Ikuwɨtyi naxyukmɨ, ja’yan̈ países nawe’kneyajta iga dya’ tumtyi jɨɨxi iniityyaj políticamente. Ju’uts nɨmpa tuum encuesta iga iwat je’m centro de investigación Pew Research Center je’m amtyɨy 2022, «je’m 65% jempɨk akwa’kyajta en 19 países nɨmyajpa iga dya’ tumtyi jɨɨxi iniityyaj o tsaam pɨɨmi kukakneyaj jempɨk ijɨɨsyajpa iga dya’ ikuya’gɨyyajpa tumtyi partido político».

 Juuty mich miity, ¿je’m política iwatne’ iga majtyim odoy nawɨixyajtaiñ? ¿Tyi’iga naspa jeempɨk? ¿Tyi wɨap iwatyaj? A’mɨ tyi nɨmpa je’m Biblia.

 Je’m Biblia ijɨykamne’ iga yɨ’p jaamayaj —«jém íŋaŋpɨgam ja̱ma»— ja’yan̈yaj ikwiñkejyajpa jɨɨxiyaj iga we’goyyajpa.

•   «Sɨɨp ansunpa iga iŋwɨ̱cutɨɨyɨ́yiñ t́i miñpa. Cuando núcpa jém íŋaŋpɨgam ja̱ma […]. Jém malopɨc pɨxiñt́am natoyt́a̱p iyaac, […] d́a iwɨ̱wadayt́ooba jém it́ɨ̱wɨtam» (2 Timoteo 3:1-3, Jém Jomipɨc Trato, La Liga Bíblica).

 Je’m an̈jago’oyiyaj tan̈ka’ iwɨwatyaj iyooxakuy mex iga ja’yan̈yaj sɨ’ iwatyaj ju’tspɨyam wɨayajpa iga wɨpudyiñ ityumpɨy. Dya’ tumtyi jɨɨxi iniityyaj, je’yukmɨ tan̈ka’ iwagayooxayaj o dya’ nawɨixyajtaap y je’yukmɨ dya’ wɨap iwɨtsakyaj je’m kobakpiijiyaj. Ityumpɨy yɨ’p ikkupakpa jempɨk ijɨychak je’m Biblia peka’ jaama.

•   «Je’m pɨɨxiñ in̈jakne’ tun̈gak pɨɨxiñ y namalwadayñeta» (Eclesiastés 8:9).

 Pero je’m Biblia tanɨ’ma’yba iga wɨtsɨ’yba ityumpɨy: itypa tuum an̈jago’oyi iga wɨap iktogoy ityumpɨy je’m kobakpiijiyaj sɨ’pa’ap iya’achwadoy.

 Je’m Biblia ijɨyki’mpa tuum líder iga dya’ jeex ju’uts tun̈gakyaj, tuum líder iga wɨap iwɨtsak ityumpɨy. Yɨ’p líder je’ Jesucristo. Je’ iniity je’m pɨɨmi y je’m teguedɨ’ɨyi, ichi’ityo’oba paz y iwatto’oba iga ityumpɨyyaj iniityyajiñ tumtyi jɨɨxi.

•   «Moyyajpa je’m iwɨwatyajpa’ap, y je’m paz dya’ togoyba» (Salmo 72:7).

•   «Ityumpɨyyaj ikuwɨtyi yɨ’p naxyukmɨ ikuyooxayajpa» (Salmo 72:11).

 Jesús je’am je’m maaj wɨbɨk líder, je’ iñunta teguet tun̈gakyaj y iyooxpa’tto’oba, y dya’ ikuja’ama’yba jempɨk ya’achaneyaj.

•   «Je’ ikɨakputpa jempɨk an̈wejpa iga ixunba yooxpado’oyi, iyooxpa’tpatyim je’m humilde y jempɨk dya’ iniity i iyooxpa’tpa. Iya’achan̈jaampa je’m humilde y je’m dyapɨk tyi iniity, y jempɨk dya’ tyi iniityyaj ikɨakpuda’yba iityiyaj. Kɨakputyajtaap de je’m malwado’oyi y je’m ya’achaaji» (Salmo 72:12-14).

 Jodon̈aajɨnam tyiñam iwatpa Jesús ikuyukmɨ je’m an̈jago’oyi sɨn̈yukmɨpɨk, je’m Dios iAn̈jago’oyi, y a’mɨ juutypɨk yɨ’p an̈jago’oyi wɨap miyooxpa’t y juutypɨk mimich wɨap in̈kuya’gɨy.

•   A’mɨ je’m video ¿Tyiapa’ap je’m Dios iAn̈jago’oyi?

•   Maayɨ’ je’m an̈kejayo’oyi «El Reino de Dios: un gobierno sin corrupción».