Je’m lunes 10 de octubre de 2022 ikukejakɨ’ɨm, Rusia iktoj waatyi misiles en weeñi an̈eymɨyaj de Ucrania. Iwatyaj yɨ’ɨmpɨk iga wɨsna jaama wiñtyi aktojta tuum puente iga agui ipɨkyajpa idyɨk Crimea y Rusia. Wiñtyi iga naxiñ yɨ’ɨmpɨk, weeñi políticos nɨmneyajum idyɨk iga tsukumto’obam Armagedón.

•   «Dendepam ja’y ityi Kennedy [presidente de Estados Unidos] y jesɨgam ja’y iktojta misiles en Cuba, dyanam idyɨk jespɨy toomiane’ Armagedón ju’uts sɨɨ. [...] Siiga pɨkyajtaap je’m armas nucleares, yɨ’bam iktsukumpa Armagedón» (Joe Biden, presidente de Estados Unidos, 6 de octubre de 2022).

•   «Anjɨɨspa iga yɨ’bam Armagedón; wɨap iktogoy ityumpɨy jempɨk ity yɨ’p naxyukmɨ» (jeempɨgam nɨm Volodímir Zelenski —presidente de Ucrania— jesɨgam akwa’kta tyi wɨap iñas siiga pɨkyajtaap armas nucleares; BBC News, 8 de octubre de 2022).

 ¿Wɨapsɨ je’m armas nucleares iktsukum Armagedón? ¿Tyi nɨmpa je’m Biblia?

 Dya’. Je’m an̈maatyi Armagedón numaaj tun̈kɨy jɨykimtaap je’m Bibliajom en Apocalipsis 16:16. Y yɨ’p dya’ je’ tuum an̈aaji iga iniityyajpa je’m naciónyaj, yɨ’p je’ tuum an̈aaji iga iniitypa Dios kun «it́u̱mpɨy jém aŋjagooyiyaj icuwɨ̱t́i yɨ́p naxyucmɨ» (Apocalipsis 16:14, Jém Jomipɨc Trato, La Liga Biblíca). Dios ipɨkpa je’m Armagedón iga iktogoyba ityumpɨy je’m an̈jago’oyiyaj ityyajwɨ’ɨp yɨ’p naxyukmɨ (Daniel 2:44).

 Siiga iñjoodon̈ato’obanam tyi iñaska’aba yɨ’p Nas en Armagedón, maayɨ’ je’m an̈kejayo’oyi «¿Qué es el Armagedón?».

 Dya’. Wɨapsɨ iga je’m an̈jago’oyiyaj ipɨkyajpa armas nucleares tannɨgɨyo’oyijom, pero Dios dya’ ia’mchi’iba iga yɨ’p Nas aktogoytyaiñ. Je’m Biblia nɨmpa:

•   «Je’m nas itypa juchixkej» (Eclesiastés 1:4).

•   «Je’m ikupɨkyajpa’ap Dios initsɨ’yyajpa yɨ’p nas y je’eyaj iitykayajpa ityumpɨy jaama» (Salmo 37:29).

 Je’m jɨychago’oyiyaj ityyajwɨ’ɨp Bibliajom y jempɨk naspa ixɨ’ yɨ’p naxyukmɨ, ikwiñkejyajpa iga kuyajiam je’m in̈an̈pɨgam jaama (Mateo 24:3-7; 2 Timoteo 3:1-5). Wɨap iñjoodon̈a jempɨk in̈kejpa je’m Biblia iga tyi naspa tannɨgɨyo’oyijom siiga in̈kuyujka’aba je’m Biblia kun aɨchtyam.