¡NAKUIXTYAAJƗ!
Je’m mundial de fútbol, ¿nunta wɨap iwat iga ityumpɨyyaj iniityyajiñ tumtyi jɨɨxi? | ¿Tyi nɨmpa je’m Biblia?
An̈jo’kneta iga tuumtsam 5.000 millones ia’myajiñ je’m Copa Mundial de je’m FIFA, iga tsukumpa je’m 20 de noviembre al 18 de diciembre de 2022. Ja’yan̈yaj ijɨɨsyajpa iga mɨɨchiyaj ju’uts yɨ’pyaj, dya’ numaaj in̈tu’umawatpa ja’yan̈yaj iga ia’myajpa.
«Je’m mɨɨchɨ iniity je’m pɨɨmɨ iga ikakpa jempɨk ityyaj yɨ’p naxyukmɨ, iniity je’m pɨɨmi iga ianmajan̈chi’iba iga iwatyajiñ ju’utsam ijɨɨsneyaj y iniity je’m pɨɨmi iga nawɨnanɨgayyajtaiñ tun̈gakyaj» (Nelson Mandela, expresidente de Sudáfrica).
«Je’m fútbol […] iwatpa iga ityumpɨyyaj iniityyajiñ an̈jogo’oyi; y iga maymayayajiñ, tsaam ikusu’nɨ’yyajiñ y natoyyajtaiñ» (Gianni Infantino, presidente de la FIFA). a
Je’m mundial de fútbol o tun̈gak mɨɨchiyaj, ¿wɨap ikkupakyaj yɨ’pyaj jɨɨxiyaj? ¿Wɨapsɨ tanaitytya’m paz y tanawɨnanɨgaytyaap?
¿Iwatpa iga ityumpɨyyaj nawɨnanɨgayyajtaiñ?
Je’m mundial de fútbol yɨ’ppɨk amtyɨy, dya’ numaaj je’ tuum mɨɨchi. Iwatne’ iga ja’yan̈yaj in̈matyajiñ tyi ijɨɨsyajpa de je’m derechos humanos, je’m neejaixo’oyi y iga dya’ ityumpyyaj jesan̈tyim tumiñ iniityyaj.
Ja’yan̈yaj ijɨɨsyajpa iga yɨkxpɨk mɨɨchiyaj, ju’uts je’m mundial de fútbol iwatpa iga ja’yan̈yaj maymayayajiñ. Pero yɨ’pyaj mɨɨchiyaj dya’ iwatpa iga ityumpɨyyaj juchixkej nawɨnanɨgayyajtaiñ. Wɨap tana’m iga majtyim ikwiñkejyajpa jɨɨxiyaj y wado’oyiyaj kukakneyajwɨ’ɨp, je’yukmɨ dya’ nawɨnanɨgayyajtaap. Je’m Biblia in̈matneum idyɨk iga itypa yɨkxpɨk jɨɨxiyaj y in̈matpa iga yɨ’ɨmpɨgam tanjoodon̈aap iga taitytya’mum «jém íŋaŋpɨgam ja̱ma» (2 Timoteo 3:1-5, Jém Jomipɨc Trato, La Liga Bíblica).
Jempɨk wɨap iwat iga ityumpɨyyaj nawɨnanɨgayyajtaiñ
Je’m Biblia in̈matpa tuum wɨbɨk an̈jogo’oyi, iga ikuwɨtyi yɨ’p naxyukmɨ ityumpɨyyaj wɨap iniityyaj tumtyi jɨɨxi. Ijɨykamne’ iga ityumpɨyyaj jempɨk ityyajpa yɨ’p naxyukmɨ, in̈jakpa tuum an̈jago’oyi sɨn̈yukmɨpɨk iga iñɨɨyi je’m Dios iAn̈jago’oyi (Lucas 4:43; Mateo 6:10).
Jesucristo, je’m An̈jago’oyi iga Dios ikupin̈ne’, iwatpa iga idyiñ paz ikuwɨtyɨ yɨ’p naxyukmɨ. Je’m Biblia nɨmpa:
«Moyyajpa je’m iwɨwatyajpa’ap, y je’m paz dya’ togoyba» (Salmo 72:7).
«Je’ ikɨa’kputpa jempɨk an̈wejpa iga ixunba yooxpado’oyi […]. Kɨ’akputyajtaap de je’m malwado’oyi y je’m ya’achaaji» (Salmo 72:12, 14).
Yɨ’p jaama, je’m Jesús ian̈kejayo’oyiyaj iyooxpa’tne’ iga tsaam ja’yan̈yaj nawɨnanɨgayyajtaiñ y iyooxpa’tneyajtyim iga odoy najo’oyixyajtaiñ. Iga maaj iñjoodon̈aiñ, maayɨ’ je’m an̈kejayo’oyi «Rompamos el ciclo del odio».
a Je’m Federación Internacional de Fútbol Asociación je’ tuum institución iga in̈jakpa je’m asociaciones de fútbol ikuwɨtyi naxyukmɨ.