Jesús in̈kej iga jeʼm ikuyujkɨʼɨwiñyaj dyaʼ jeexyaj «juuts jém it́yajwɨɨp yɨ́p naxyucmɨ» (Juan 15:19). Yɨʼp nɨmtoʼoba iga dyaʼ tɨgɨykuʼmyajpa kun jeʼm política y dyaʼ nɨkyajpa jesɨk itypa tuum guerra. Pero watykɨy usan̈ tan̈kaʼ iga dyaʼ tatɨgɨykuʼmpa iga jaʼyan̈yaj takuxikkayajpa. ¿Juutypɨk wɨap tanakwiñkej iga numaaj tan̈kuyagɨʼyba jeʼm Dios iAn̈jagoʼoyi?

1. Juʼuts cristianos ¿tyi tanjɨɨstaʼmpa de jeʼm an̈jagoʼoyiyaj?

Juʼuts tacristianojtam tanakwiñkejaytyaʼmpa respeto jeʼm an̈jagoʼoyiyaj. Jesús nɨm: «Jém Césarpɨc imɨɨchi, chiit́aamɨ jém César». Y jeempɨgam tan̈wattaʼmpa: tan̈kupɨktaʼmpa jeʼm ley akkamnetawɨʼɨp y tanyojtaʼmpatyim jeʼm impuestos (Marcos 12:17). Jeʼm Biblia in̈kejpa iga Jehová iaʼmchiñeʼ iga akkaʼmyajtaiñ jeʼm an̈jagoʼoyiyaj yɨʼp naxyukmɨ (Romanos 13:1). Jeʼyukmɨ tan̈kutɨʼɨyɨʼyba iga jeʼm teguedɨʼɨyi iniityyajwɨʼɨp dyaʼ jeex juʼuts jempɨk Dios iniity. Tan̈wɨkupɨknetaʼm iga tanDios y jeʼm iAn̈jagoʼoyi itywɨʼɨp sɨn̈yukmɨ iktogoyyajpa jeʼm yaʼachaaji.

2. ¿Juutypɨk tanakwiñkejpa iga tan̈kuyagɨʼyba jeʼm Dios iAn̈jagoʼoyi?

Juʼutstyim iwat Jesús, taɨchtyam dyaʼ tatɨgɨykuʼmtaʼmpa kun jeʼm política. Jesɨk tun̈gakyaj iaʼmyaj jeʼm milagros iwatwɨʼɨp Jesús ikkamyajtɨʼp juʼuts an̈jagoʼoyi, pero jeʼ dyaʼ iaʼmchiyaj (Juan 6:15). ¿Tyiʼiga dyaʼ? Jeʼtyim nɨm: «Ɨch d́a anaŋjacpa juuts yɨ́p naxyucmɨpɨc aŋjagooyiyaj» (Juan 18:36). Juʼuts Jesús ikuyujkɨʼɨwiñyaj tanakwiñkejtaʼmpa iga numaaj tan̈kuyaʼgɨytyaʼmpa jeʼm Dios iAn̈jagoʼoyi, jeʼyukmɨ dyaʼ tanɨktaʼmpa jesɨk itypa guerra (maayɨʼ Miqueas 4:3). Tanakwiñkejaytyaʼmpa respeto jeʼm símbolos nacionales, juʼuts jeʼm bandera, pero dyaʼ tan̈kujiʼptaʼmpa (1 Juan 5:21). Y dyaʼ tan̈kuyaʼgɨytyaʼmpa ni tuum partido político o jempɨk tsɨʼytyoʼoba juʼuts an̈jagoʼoyi. Yɨʼɨmpɨgam tanakwiñkejtaʼmpa iga numaaj tan̈kuyaʼgɨytyaʼmpa jeʼm Dios iAn̈jagoʼoyi, jempɨk jeʼ ikkamneʼ.

 MAAJ TAN̈WƗKUYUJKAIÑ

3. Jeʼm nuntapɨk cristianojyaj dyaʼ tɨgɨykuʼmyajpa kun yɨʼp naxyukmɨpɨk jɨɨxi

Jesús y jeʼm ikuyujkɨʼɨwiñyaj tan̈kejayyaj tyi tan̈wattaʼmiñ. Maytyaʼamɨ Romanos 13:1, 5-7 y 1 Pedro 2:13, 14. Okmɨ aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyiʼiga tanakwiñkejaytyaʼmiñ respeto jeʼm an̈jagoʼoyiyaj?

• ¿Juutypɨk tanakwiñkejpa iga tan̈kupɨkyajpa?

Jesɨk itypa guerra, weeñi países nɨmyajpa iga dyaʼ tɨgɨykuʼmyajpa, pero iyooxpaʼtyajpa kun tyityam iniityyaj jempɨk sɨʼ in̈aayaj. ¿Nunta dyaʼ sɨʼ ityɨgɨykuʼmyaj? Maytyaʼamɨ Juan 17:16. Okmɨ aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juutypɨk tanakwiñkejpa iga dyaʼ tatɨgɨykuʼmpa?

Oyba, jeʼm an̈jagoʼoyiyaj tawagayyajpa jempɨk Dios dyaʼ ikusuʼnɨʼyba. ¿Tyi tan̈watpa? Maytyaʼamɨ Hechos 5:28, 29. Okmɨ aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• Siiga tuum ley ikkamnewɨʼɨp jeʼm an̈jagoʼoyi dyaʼ iniity tumtyi jɨɨxi kun jeʼm Dios iAn̈kiʼmayoʼoyi, ¿juʼppɨk tan̈kupɨktaʼmpa?

• ¿Wɨap in̈kujɨɨs tuum nasɨyoʼoyi juuty jeʼm cristianojyaj dyaʼ ikupɨkyajpa jeʼm an̈jagoʼoyiyaj?

4. Kun tyityam tan̈watpa y tanjɨɨspa, odoy tatɨgɨykuʼmiñ kun yɨʼp naxyukmɨpɨk jɨɨxi

Maytyaʼamɨ 1 Juan 5:21. Okmɨ aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyiʼiga Ayenge ipɨk ijɨɨxi iga dyaʼ tɨgɨykuʼmpa kun jeʼm política y dyatyim ikujiʼppa jeʼm bandera?

• ¿Miñɨmpasɨ iga iwɨpɨk ijɨɨxi?

¿Juʼptamnam nasɨyoʼoyi wɨap takutɨʼts? Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juutypɨk wɨap tanakwiñkej iga dyaʼ tatɨgɨykuʼmpa jesɨk mɨɨchyajpa jaʼyan̈ países?

• ¿Juutypɨk wɨap tanakwiñkej iga dyaʼ tatɨgɨykuʼmpa mex iga jeʼm políticos dyaʼ iwɨpɨkyajpa ijɨɨxi?

• ¿Juutypɨk wɨap tamalwaday jempɨk tanaʼmpa y jempɨk nɨmyajpa tun̈gakyaj?

 JEMPƗK TAN̈KUYUJKAʼ

Jeʼm cristianojyaj ikwiñkejyajpa kun tyityam ijɨɨsyajpa, in̈matyajpa y iwatyajpa iga dyaʼ tɨgɨykuʼmyajpa jeʼm política.

¿Iñjɨɨspanam?

• ¿Juchix wɨɨ iga tan̈kupɨktaʼmiñ jeʼm an̈jagoʼoyiyaj?

• ¿Tyiʼiga dyaʼ tatɨgɨykuʼmtaʼmpa jeʼm política?

• ¿Juʼptamnam nasɨyoʼoyi wɨap takutɨʼts iga odoy tanaidyiñ yɨʼp naxyukmɨpɨk jɨɨxi?