¡NAKUIXTYAAJƗ!
¿Wɨap ipɨkyaj tumtyi jɨɨxi ityumpɨy je’m an̈jago’oyiyaj iga odom maaj mɨsaiñ je’m clima? | ¿Tyi nɨmpa je’m Biblia?
Je’m domingo 20 de noviembre de 2022 kuyaj je’m an̈tu’umaaji iwatyajwɨ’ɨp je’m Naciones Unidas iga in̈matyaj je’m Cambio Climático (COP27). Ityu’myaj tumiñ iga wɨaiñ iyooxpa’tyaj je’m países iga dya’ tumiñɨyyaj iga wɨaiñ in̈an̈kamokyaj je’m desastres naturales. Mex iga iwatyaj jempɨk, ja’yan̈ ikupɨkyajpa iga dya’ wɨap iwɨtsakyaj je’m problema.
«An̈wɨpɨktson̈ba je’m jɨɨxi iga yooxpa’tyajtaap y chi’iyajtaap tyityam ipatstogoyñeyaj […]. Tan̈wɨjoodon̈ iga nasuntapnam majnam yooxpado’oyi […]. Yɨ’p nas dya’ sɨ’ iwɨtsɨ’y» (António Guterres, secretario general de las Naciones Unidas; 19 de noviembre de 2022).
«Usan̈tyim ityogoyay iga je’m clima majtyim mɨsakedyiñ» (Mary Robinson, ex presidenta de Irlanda y ex alta comisionada de la ONU para los Derechos Humanos; 20 de noviembre de 2022).
Je’m mañipɨkyaj maaj ityeguedaneyaj juutypɨk sɨ’ iñɨgay yɨ’p nas. ¿Wɨapsɨ iwagayooxayaj ityumpɨy je’m an̈jago’oyiyaj iga in̈an̈kamokyajpa je’m cambio climático? ¿Tyi nɨmpa je’m Biblia?
¿Wɨapsɨ iwagayooxayaj je’m naciónyaj?
Mex iga weeñiyaj pɨɨmi yooxayajpa iga yooxpadoyyajto’oba, je’m Bilbia in̈kejpa iga dya’ wɨap iwɨtsakyaj ityumpɨy. Tan̈kɨ’pin̈iñ tyiga dya’ wɨap iwatyaj:
«Jempɨk wo’tne’ dya’ wɨap iñuumtsɨ’y» (Eclesiastés 1:15).
Jempɨk nɨmto’oba. Je’m an̈jago’oyiyaj dya’ tyi iwɨpudayyajpa iga dya’ watneyajta iga nan̈jakyajtaiñ iyaak (Jeremías 10:23). Mex iga je’m an̈jago’oyiyaj ipɨkyajiñ tumtyi jɨɨxi, dya’ wɨap iwɨtsakyaj yɨ’p Nas, mex iga pɨɨmi ityeguedayajpa.
«Jém malopɨc pɨxiñt́am natoyt́a̱p iyaac […], agui icusúnɨ́ypa tumiñ […], d́a iwɨ̱wadayt́ooba jém it́ɨ̱wɨtam» (2 Timoteo 3:2, 3, Jém Jomipɨc Trato, La Liga Bíblica).
Jempɨk nɨmto’oba. Je’m Biblia in̈matneum idyɨk iga ja’yan̈yaj nakume’echɨyyajtap y dyatyim ipɨkyajpa je’m jɨɨxi iga wagayooxayajpa. ¿Y dya’ jempɨgam naspa ixɨ’?
Tanaitytyam tuum an̈jogo’oyi
Dya’ tyi wɨap iwatyaj je’m an̈jago’oyiyaj iga iwɨnɨga’yiñ yɨp Nas. Dios, ikupin̈neum tuum an̈jago’oyi iga wɨap in̈jak ikuwɨtyi yɨ’p nas: Jesucristo. Yɨ’p in̈matpa je’m Biblia:
«Je’am chi’ityaap je’m teguedɨ’ɨyi, ixpɨktaap ju’uts je’m Maaj Wɨbɨk An̈ki’mayoypa’ap, Dios Pɨɨmiɨywɨ’ɨp, tanJaatun̈ Dyapɨk Ka’aba, Príncipe de Paz» (Isaías 9:6).
Dios ikupin̈ Jesús ju’uts An̈jago’oyi, je’ in̈jakpa dende sɨn̈yukmɨ (Mateo 6:10). Je’ ikuixtyo’oba yɨ’p Nas y jempɨk iitykayajpa, iga je’ pɨɨmiɨy y iniitytyim joodon̈o’oyi (Salmo 72:12, 16). Je’m Dios iAn̈jago’oyi iñunta aktogoyba «jém ictogoytopáppic it́u̱mpɨy» y iwɨtsakseetpa (Apocalipsis 11:18, Jém Jomipɨc Trato, La Liga Bíblica; Isaías 35:1, 7).
Siiga iñjoodon̈ato’obanam juutypɨk wɨtsaktaap je’m cambio climático iga sɨ’ iktogoy yɨ’p Nas, maayɨ’ je’m an̈kejayo’oyi «¿Qué dice la Biblia sobre el cambio climático y nuestro futuro?».