¡NAKUIXTYAAJƗ!
Pɨɨmi pijchɨyñe’ jaama | ¿Tyi nɨmpa je’m Biblia?
«China tsaam pɨɨmi piiji’ane’ y nɨkpam tukuteen verano iga dya’ chijoyñe’ tuj, dya’ idyɨk jespɨy oyba pijchɨ’ɨyi jaama» (The Guardian, 7 de septiembre de 2022).
«Nɨmyajpa iga en je’m Gran Cuerno de África cinco amtyɨyam pijchɨ’yba jaama» (Noticias ONU, 26 de agosto de 2022).
«Maaj de kukmɨ Europa kɨɨn̈neyaj iga pijchɨ’yba jaama, wɨapsɨ iga dya’ keman oyba naaxi’ yɨ’ɨmpɨk en tuumtsam 500 amtyɨy» (BBC News, 23 de agosto de 2022).
Ja’yan̈ especialistas nɨmyajpa iga seguido pijchɨ’yba jaama o majnam pɨɨmi pijchɨ’yba. ¿Nu’kpasɨ jaama iga dyam naspa yɨ’ɨmpɨk? ¿Tyi nɨmpa je’m Biblia?
Tyi’iga pijchɨ’yba jaama y je’m jɨychago’oyiyaj itywɨ’ɨp Bibliajom
Yɨ’bam jempɨk ijɨychak je’m Biblia iga naspa yɨ’p jaama:
«Miñpa jém mɨjpɨc yuu. [...] ju̱t́ quej» (Mateo 24:7, Jém Jomipɨc Trato, La Liga Bíblica).
Watykɨy, jesɨk pijchɨ’yba jaama itypa yu’u’. Y je’m jɨychago’oyiyaj itywɨ’ɨp Bibliajom in̈matpa juutypɨk je’m yu’u’ tsaam tamalwada’yba: taya’achwatpa y takka’aba (Apocalipsis 6:6, 8).
¿Tyi’iga majtyim pijchɨ’yba jaama?
Je’m Biblia tan̈mada’yba tyi’iga. Jeem nɨmpa:
«Je’m pɨɨxiñ dya’ iya’ak ipɨkpa ijɨɨxi juutytyam nɨgɨyɨ’yba» (Jeremías 10:23).
Yɨ’p nɨmto’oba iga dya’ iwɨnɨgayyajpa siiga «iya’ak ipɨkpa ijɨɨxi» o siiga iya’ak nan̈jakyajtato’oba. Y watykɨy iga dya’ iwɨpɨkyajpa ijɨɨxi iwatne’ iga tun̈gakyaj odoy iniityyajiñ nɨ’ y pijchɨ’yiñ je’m jaama.
Ja’yan̈ científicos jeempɨktyim ijɨɨsyajpa iga ityumpɨy jempɨk iwatyajpa je’m ityyajwɨ’ɨp yɨ’p naxyukmɨ, imalwadayñeyaj yɨ’p nas y je’yukmɨ majtyim piiji’aap. Y yɨ’bam iwatne’ iga juutykej pijchɨ’yba je’m jaama.
Je’m an̈eymɨyaj juuty ityñam nɨ’ wɨap ityɨtsyaj. ¿Tyi’iga? Iga je’m an̈jago’oyiyaj dya’ iwɨpɨkyajpa ijɨɨxiyaj y numaaj ijɨɨsyajpa juutypɨk nawɨwadayyajtaap, je’yukmɨ yajpam ixɨ’ je’m kuyan̈jujyaj, tsaam ity contaminación y dya’ sɨ’ iwɨpɨkyaj ityumpɨy jempɨk ity yɨ’p naxyukmɨ.
Pero je’m Biblia tachi’iba tuum an̈jogo’oyi.
¿Nu’kpasɨ jaama iga wɨtsɨ’yba ityumpɨy?
Je’m Biblia ijɨykamne’ iga dya’ ja’yñe’ Dios tachi’itya’mpa ja’yan̈ nɨ’. ¿Juutypɨk iwatpa?
1. Dios iktogoyba «jém malopɨc pɨxiñt́am jém ictogoytopáppɨc [...] jém it́wɨɨp yɨ́p naxyucmɨ» (Apocalipsis 11:18, Jém Jomipɨc Trato, La Liga Bíblica). Iktogoyba ityumpɨyyaj jempɨk sɨ’ iktɨtsyaj je’m nɨ’: je’m malojpɨk pɨxiñtyam iga sɨ’ imalwadayyaj je’m nas (2 Timoteo 3:1, 2).
2. «Juuty piiji’aap y tsaam tɨtsne’ je’m nas, pɨ’ɨnaap y nayba kanapooki’» (Isaías 35:1, 6, 7). Dios iwɨtsakpa je’m an̈eymɨyaj juuty sɨɨ tsaam pijchɨ’yba jaama, y yɨ’p nas tsɨ’yba ju’uts tuum paraíso juuty itypa ja’yan̈ nɨ’.
3. «Mich in̈kuixpa je’m nas y in̈watpa iga chio’yiñ y na’yiñ tyidyin̈kej» (Salmo 65:9). Kun je’m Dios ikumaykedo’oyi yɨ’p naxyukmɨ tantumpɨytyam wɨap tanaitytya’m wi’kkuyyaj y nɨ’ kua’yñewɨ’ɨp.