AN̈KEJAYOʼOYI 02
Jeʼm Biblia tachiʼiba tuum wɨbɨk an̈jogoʼoyi
Ikuwɨtyi yɨʼp naxyukmɨ jaʼyan̈yaj yaʼachayajpa y jeʼyukmɨ tsaam an̈yaʼkyajpa. ¿Oyñeʼ miñaskaʼ jeempɨk? Wɨapsɨ iga mimɨmneʼ o kaʼaneʼ tuum iñfamilia y yɨʼp sɨʼ miyaʼachwat, y wɨapsɨ iga minikwaʼktaap juchix kuyajpa yɨʼp yaʼachaaji. Jeʼm Biblia takpoʼkspa.
1. ¿Juʼp wɨbɨk an̈jogoʼoyi tan̈madaʼyba jeʼm Biblia?
Jeʼm Biblia tan̈madaʼyba tyiʼiga tayaʼachataʼmpa. Tan̈madaʼybatyim iga yɨʼpyaj yaʼachaajiyaj dyaʼ jaʼyyajpa, nuʼkpa jaama iga kuyajpa. Jempɨk nɨmpa jeʼm Biblia wɨap michiʼ «tuum an̈jogoʼoyi y tuum wɨbɨk nɨgɨyoʼoyi» (maayɨʼ Jeremías 29:11, 12). Yɨʼp jɨykamoʼoyiyaj tayooxpaʼttaʼmpa iga tanyaʼachɨytyaʼmiñ jeʼm kobakpiijiyaj sɨɨ y tamaymayataʼmiñ juchixkej.
2. ¿Tyi tanɨʼmaʼyba jeʼm Biblia iga naspa jeʼm tannɨgɨyoʼoyijom?
Jeʼm Biblia tan̈madaʼyba iga tannɨgɨyoʼoyijom «d́am más caaba jém pɨxiñt́am. D́a i̱ jém aŋyaaqui. D́am wejyajpa. D́am i̱ jém to̱ya» (maayɨʼ Apocalipsis 21:4). Dyam itypa jeʼm kobakpiijiyaj, jeʼm mɨmneʼiʼ, jeʼm kaʼiʼ y ityumpɨy jempɨk tayaʼachwattaʼmpa. Jeʼm Biblia in̈kejpa iga tantumpɨytyam wɨap tanaitytyaʼm tuum ityi dyapɨk kuyajpa jesɨk yɨʼp nas joomaseetneum.
3. ¿Tyi miyooxpaʼtpa iga in̈kupɨguiñ jempɨk tan̈kejaʼyba jeʼm Biblia?
Jaʼyan̈yaj ikujɨɨsyajpa iga jeʼm tannɨgɨyoʼoyijom maaj tawɨitytyaʼmpa, pero dyaʼ iwɨkupɨkneyaj iga nunta jeempɨgam naspa. Jeʼm Biblia dyaʼ tamɨgoyaʼyba. Wɨap tan̈kupɨk jempɨk tanɨʼmaʼyba siiga tanchokoykɨʼpin̈ba «jém aŋmat́i jém jayñewɨɨp» (Hechos 17:11). Siiga in̈wɨkuyujkaʼaba wɨap in̈kupɨk jempɨk naspa tannɨgɨyoʼoyijom.
MAAJ TAN̈WƗKUYUJKAIÑ
Tan̈kɨʼpin̈taʼmiñ weeñi jɨykamoʼoyiyaj itywɨʼɨp jeʼm Dios In̈matyijom iga kupakyajpa jeʼm tannɨgɨyoʼoyijom. Tanaʼmtaʼmiñ juutypɨk yɨʼpyaj jɨykamoʼoyiyaj sɨʼ iyooxpaʼt tun̈gakyaj.
4. Jeʼm Biblia tan̈kejaʼyba iga tanaitytyaʼmpa tuum ityi dyapɨk kuyajpa y tawɨitytyaʼmpa
Yɨʼɨm iñaʼmpa jeʼm jɨykamoʼoyiyaj tan̈kejaypaʼap jeʼm Biblia. ¿Juʼptam maaj in̈kusunɨʼyba? ¿Tyiʼiga?
Maytyaʼamɨ jeʼm Bibliajom jeʼm textos kejyajpaʼap yɨʼɨm, an̈mattaʼamɨ tyi iñjɨɨstaʼmpa y kutson̈taʼamɨ:
-
¿In̈kupɨkpa iga yɨʼpyaj textos tayooxpaʼtyajpa? Kujɨɨsɨ jeʼm iñfamilia y jeʼm iñamigojyaj, ¿iyooxpaʼtyajpatyim jeʼeyaj?
Kujɨɨsɨ iga miityum yɨkxkom:
|
DYAM I... |
ITYUMPƗYYAJ... |
|---|---|
|
|
|
|
|
|
|
|
|
|
5. Tamaymaywatpa jeʼm an̈jogoʼoyi tachiʼipaʼap jeʼm Biblia
Jaʼyan̈yaj ijoʼykaneyaj y an̈yaʼkneyaj iga tsaam ity kobakpiiji ikuwɨtyi naxyukmɨ. Weeñi iwɨtsakyajtoʼoba jempɨk naspa ixɨʼ. Aʼmɨ juutypɨk jeʼm an̈jogoʼoyi tachiʼipaʼap jeʼm Biblia sɨʼbam iyooxpaʼt jaʼyan̈yaj. Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
Juʼuts in̈kej jeʼm video, ¿juutypɨk iaʼmpa idyɨk Rafika jeʼm neejaixoʼoyi?
-
Mex iga jeʼm neejaixoʼoyi dyaʼ togoy juʼuts jeʼ idyɨk ixunba, ¿juutypɨk iyooxpaʼt jeʼm Biblia?
Siiga tan̈kupɨktaʼmpa jempɨk tajɨykamaʼyba jeʼm Biblia dyam pɨɨmi tan̈yaʼktaʼmpa y tamaymayataʼmpa mex iga tanaitytyaʼmiñ kobakpiijiyaj. Maytyaʼamɨ Proverbios 17:22 y Romanos 12:12, y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Iñjɨɨspa iga jeʼm an̈jogoʼoyi tachiʼipaʼap jeʼm Biblia miyooxpaʼtpa iñityijom? ¿Tyiʼiga?
WEEÑI NƗMYAJPA IGA: «Jempɨk nɨmpa jeʼm Biblia iga naspa jeʼm tannɨgɨyoʼoyijom jeʼ mɨgoʼoyi, dyaʼ kupakpa».
-
Siiga weeñi jɨykamoʼoyiyaj kupakneum, ¿dyaʼ maaj wɨɨ iga in̈kɨʼpin̈iñ jempɨk nɨmpa jeʼm Biblia? ¿Tyiʼiga?
JEMPƗK TAN̈KUYUJKAʼ
Jeʼm Biblia tan̈madaʼyba iga tannɨgɨyoʼoyijom tsaam tamaymayataʼmpa, yɨʼp tayooxpaʼttaʼmpa iga tawɨitytyaʼmiñ y tanyaʼachɨytyaʼmiñ.
¿Iñjɨɨspanam?
-
¿Tyiʼiga nasuntaap iga tanjoodon̈ataʼmiñ jempɨk Dios dyaʼ jaʼyñeʼ iwatpa?
-
¿Tyi nɨmpa jeʼm Biblia iga naspa tannɨgɨyoʼoyijom?
-
¿Juutypɨk miyooxpaʼtpa jeʼm an̈jogoʼoyi iñityijom?
JODON̈AAJƗNAM
Kuyujkaʼɨnam juʼtspɨy yooxpadoʼyba jeʼm an̈jogoʼoyi.
«¿Juuty tampaʼtpa jeʼm an̈jogoʼoyi?» (¡Despertad!, 22 de abril de 2004)
Jodon̈aajɨ juutypɨk iyooxpaʼtneʼ jeʼm an̈jogoʼoyi jempɨk mɨmneyaj.
«¿Wɨap tayooxpaʼttaʼm jeʼm Biblia iga tanyaʼachɨytyaʼmiñ jeʼm mɨmneʼiʼ?» (Artículo de jw.org)
Jesɨk iñaʼmpa yɨʼp video musical kujɨɨsɨ iga miityum kun iñfamilia jeʼm jomnaxyukmɨ tan̈kejaypaʼap jeʼm Biblia.
Maayɨʼ juutypɨk tuum pɨɨxiñ kak iityi jesɨk moj imay iBiblia.
«Dyam an̈kukagaytyoʼoba jeʼm pɨxiñtyam ijɨɨxi» (La Atalaya, 1 de julio de 2013)
