En julio de 2022, nas waatyi nasɨyo’oyiyaj juuty pɨkta je’m tujkuy:

•    «Iga akka’ata je’m político majpɨk ixpɨktaap Japón [jempɨk ja’y kuyooxao’oyi ju’uts wiñtyipɨk ministro Shinzo Abe] ichɨgan̈ya’kwat je’m país y yɨ’p nasɨyo’oyi iga’man̈jak jempɨk ityyaj ikuwɨtyi yɨ’p naxyukmɨ, iga dya’ jaya itypa nasɨyo’oyiyaj ju’uts yɨ’p y je’m nación iniity an̈ki’imiyaj iga ikuixpa juutypɨk y ityam ipɨkyajpa je’m tujkuy» (10 de julio de 2022, The Japan Times).

•    «Jempɨk ityyaj Dinamarca a’man̈jakyaj y dya’ idyɨk wɨap ikupɨkyaj iga tuum pɨɨxiñ ityujka’ tukuteen iga ityyaj idyɨk tuum centro comercial en Copenhague» (4 de julio de 2022, Reuters).

•    «Sudáfrica: en je’m tɨgan̈juj iga iñɨɨyi Soweto waatyi pɨxiñtyam iga tujkuyñasɨ’ɨyajpa ityujkayaj 15 iga ityyaj idyɨk en tuum bar» (10 de julio de 2022, The Guardian).

•    «Jesɨgam kusɨn̈akata je’m fin de semana del 4 de julio maaj de 220 tujkayajta en Estados Unidos» (5 de julio de 2022, CBS News).

 ¿Wɨapsɨ tanan̈jo’k iga odom maaj idyiñ yɨ’pyaj nasɨyo’oyiyaj? ¿Tyi nɨmpa je’m Biblia?

 Je’m Biblia nɨmpa iga taitytya’m «jém íŋaŋpɨgam ja̱ma», y nɨmpatyim iga je’m malojpɨkyaj dya’ iwɨwadayyajpa tun̈gakyaj, dya’ ya’achan̈jaamoyyajpa y imalwatyajpa ju’utsam ijɨɨsyajpa ianmajom (2 Timoteo 3:1, 3). Yɨ’pyaj nasɨyo’oyiyaj iwatne’ iga takɨɨn̈neiñ tañityityam (Lucas 21:11). Pero, je’m Biblia nɨmpa iga nu’kpa jaama kuyajpa je’m malwado’oyi y je’m pɨxiñtyam «ityyajpa tuum an̈eymɨ juuty dya’ ipa an̈aaji, dya’ kɨɨn̈yajpa ityɨkkɨ’ɨm y juuty jejyajpa agui wɨkoom» (Isaías 32:18). Pero, ¿juutypɨk kuyajpa je’m malwado’oyi?

 Dios iktogoyba je’m malojpɨkyaj y iktogoybatyim je’m tujkuyyaj

•    «Pero jempɨk malojyaj aktogoyyajtaap yɨ’p naxyukmɨ» (Proverbios 2:22).

•    «[Dios] ikkuyajpa je’m an̈aaji ikuwɨtyi naxyukmɨ. Ikitykityjakpa je’m pikxi’ y je’m lanza, iño’oketpa juktɨjom je’m carro ininɨkyajpa’ap jesɨk nɨkpa an̈aajiyaj» (Salmo 46:9).

 Dios in̈keja’yba a ityumpɨyyaj juutypɨk iniityyajpa paz y jeempɨgam iktogoyba je’m malwado’oyi

•    «Dya’ imalwatyajpa y dya’ akka’oyyajpa je’m an̈kotsɨgan̈jom, je’m naxyukmɨ komne’eba kun je’m Jehová iixpɨgo’oyi ju’uts je’m nɨ’ ikompa je’m lamar» (Isaías 11:9).

•    Yɨ’p jaama, Dios sɨ’bam in̈kejay a ityumpɨyyaj iga ichakyajiñ je’m malwado’oyi y odoy ipɨkyajiñ je’m tujkuy, iga «je’m iñespadajtam tsɨ’yyajiñ ju’uts nasjɨ’ɨdoykuy y je’m iñlanzajtam ju’uts kuyan̈tɨ’kskuyyaj» (Miqueas 4:3).

 Siiga iñjoodon̈ato’obanam je’m jɨykamo’oyi itywɨ’ɨp Bibliajom iga nu’kpa jaama dyam itypa kɨɨn̈i, maayɨ’ je’m an̈kejayo’oyi: «Dyam itypa je’m kɨɨn̈i: ¿nunta naspa jeempɨk?».

 Iga wɨaiñ in̈kuyujka’ juutypɨk kuyajpa je’m malwado’oyi, maayɨ’ je’m an̈kejayo’oyi «¡Ityum paz yɨ’p Naxyukmɨ!».