in̈kuyujka’aba je’m Dios In̈maatyi iga iñjoodon̈aiñ juutypɨk in̈kejyajpa je’m Biblia je’m Jehová itestigojyaj.

 Je’m Jehová itestigojyaj an̈tu’umaayajpa wɨskɨy tumtum semana tuum an̈eymɨ iga ixpɨktaap ju’uts An̈tu’umayo’ytyɨk. Yɨ’p an̈tu’umaajijomyaj kɨ’pin̈taap je’m Biblia y an̈kejtaap juutypɨk wɨap tanakkupak tañityijom.

 Ikej wɨap iñɨk; dya’ nasuntaap iga wiñtyi michɨ’yiñ ju’uts Jehová itestigo. Weeñi an̈eymɨyaj wɨaptyim inin̈tu’umaj por videoconferencia.

•   Je’m video iñɨɨyipɨk ¿Juuts jém anaŋtuuma̱jit́am? in̈kejpa tyi wattaap jeem.

•   Tɨgɨɨyɨ juuty nɨmpa An̈tu’umaajɨ kun je’m Jehová in̈matkɨ’ɨwiñyaj iga wɨaiñ iñjoodon̈a ju’p an̈eymɨ maaj toomi o noko michɨ’ya’yba iga wɨaiñ iññɨk je’m an̈tu’umaajiyaj.

 Yɨ’p sitio de internet wɨap impa’t ja’yan̈ an̈kejayo’oyiyaj y videos iga miyooxpa’tpa in̈kutɨ’ɨyɨy jempɨk in̈kejtsak Jesús y juutypɨk miwɨwada’yba je’m ika’i’.

 Ju’uts akwiñkejo’oyi, siiga iñjoodon̈ato’oba juutypɨk wɨap ikɨakputyajta ja’yan̈yaj numaaj kun je’m Jesús ika’i’, maayɨ’ je’m an̈kejayo’oyi «¿De qué manera nos salva Jesús?» y «¿Por qué sufrió y murió Jesús?» o a’mɨ je’m video ¿Tyi’iga ka’ Jesús?