AN̈KEJAYOʼOYI 41
Jeʼm sexo, ¿tyi nɨmpa jeʼm Biblia?
Jesɨk algun i ijɨykiʼmpa jeʼm sexo jaʼyan̈yaj dyaʼ ikusuʼnɨyyajpa. Pero jeʼm Dios In̈maatyi ijɨykiʼmpatyim jeʼm sexo. Jehová jeʼam jempɨk tachiʼ jeʼm Biblia, jeʼyukmɨ tsaam tayooxpaʼtpa jempɨk in̈kejpa. Jeʼ tawatnetam, jeʼyukmɨ iwɨjoodon̈ jempɨk tatogoyaytyaʼm. Jehová tan̈kejaʼyba juutypɨk wɨap tammaymaywattaʼm y tyi tayooxpaʼttaʼmpa iga wɨaiñ tampɨktson̈taʼm jeʼm ityi dyapɨk kuyajpa.
1. ¿Juʼuts iaʼm Jehová jeʼm sexo?
Jehová tachiʼiñeʼ jeʼm sexo juʼuts tuum xaaja. Jeʼ ixunba iga jempɨk an̈koʼmɨyñeyajum maymayayajiñ kun yɨʼp xaaja. Jeempɨgam wɨap imanɨgɨyyaj y nakwiñkejayyajtaptyim toyoʼoyi. Jeʼyukmɨ jeʼm Dios In̈maatyi nɨmpa: «Namaymayaajɨ iñyoomo kun jempɨk min̈koʼmɨyñeʼ» (Proverbios 5:18, 19). Jehová ixunba iga jempɨk an̈koʼmɨyñeyajum odoy natsakyajtaiñ. Jeʼyukmɨ jempɨk ikuyooxaap Jehová ni keman pejoʼyba (maayɨʼ Hebreos 13:4).
2. ¿Tyityam tɨgɨykuʼmpa kun jeʼm tan̈kayaj sexuales?
Jeʼm Biblia in̈kejpa iga jempɨk tan̈kawatyajpa sexualmente «d́a tɨgɨyyajpa ju̱t́ iŋjacpa Dios» (1 Corintios 6:9, 10). Jeʼm griegopɨk an̈maatyi ipɨkyajwɨʼɨp jempɨk ijaykamyaj jeʼm Biblia jeʼ pornéia. Yɨʼp an̈maatyi tɨgɨykuʼmpa 1) jesɨk tuum pɨɨxiñ y tuum yoomoʼ dyapɨk an̈koʼmɨyñeyaj tan̈kawatyajpa sexualmente, a 2) jesɨk tan̈kawatyajpa sexualmente pɨɨxiñ kun pɨɨxiñ o yoomoʼ kun yoomoʼ y 3) jesɨk algun i tan̈kawatpa sexualmente kun tuum animat. Tammaymaywattaʼmpa Jehová y tawɨnɨgaytyaʼmpa siiga dyaʼ tatan̈kawatpa sexualmente (1 Tesalonicenses 4:3).
MAAJ TAN̈WƗKUYUJKAIÑ
Tanaʼmiñ tyi wɨap in̈wat iga odoy mityan̈kawadyiñ sexualmente y tyityam impɨktson̈ba siiga dyaʼ immalwatpa.
3. Odoy tan̈kawaatɨ sexualmente
Tuum pɨɨxiñ iga iñɨɨyi idyɨk José, ikupɨk Dios y iwat empeño iga odoy tan̈kawadyiñ. Maytyaʼamɨ Génesis 39:1-12 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga poy José? (Aʼmtaʼamɨ jeʼm versículo 9).
-
¿Miñɨmpasɨ iga José iwɨwat? ¿Tyiʼiga?
¿Juutypɨk jeʼm traytyipɨxiñtyam y wooñyomtam wɨap iwatkiʼpsyaj José iga odoy tan̈kawatyajiñ sexualmente? Aʼmtaʼamɨ jeʼm VIDEO.
Jehová ixunba iga tantumpɨytyam odoy tatan̈kawattaʼmiñ sexualmente. Maytyaʼamɨ 1 Corintios 6:18 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyityam wɨap iwat iga algun i tan̈kawadyiñ sexualmente?
-
¿Tyi wɨap in̈wat iga odoy mityan̈kawadyiñ sexualmente?
4. Mich wɨap iñyaʼachɨy jeʼm kutɨʼɨchi
¿Tyityam wɨap iwat iga tan̈kaʼaiñ tanyaʼachɨy jeʼm kutɨʼɨchiyaj? Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
En yɨʼp video, ¿tyi iwat jeʼm tɨɨwɨ jesɨk ikutɨʼɨyɨy iga jempɨk ijɨɨspa y iwatpa wɨap idyɨk iwat iga ipejiñ iyoomoʼ?
Jempɨk ikupɨkyajpa Dios iwatyajpatyim empeño iga odoy tuʼudɨyyajiñ ijɨɨxi. ¿Tyi wɨap in̈wat iga odoy iñjɨɨsjɨɨsneiñ iga mityan̈kawatpa sexualmente? Maytyaʼamɨ Filipenses 4:8 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyityam wɨɨ iga tanjɨɨsnetaʼmiñ?
-
Siiga tammayba jeʼm Biblia y seguido tan̈kuyooxaap Jehová, ¿miñɨmpasɨ iga maaj dyaʼ tan̈kaʼ tanyaʼachɨy jeʼm kutɨʼɨchiyaj? ¿Tyiʼiga?
5. Jeʼm Jehová ian̈kiʼmayoʼoyiyaj tawɨwadaʼyba
Jehová ijoodon̈ tyi jempɨk tawɨwadaʼyba. Jeʼyukmɨ tanɨʼmaʼyba iga odoy tatan̈kawadyiñ sexualmente y tawɨnɨgaʼyba siiga tan̈kupɨkpa. Maytyaʼamɨ Proverbios 7:7-27 y aʼmtaʼamɨ jeʼm VIDEO. Okmɨ an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga yɨʼp traytyipɨxiñ dyaʼ iwɨpɨk ijɨɨxi? (Aʼmtaʼamɨ Proverbios 7:8, 9).
-
Proverbios 7:23, 26 nɨmpa iga pɨɨmi tamalwadaʼyba siiga tatan̈kawatpa sexualmente. ¿Juutypɨk tawɨnɨgaʼyba siiga tan̈kupɨkpa?
-
¿Juutypɨk tayooxpaʼtpa siiga dyaʼ tatan̈kawatpa sexualmente iga tanaidyiñ jeʼm ityi dyapɨk kuyajpa?
Weeñi dyaʼ ikusuʼnɨyyajpa jempɨk nɨmpa jeʼm Biblia iga odoy iwatyajiñ sexo pɨɨxiñ kun pɨɨxiñ y yoomoʼ kun yoomoʼ. Jehová tatoytyaʼmpa y ixunba iga tanaitytyaʼmiñ jeʼm ityi dyapɨk kuyajpa. Siiga tan̈kupɨktaʼmpa jeʼm ian̈kiʼmayoʼoyi tampɨktson̈taʼmpa yɨʼp xaaja. Maytyaʼamɨ 1 Corintios 6:9-11 y an̈mattaʼamɨ tyi iñjɨɨstaʼmpa y kutson̈taʼamɨ:
-
Juʼuts immay, ¿numaaj jempɨk nakusuʼnɨyyajtaap pɨɨxiñ kun pɨɨxiñ y yoomoʼ kun yoomoʼ tan̈kawatyajpa?
Tammaymaywatpa Dios siiga tan̈wattaʼmpa kukakiyaj. ¿Tawɨnɨgaʼyba siiga tan̈kupɨkpa? Maytyaʼamɨ Salmo 19:8, 11 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tan̈kaʼ tanakkupak jeʼm Jehová ian̈kiʼmayoʼoyi? ¿Tyiʼiga iñjɨɨspa jeempɨk?
Jehová iyooxpaʼtneʼ jaʼyan̈yaj iga wɨaiñ ikupɨkyaj jeʼm ian̈kiʼmayoʼoyiyaj y wɨaptyim miyooxpaʼt.
WEEÑI NƗMYAJPA IGA: «Dyaʼ malo siiga wɨstenyaj iga natoyyajtaap iwatyajpa sexo».
-
¿Tyi iñjɨɨspa?
JEMPƗK TAN̈KUYUJKAʼ
Jehová tachiʼiñeʼ jeʼm sexo juʼuts tuum xaaja, jeʼ ixunba iga jempɨk an̈koʼmɨyñeyajum maymayyajiñ kun yɨʼp xaaja.
¿Iñjɨɨspanam?
-
¿Tyityam tɨgɨykuʼmpa kun jeʼm tan̈kayaj sexuales?
-
¿Tyi tayooxpaʼtpa iga odoy tatan̈kawadyiñ sexualmente?
-
¿Juutypɨk tawɨwadaʼyba siiga tan̈kupɨkpa jeʼm Jehová ian̈kiʼmayoʼoyiyaj?
JODON̈AAJƗNAM
Amɨ tyiʼiga ixunba Dios iga an̈koʼmɨyyajiñ tuum pɨɨxiñ y tuum yoomoʼ.
«¿Tyi nɨmpa jeʼm Biblia jesɨk napɨkyajtaap y dyaʼ an̈koʼmɨyñeyaj?» (Artículo de jw.org)
Mex iga Dios dyaʼ iwɨaʼmpa iga pɨɨxiñ kun pɨɨxiñ o yoomoʼ kun yoomoʼ iwatyajiñ sexo, kuyujkaɨʼ tyiʼiga dyaʼ wɨɨ iga tanjooyixyajiñ.
«¿Malo siiga pɨɨxiñ kun pɨɨxiñ o yoomoʼ kun yoomoʼ iwatyajpa sexo?» (Artículo de jw.org)
Maayɨʼ juutypɨk takupujpa jeʼm an̈kiʼmayoʼoyiyaj itywɨʼɨp Bibliajom.
«Siiga algun i iwatpa sexo kun ijɨp, ¿sɨʼ ityan̈kawat?» (Artículo de jw.org)
¿Tyi iyooxpaʼt tuum pɨɨxiñ jempɨk ikusuʼnɨʼyba idyɨk pɨɨxiñ iga ikaguiñ ijɨɨxi y imaymaywadyiñ Dios? Maayɨʼ jempɨk iñaskaneyaj iityijom «Awɨpɨktson̈yaj».
«Jeʼm Biblia ikagayyaj jeʼm iityi» (La Atalaya, 1 de abril de 2011)
a Algun i tan̈kawatpa sexualmente siiga iwatpa sexo mex iga dyanam an̈koʼmɨyñeʼ, tɨgɨykuʼmpatyim siiga iwatpa sexo kun ijɨp o kun ityiñus o ikujayaʼyba algun i ijaʼayakuy o iyoʼomakuy.
