Juutypɨk wɨap in̈wɨkuyujkaʼ jeʼm Dios In̈maatyi
Wiñtyi iga mojiñ mikuyuuji, maayɨʼ yɨʼp página. Okmɨ aʼmɨ jeʼm VIDEO.
WIÑTYIPƗK JAAKAʼ
Wiñtyi iga mikkuyujtaap, maayɨʼ iñyaʼak jeʼm wiñtyipɨk página de tumtum an̈kejayoʼoyi. Jeʼm akwagoʼoyiyaj (A) y jeʼm textos maaj yɨktampɨk iletra (B) miyooxpaʼtpa in̈kutɨʼɨyɨy jempɨk sɨʼ in̈kuyujkaʼ. Maayɨʼ ityumpɨy jeʼm textos juuty nɨmpa «Maayɨʼ».
WƗSTENPƗK JAAKAʼ
Jeʼm wiñtyipɨk párrafo juuty nɨmpa «Maaj tan̈wɨkuyujkaiñ» in̈kejpa tyiñam in̈kuyujkaʼaba (C). Jeʼm subtítulos iniityyajwɨʼɨp inúmero in̈matpa jeʼm jɨɨxiyaj in̈kuyujkapaʼap (D). Kun jempɨk mikkuyujpa, maayɨʼ jeʼm textos Bibliajom, kutson̈ɨ jeʼm akwagoʼoyiyaj y aʼmɨ jeʼm videos.
VIDEOS. En yɨʼpyaj recuadros impaʼtpa videos y audios iga miyooxpaʼtpa iga maaj in̈kutɨʼɨyɨʼyiñ tumtum an̈kejayoʼoyi. Weeñi videos ikwiñkejyajpa jempɨk weeñi iñuntanaskaneyaj y tun̈gakyaj numaaj akwiñkejneyajta jempɨk wɨap iñas.
Kɨʼpin̈ɨ jeʼm kuwiñyaj y jeʼm an̈matyiyaj iniitywɨʼɨp (E), y jɨɨsɨ juutypɨk in̈kutson̈ba juuty nɨmpa «Weeñi nɨmyajpa iga» (F).
IN̈AN̈PƗGAM JAAKAʼ
Jeʼm an̈kejayoʼoyiyaj kuyajpa juuty nɨmpa «Jempɨk tan̈kuyujkaʼ» y «¿Iñjɨɨspanam?» (G). Jaykaʼamɨ jeʼm jaama jesɨk yajum in̈kuyujkaʼ tumtum an̈kejayoʼoyi. Juuty nɨmpa «Waatɨ yɨʼɨmpɨk» impaʼtpa jɨɨxiyaj iga miyooxpaʼtpa immɨja espiritualmente (H). Juuty nɨmpa «Jodon̈aajɨnam» ity totjaayiyaj y videos iga maaj miyooxpaʼtpa (I).
Tyityam impaʼtpa yɨʼɨm
|
|
|
Maktastenpɨk jaakaʼ 
|
Juutypɨk wɨap impaʼt tuum texto Bibliajom
Jeʼm Biblia iniity 66 libros. Iniity jeʼm Escrituras Hebreoarameas y jeʼm Escrituras Griegas Cristianas. Weeñiyaj iixpɨkyajpatyim juʼuts Antiguo Testamento y Nuevo Testamento.
Jeʼm textos inimiñpaʼap yɨʼp libro, wiñtyi kejpa jeʼm libro iñɨɨyi (A), okmɨ jeʼm número iñɨɨyɨypaʼap jeʼm capítulo (B) y okmɨ tuum o waatyi números iñɨɨyɨypaʼap jeʼm versículo o jeʼm versículos (C).
Juʼuts akwiñkejoʼoyi, San Juan 17:3 nɨmtoʼoba «jeʼm totjaayi de Juan, capítulo 17, versículo 3».
