Jesɨk algun i ikɨan̈kodaʼyba iityi a Jehová, en tuum an̈wejpadoʼoyi ijɨykamaʼyba iga numaaj jeʼ ikoosteñaʼyba y iwatpa juʼtsam jeʼ ixunba (Salmo 40:8). Okmɨ, jesɨk chin̈ba, ikwiñkejaʼyba tun̈gakyaj iga ikɨan̈kodayñeum iityi a Dios. Iga tan̈kɨan̈kodaʼyba Jehová tañityi, jeʼam jeʼm maaj wɨbɨk jɨɨxi iga wɨap tampɨk. Yɨʼp jɨɨxi takukagayaʼyba tañityi. ¿Tyi wɨap miyooxpaʼt iga jeempɨgam in̈wadyiñ?

1. ¿Tyi tayooxpaʼtpa iga tan̈kɨan̈kodaʼyiñ Jehová tañityi?

Jeʼm toyoʼoyi jeʼam jempɨk tayooxpaʼtpa iga tan̈kɨan̈kodaʼyiñ Jehová tañityi (1 Juan 4:10, 19). Jeʼm Biblia tanɨʼmaʼyba: «To̱yɨ jém tanJa̱tuŋ Dios con it́u̱mpɨy [iñanmaj], con it́u̱mpɨy iñjɨ̱xi y con it́u̱mpɨy impɨ̱mi» (Marcos 12:30). Kun jempɨk tanɨmpa y tan̈watpa tanakwiñkejpa iga tantoyba Jehová. Jesɨk tuum pɨɨxiñ y tuum yoomoʼ natoyyajtaap ipɨkyajpa ijɨɨxi iga an̈komɨyyajpa, jeempɨktyim siiga tantoyba Jehová tampɨkpa tanjɨɨxi iga tan̈kɨan̈kodaʼyba tañityi y tachin̈ba.

2. ¿Juʼptam kumaykedoʼoyiyaj ichiʼiba Jehová jeʼm iTestigojyaj chin̈neyajwɨʼɨp?

Jesɨk mich michin̈ba, in̈waganaitypa jeʼm Jehová ifamilia y tsaam mimaymayaap. Iñjaampa iga Dios mityoyba y majtyim in̈kunuʼkpa (maayɨʼ Malaquías 3:16-18). Jehová tsɨʼyba juʼuts iñJaatun̈ y iniitypatyim tuum familia ikuwɨtyi naxyukmɨ jempɨk ityoyyajpa Dios y mityoyyajpatyim (maayɨʼ Marcos 10:29, 30). Wiñtyi iga michin̈ba, wɨɨ iga iñixpɨguiñ Jehová, iñtyoʼyiñ y inikwiñkejiñ iga iniidyay confianza jeʼm iMaanɨk. Okmɨ, iñjɨykamaʼyba Jehová iga in̈kɨan̈kodaʼyba iñityi. Siiga in̈watpa jeempɨk y okmɨ michin̈ba, wɨap impɨktson̈ jeʼm ityi dyapɨk kuyajpa. Jeʼm Dios In̈maatyi nɨmpa: «Jém nɨ tayo̱xpátpa iga tacɨacputtámiñ cuando tacchiŋtamta̱ nɨɨcɨɨm» (1 Pedro 3:21).

 MAAJ TAN̈WƗKUYUJKAIÑ

3. Tampɨktaʼmiñ tanjɨɨxi iapaʼap tan̈kuyooxataʼmpa

Wiñɨk, weeñi israelitajyaj ijɨɨsyajpa idyɨk iga wɨap ikoosteñayyaj Jehová y Baal, pero jɨɨxtyogoyñeyaj idyɨk. Jeʼyukmɨ Jehová ikutsat jeʼm iprofeta Elías iga an̈jɨyjakyajtaiñ. Maytyaʼamɨ 1 Reyes 18:21 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juʼp jɨɨxi ipɨkyaj jeʼm israelitajyaj?

Juʼutstyim iwatyaj jeʼeyaj, tampɨktaʼmiñtyim tanjɨɨxi iga iapaʼap tan̈kuyooxataʼmpa. Maytyaʼamɨ Lucas 16:13 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyiʼiga dyaʼ wɨap tan̈kuyooxataʼm Jehová siiga sɨʼ tan̈kuyooxataʼm algun i o algun tyi?

• ¿Tyi wɨap tan̈wat iga tanakwiñkejaʼyiñ Jehová iga numaaj jeʼ tan̈koosteñaʼyba?

4. Kujɨɨsɨ juʼutspɨy mityoyba Jehová

 5. Siiga tan̈kɨan̈kodaʼyba Jehová tañityi, tampɨktson̈ba jaʼyan̈ kumaykedoʼoyiyaj

 JEMPƗK TAN̈KUYUJKAʼ

Siiga tantoyba Jehová, yɨʼp tayooxpaʼtpa iga tan̈kɨan̈kodaʼyiñ tañityi y tachin̈iñ.

¿Iñjɨɨspanam?

• ¿Tyiʼiga tantoʼyiñ Jehová y numaaj jeʼ tan̈kuyooxaiñ?

• ¿Juʼp xaaja ichiʼiba Jehová jeʼm iTestigojyaj chin̈neyajwɨʼɨp?

• ¿In̈kɨan̈kodaytyoʼoba Jehová iñityi?