Ja’yan̈yaj ijɨɨsyajpa iga dya’ keman kuyajpa je’m neejaixo’oyi iga dya’ tajeex ju’uts tun̈gakyaj.

•    «Je’m neejaixo’oyi imalwadayñe’ je’m instituciones, imalwadayñe’ ja’yan̈yaj ijɨɨxi y tumtum jaama kejpa iga tsaam ity neejaixo’oyi. Yɨ’p iwatpa iga weeñiyaj odoy maykumyajtaiñ» (António Guterres, Secretario General de las Naciones Unidas).

 ¿Nu’kpa jaama iga dyam i taneejaixpa iga dya’ tajeex ju’uts tun̈gakyaj? ¿Tyi nɨmpa je’m Biblia?

 Je’m Biblia tanɨ’ma’yba ju’uts taa’m Dios mex iga tantumpɨytyam tajeextyam.

•   «[Dios] ictsucum iga it́yaj it́u̱mpɨy jém naciónyaj jém it́yajwɨɨp icuwɨ̱t́i de yɨ́p naxyucmɨ» (Hechos 17:26, Jém Jomipɨc Trato [JJT], La Liga Bíblica).

•   «Dios d́a iñe̱jaixpa ni tu̱m pɨ̱xiñ. It́u̱mpɨy iixpa jext́im. [...] Iwɨ̱pɨctsoŋpa it́u̱mpɨy jém pɨxiñt́am icuwɨ̱t́i yɨ́p naxyucmɨ siiga icɨ̱ŋpa Dios y iwɨ̱watpa» (Hechos 10:34, 35, JJT).

 Je’m Biblia in̈kejpa iga tantumpɨytyam tumtyi an̈eymɨ tatsukumne’ y Dios ipɨktson̈ba ityumpɨyyaj mex iga dya’ tantumpɨytyam tajeextyam.

 Numaaj togoyba kun je’m Dios iAn̈jago’oyi, tuum an̈jago’oyi sɨn̈yukmɨpɨk. Yɨ’p an̈jago’oyi in̈keja’yba ityumpɨyyaj juutypɨk nawɨixyajtaiñ. In̈kejpa juutypɨk wɨap tanaktogoy tananmajom je’m neejaixo’oyi iga dya’ tantumpɨytyam tajeextyam.

•   «Jempɨk iitykayaj[pa] ikuyujkayajpa iwɨwatyaj» (Isaías 26:9).

•   «Ityumpɨyyaj iniityyajpa paz iga tsaam iwɨwatyajpa, dyamtyim tyi ikkobakpijyajpa y tsaam wɨityyajpa» (Isaías 32:17).

 Yɨ’p jaama, ja’yan̈yaj sɨ’ ikuyujkayaj kun je’m Biblia juutypɨk iwɨnanɨgayyajpa tun̈gakyaj y odoy neejaixoyyajiñ.

•   Siiga iñjoodon̈ato’obanam, maayɨ’ je’m ¡Despetad! iga inimiññe’ je’m an̈kejayo’oyi «¿Tiene cura el prejuicio?»

•   Maayɨ’ je’m an̈kejayo’oyi «¿Cómo hablar con sus hijos sobre el racismo?» iga iñjoodon̈aiñ juutypɨk wɨap iñyooxpa’t jempɨk in̈waganaityyaj iñtyɨkkɨ’ɨm.