¡NAKUIXTYAAJƗ!
Tsaam pɨɨmi yɨ’ɨs nas en Turquía y Siria | ¿Tyi nɨmpa je’m Biblia?
Je’m lunes 6 de febrero de 2023, tsaam pɨɨmi yɨ’ɨs nas en Turquía y Siria.
«Yɨ’p lunes, tuum pɨɨmipɨk nasyɨ’ɨxi ikka’ maaj de 3.700 personas en waatyi an̈eymɨyaj de Turquía y Siria ikusɨn̈wiñ. Iga dyanam kuyajne’ je’m invierno tsaam pɨɨmi pagakjom, y je’yukmɨ majtyim ya’achaneyaj jempɨk ko’owaneyaj y jempɨk mɨsaneyaj ityɨk. Iga tsaam pagakjom tan̈kaanetyim ipa’tyajta jempɨk vivojyajnam» (Reuters, 6 de febrero de 2023).
Tsaam tan̈ya’kpa jesɨk tammayba yɨkxpɨk nasɨyo’oyiyaj. Jesɨk naspa yɨ’ɨmpɨk wɨap tan̈kua’m je’m Jehová a iyooxpado’oyi, iga «Dios tsa̱m tacpocsáypa» tananmaj (2 Corintios 1:3, Jém Jomipɨc Trato [JJT], La Liga Bíblica). Je’ ikuyukmɨ je’m «iŋma̱t́i tsa̱m tayo̱xpátpa [...]. Jeeyucmɨ tanaŋjócpa jém ja̱ma iga tampɨctsoŋpa t́it́am tajɨycámayñe» (Romanos 15:4, JJT).
Je’m Biblia tan̈keja’yba:
Jɨychakta iga itypa idyɨk nasyɨ’ɨxiyaj.
Juuty wɨap tampa’t akpo’kso’oyi y an̈jogo’oyi.
Tyi iwatpa Dios iga iktogo’yiñ ityumpɨy je’m ya’achaaji.
Siiga iñjoodon̈ato’obanam tyi in̈kejpa je’m Biblia, maayɨ’ yɨ’pyaj an̈kejayo’oyiyaj:
a Dios iñɨɨyi Jehová (Salmo 83:18).