Ikuwɨtyi yɨ’p naxyukmɨ, ja’yan̈yaj jempɨk nɨmyajpa iga ikupɨkyajpa Jesucristo tɨgɨyku’mneyaj kun je’m política. Weeñi ikuya’gɨyyajpa je’m candidatos y je’m partidos políticos iga in̈kejyajto’oba jempɨk je’eyaj ijɨɨsyajpa. Y je’m políticos ipɨkyajpa jempɨk weeñi religiónyaj in̈kejyajpa iga kuya’gɨyyajtaiñ. Je’yukmɨ weeñi líderes religiosos tsɨ’yyajpa ju’uts candidato para je’m política. Y weeñi países iniityyaj tuum religión iga nakwiñkejyajtaap iga cristianojyaj.

 Pero ¿mich tyi iñjɨɨspa? ¿Wɨɨ iga je’m Jesús ikuyujkɨ’ɨwiñyaj tɨgɨyku’myajiñ en je’m política? ¿Tyi iwat Jesús? Je’ nɨm: «Manaŋquejáypa iga wɨ̱ iga iŋwattámiñ juuts ɨch maŋwadayt́a» (Juan 13:15, Jém Jomipɨc Trato, La Liga Bíblica). Tan̈kɨ’pin̈ta’miñ je’m Jesús iakwiñkejo’oyi, y tana’miñ siiga je’ tɨgɨyku’m en je’m política.

 Dya’. Jesús ni keman tɨgɨyku’m en je’m política yɨ’p naxyukmɨpɨk.

 Jesús dya’ ikua’m tuum cargo político. Jesɨk je’m Wookkɨ’ɨwiñ «iŋquejáy it́u̱mpɨy jém attebetyaj icuwɨ̱t́yi yɨ́p naxyucmɨ», Jesús dya’ ipɨktson̈ je’m naxyukmɨpɨk an̈jago’oyi (Mateo 4:8-10, Jém Jomipɨc Trato, La Liga Bíblica). a Tun̈kɨy Jesús tsaktaap idyɨk ju’uts an̈jago’oyi y teguedɨytyatɨ’p iga tɨgɨyku’miñ en je’m política. Pero jesɨk «icutɨɨyɨ́y iga miñpa imats jém pɨxiñt́am iga iccámpa pɨ̱mi̱mɨ juuts tu̱m rey, […] nɨc icut́um tu̱m co̱tsɨcyucmɨ» (Juan 6:15, Jém Jomipɨc Trato, La Liga Bíblica). Jesús dya’ iwat jempɨk tun̈gakyaj ixunyajpa idyɨk; ni keman tɨgɨyku’m en je’m política.

 Jesús dya’ tɨgɨyku’m en je’m política. Ju’uts akwiñkejo’oyi, je’m judíojyaj ityyajwɨ’ɨp idyɨk jesɨgam ja’y ityi Jesús, dya’ idyɨk ikusu’nɨyyajpa iyojyaj je’m impuesto ikka’mnewɨ’ɨp idyɨk je’m romajpɨk an̈jago’oyiyaj. Ijɨɨsyajpa idyɨk iga dyam wɨɨ iga iyojyajpa. Pero jesɨk ikwa’kyaj tyi ijɨɨspa idyɨk, je’ dya’ tigɨyku’m. Nɨm: «Jém Césarpɨc imɨɨchi, chiit́aamɨ jém César. Jém Diospɨc imɨɨchi, chiit́aamɨ Dios» (Marcos 12:13-17, Jém Jomipɨc Trato, La Liga Bíblica). Je’ dya’ tɨgɨyku’m, pero iwɨan̈kej iga yojayyajtaiñ je’m impuesto je’m romajpɨk an̈jago’oyi, iga ikwiñkejpa je’m César. Yɨ’p dya’ nɨmto’oba iga juchixkej ikupɨkyajiñ idyɨk je’m naxyukmɨpɨk an̈jago’oyiyaj. Dya’ idyɨk wɨɨ iga ichi’iyajiñ je’m koosteño’oyi iga Dios imɨɨchi (Mateo 4:10; 22:37, 38).

 Jesús in̈mat je’m Dios iAn̈jago’oyi, tuum sɨn̈yukmɨpɨk an̈jago’oyi (Lucas 4:43). Je’ dya’ tɨgɨyku’m en je’m política iga iwɨjoodon̈ idyɨk iga je’eyaj dya’ wɨap iwatyaj jempɨk Dios ixunba yɨ’p Naxyukmɨ; numaaj wɨap iwat je’m Dios iAn̈jago’oyi (Mateo 6:10). Iwɨjoodon̈tyim idyɨk iga Dios ikka’mpa je’pɨk iAn̈jago’oyi y iktogoyba yɨ’p naxyukmɨpɨk an̈jago’oyiyaj (Daniel 2:44).

 Dya’. Je’m Jesús ikuyujkɨ’ɨwiñyaj ikupɨgayyaj je’m in̈maatyi iga odoy iwatyajiñ ju’uts jempɨk ityyaj yɨ’p naxyukmɨ (Juan 15:19). Iwatki’psayyaj iakwiñkejo’oyi y dya tɨgɨyku’myaj en je’m política (Juan 17:16; 18:36). Juchixkej iwatyaj jempɨk je’ nɨm: in̈matyaj y in̈kejyaj je’m kumaykedo’oyiyaj iga inimiñba je’m Dios iAn̈jago’oyi (Mateo 28:18-20; Hechos 10:42).

 Jempɨk maaj ityeguedayaj je’m wiñtyipɨk cristianojyaj je’m iityijom je’ iga ikupɨkyaj Dios. Ijoodon̈yajtyim idyɨk iga ikupɨkyajiñ je’m naxyukmɨpɨk an̈jago’oyiyaj (Hechos 5:29; 1 Pedro 2:13, 17). Je’yukmɨ ikupɨkyaj je’m an̈ki’mayo’oyiyaj y iyojyaj je’m impuesto (Romanos 13:1, 7). Dya’ tɨgɨyku’myaj kun je’m naxyukmɨpɨk an̈jago’oyiyaj, pero ikua’mayyaj je’m ikupujo’oyi y je’m iyooxpado’oyi siiga ityogoyayyajpa idyɨk (Hechos 25:10, 11; Filipenses 1:7).

 Je’m Biblia in̈kejpa iga Jesús y je’m wiñtyipɨk cristianojyaj dya’ tɨgɨyku’myaj en je’m política. Je’yukmɨ je’m Jehová itestigojyaj ikuwɨtyi naxyukmɨ, iga Jesús ikuyujkɨ’ɨwiñyaj, dyatyim tɨgɨyku’myajpa en je’m política. Ju’utstyim je’m wiñtyipɨk cristianojyaj, jempɨk maaj ityeguetyaj je’ iga iwatyajpa jempɨk Jesús nɨm: iga in̈matyajpa je’m «wɨbɨc aŋma̱t́i iga Dios iŋjacpa jém it́yajwɨɨp yɨ́p naxyucmɨ» (Mateo 24:14, Jém Jomipɨc Trato, La Liga Bíblica).