Kujɨɨsɨ tuum aapa iga iknɨkpa je’m imaanɨk escuela. Wiñtyi ikɨ’pin̈ba siiga wɨchin̈ne’, kua’yñe’ ipu’ktuuku y wɨɨ ikeeji. Jesɨk dya’ mɨmne’eba y tun̈gakyaj ia’myajpa iga je’m ijaatun̈yaj ityoyyajpa. Je’m jaatun̈yaj ixunyajpa iga je’m imanɨktam kua’yñeyajiñ. Jehová, je’m tanJaatun̈ sɨn̈yukmɨpɨk, ixunba iga jempɨk tanjɨɨspa, tanɨmpa, tammɨjtay, tyityam tan̈watpa y tyityam tanaity kua’yñeiñtyim. Y jesɨk tan̈watpa yɨ’ɨmpɨk tawɨwada’yba y tun̈gakyaj ikuji’pyajpa Dios.

1. ¿Juutypɨk kua’yñe’eba je’m tammɨjtay y tyityam tanaity?

Jehová tanɨ’ma’yba: «Tsa̱cɨ it́u̱mpɨy jém iñt́áŋca iga cuáyiñ» je’m iñanmaj (1 Pedro 1:16). Yɨ’p nɨmto’oba iga kua’yñeiñ je’m tammɨjtay, tanjɨɨxi y tan̈wado’oyiyaj. Takua’yñeta’mpa siiga juchixkej tachin̈ba, kua’yñe’ tampu’ktuuku, tantɨk, tancarro y ityumpɨy tyityam tanaity. Tayooxpadoybatyim jesɨk akkua’ytyaap je’m An̈tu’umatyoytyɨk. Siiga takua’yñe’eba wɨapsɨ iga tun̈gakyaj ikuji’pyajpa Jehová (2 Corintios 6:3, 4).

2. ¿Tyi odoy tan̈wadyiñ iga takua’yñeta’miñ?

Je’m Biblia tanɨ’ma’yba: «Iga tantsactámiñ […] jém imalwadaypáppɨc jém tammɨjta̱y y jém [tananmaj] iga tacuáyñetámiñ» (2 Corintios 7:1). Je’yukmɨ tan̈watpa ju’utspɨyam tawɨap iga odoy tan̈wadyiñ jempɨk imalwada’yba tammɨjtay o tanjɨɨxi. Tansunta’mpa iga Jehová maymayaneiñ, je’yukmɨ dya’ tammaljɨɨsta’mpa (Salmo 104:34). Y ityumpɨy jempɨk tanɨmpa kua’yñeiñtyim (maayɨ’ Colosenses 3:8).

¿Tyityamnam wɨap ityu’udɨy tammɨjtay y tanjɨɨxi? Je’m cigarro, je’m coca iay, je’m tsoyyaj dyapɨk tatogoyay y je’m drogas, je’yukmɨ dya’ tampɨkta’mpa ni tuum. Siiga jeempɨgam tan̈watpa sɨ’ tanakwiñkej iga tantsoowaixpa tañityi jempɨk Dios tachi’iñeta’m. Iga takua’yñeta’miñ dya’ tan̈watpa jempɨk Dios dya’ ikusu’nɨ’yba, ju’uts je’m masturbación a y dyatyim tana’mpa pornografía. b (Salmo 119:37; Efesios 5:5). Wɨapsɨ iga tan̈ka’ tantsak iga tan̈watpa yɨ’ɨmpɨk, pero Jehová tayooxpa’tpa (maayɨ’ Isaías 41:13).

 MAAJ TAN̈WƗKUYUJKAIÑ

3. Jesɨk kua’yñe’eba tyityam tanaity ikuji’ppa Jehová

Jesɨk tammayba je’m an̈ki’mayo’oyiyaj ichi’iwɨ’ɨp Jehová je’m israelitajyaj, tan̈kutɨ’ɨyɨ’yba iga Jehová ityeguet iga takua’yñeta’miñ. Maytya’amɨ Éxodo 19:10 y 30:17-19, y an̈matta’amɨ tyi iñjɨɨsta’mpa y kutson̈ta’amɨ:

• Ju’uts nɨmpa yɨ’pyaj versículo, ¿ju’uts ia’m Jehová iga kua’yñeiñ tammɨjtay y tyityam tanaity?

• ¿Tyi wɨap tan̈wat iga juchixkej takua’yñeta’miñ?

Nasuntaap iga tan̈wadyiñ ju’tspɨy tawɨap iga takua’yñeta’miñ. Wɨap tan̈watta’m dya’ tyi ijoo siiga tatumiñɨytya’m o dya’. A’mta’amɨ je’m VIDEO y an̈matta’amɨ tyi iñjɨɨsta’mpa y kutson̈ta’amɨ:

• Siiga jempɨk tananɨkpa je’m an̈matkuyjom kua’yñe’eba, ¿yooxpado’ybasɨ iga majnam ikwiñkejayyajiñ respeto Jehová? ¿Tyi’iga?

4. Tsaakɨ jempɨk mimalwada’yba

Siiga mich mijukpa, iñukpa tsoyyaj mex iga dya’ mityogoyay y impɨkpa drogas, wɨapsɨ iga iñjoodon̈ iga ityumpɨy yɨ’pyaj vicio tan̈ka’ tantsak. Jempɨk miyooxpa’tpa je’ iga in̈kujɨɨxiñ juutypɨk mimalwada’yba. Maytya’amɨ Mateo 22:37-39, y an̈matta’amɨ siiga algun i jukpa y iniity vicio, juutypɨk imalwada’yba...

• ... je’m iwɨnanɨgo’oyi kun Jehová.

• ... je’m ifamiliajyaj y tun̈gakyaj.

Kujɨɨsi tyityam wɨap in̈wat iga wɨaiñ iñchak tuum vicio. c A’mta’amɨ je’m VIDEO.

Maytya’amɨ Filipenses 4:13 y an̈matta’amɨ tyi iñjɨɨsta’mpa y kutson̈ta’amɨ:

• ¿In̈kupɨkpa siiga algun i in̈wejpa’tpa Dios, ikuyujka’aba je’m Biblia y nɨkpa je’m an̈tu’umaajiyaj iyooxpa’tpa iga ichaguiñ je’m vicio? ¿Tyi’iga iñjɨɨspa jeempɨk?

 5. Odoy maljɨɨsɨ y odoy malwaatɨ

Maytya’amɨ Colosenses 3:5 y an̈matta’amɨ tyi iñjɨɨsta’mpa y kutson̈ta’amɨ:

• ¿Juutypɨk tanjoodon̈tam iga je’m pornografía, sextear d y masturbarse dya’ iwɨa’mpa Jehová?

• Jehová tanɨ’ma’yba iga kua’yñeiñ tanjɨɨxi y tyityam tan̈watpa, ¿in̈kupɨkpa iga yɨ’p tawɨwada’yba? ¿Tyi’iga?

Kɨ’pin̈ɨ tyi wɨap tan̈wat iga odoy tanaidyiñ malojpɨk jɨɨxiyaj. A’mta’amɨ je’m VIDEO.

Jesús tan̈kejaytyam tyi wɨɨ iga tan̈wadyiñ siiga tansunba iga kua’yñeiñ tanjɨɨxi y tyityam tan̈watpa. Maytya’amɨ Mateo 5:29, 30 y an̈matta’amɨ tyi iñjɨɨsta’mpa y kutson̈ta’amɨ:

• Jesús dya’ idyɨk sɨ’ iñɨm iga tanakko’wataiñ, je’ sɨ’ idyɨk iñɨm iga tanakuixtyamtaiñ. ¿Tyityam nasuntaap iga tan̈wadyiñ iga odoy tanaidyiñ je’m malojpɨk jɨɨxiyaj? e

Siiga sɨ’bam iñchak je’m malojpɨk jɨɨxiyaj, kupɨɨkɨ iga Jehová tsaam ichoowaixpa ityumpɨy jempɨk sɨ’ in̈wat. Maytya’amɨ Salmo 103:13, 14 y an̈matta’amɨ tyi iñjɨɨsta’mpa y kutson̈ta’amɨ:

• Siiga sɨ’bam iñchak jempɨk Dios dya’ ikusu’nɨ’yba, ¿in̈kupɨkpa iga wɨap miyooxpa’t yɨ’pyaj versículo? ¿Tyi’iga?

 JEMPƗK TAN̈KUYUJKA’

Tammaymaywatpa Jehová siiga kua’yñe’eba tammɨjtay, tanjɨɨxi y tyityam tan̈watpa.

¿Iñjɨɨspanam?

• ¿Tyi’iga tsaam importante iga takua’yñeta’miñ?

• ¿Tyi wɨɨ iga tan̈wadyiñ iga kua’yñeiñ tammɨjtay y tyityam tanaity?

• ¿Tyi wɨɨ iga tan̈wadyiñ iga tanjɨɨxi y tyityam tan̈watpa juchixkej kua’yñeiñ?