AN̈KEJAYOʼOYI 04
¿Iapaʼap Dios?
Dende tsaam wiñɨgam, tsaam jaʼyan̈ diosyaj koosteñayñeyajta. Pero jeʼm Biblia ijɨykiʼmpa tuum Dios iga «maaj wɨap que jeʼm tun̈gak diosyaj» (2 Crónicas 2:5). ¿Iapaʼap? ¿Y tyiʼiga maaj wɨap que ityumpɨy jeʼm diosyaj koosteñayyajtapaʼap? Kuyujkaɨʼ yɨʼɨm juutypɨk ixunba Dios iga mich iñixpɨguiñ.
1. ¿I iñɨɨyi Dios, y tyiʼiga tanjoodon̈tam iga jeʼ ixunba iga tañixpɨgaʼyiñ iñɨɨyi?
Ikuyukmɨ jeʼm Biblia, Dios nakwiñkejtaap iyaʼak: «Ɨch aJehová. Jeʼam annɨɨyi» (maayɨʼ Isaías 42:5, 8). Jeʼm nɨɨyi Jehová topneta jeʼm an̈matyiimɨ hebreo y jaʼyan̈yaj nɨmneyaj iga yɨʼp nɨɨyi nɨmtoʼoba «jeʼ iwatpa iga kupaguiñ». Jehová ixunba iga tañixpɨgaʼyiñ iñɨɨyi (Éxodo 3:15). ¿Tyiʼiga tanjoodon̈tam? Iga jeʼ iwat iga jaykamaytyaiñ jeʼm iñɨɨyi Bibliajom tuumtsam 7,000 viajkɨy. a «Jeʼm nuntapɨk Dios sɨn̈yukmɨpɨk y naxyukmɨpɨk» iñɨɨyi Jehová (Deuteronomio 4:39).
2. ¿Tyi tan̈madaʼyba jeʼm Biblia de Jehová?
Mex iga tsaam jaʼyan̈ diosyaj koosteñayyajtaap, jeʼm Biblia nɨmpa iga jeʼm tyumpɨk Dios nuntapɨk, jeʼ Jehová. ¿Tyiʼiga? Tanaʼmtaʼmiñ. Jehová jempɨk iniity maaj jaʼyan̈ teguedɨʼɨyi, «jeʼm maaj Yukmɨpɨk Dios ikuwɨtyi yɨʼp naxyukmɨ» (maayɨʼ Salmo 83:18). Jeʼam «jeʼm maaj Pɨɨmiɨywɨʼɨp», yɨʼp nɨmtoʼoba iga jeʼ wɨap iwat ityumpɨy jempɨk ixunba iga pɨɨmiɨy. Jeʼtyim jeʼm Iwatnewɨʼɨp ityumpɨy, iwat «ityumpɨy» jempɨk ity: jeʼm universo y ityumpɨy jempɨk ity yɨʼp naxyukmɨ (Apocalipsis 4:8, 11). Dyaʼ i tun̈gak juʼuts Jehová, jeʼ juchixkej ity y juchixkej itypa (Salmo 90:2).
MAAJ TAN̈WƗKUYUJKAIÑ
Tanaʼmiñ juutypɨk waatyi títulos iniitywɨʼɨp Dios kukakneʼ kun jeʼm iñɨɨyi, tuum nɨɨyi iga numaaj jeʼ imɨʼɨchiʼ. Tan̈kuyujkaʼabatyim juutypɨk taguixpɨkpa jeʼm iñɨɨyi y tyiʼiga ixunba iga tañixpɨgaʼyiñ.
3. Dios iniity jaʼyan̈ títulos, pero numaaj tuum iñɨɨyi
Tan̈kɨʼpin̈iñ juutypɨk jeʼm títulos kukakneʼ kun tuum nɨɨyi, aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juʼp kukaki iniity jeʼm títulos akkaʼmaytyapaʼap Dios kun jeʼm iñɨɨyi?
Jeʼm Biblia nɨmpa iga koosteñaytyaap jaʼyan̈ diosyaj. Maytyaʼamɨ Salmo 136:1-3 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Iapaʼap «jeʼm Dios majpɨk pɨɨmiɨy» y «jeʼm tanOmi majpɨk ijoodon̈»?
4. Jehová ixunba iga mich iñixpɨgaʼyiñ iñɨɨyi y juchixkej impɨguiñ
¿Juutypɨk tanjoodon̈tam iga Jehová ixunba iga mich iñixpɨgaʼyiñ iñɨɨyi? Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga mich in̈kupɨkpa iga Jehová ixunba iga ixpɨgaytyaiñ iñɨɨyi?
Jehová ixunba iga tampɨgaytyaʼmiñ jeʼm iñɨɨyi. Maytyaʼamɨ Romanos 10:13 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga nasuntaap iga juchixkej tampɨgaytyaʼmiñ jeʼm Dios iñɨɨyi, Jehová?
-
¿Juʼuts inin̈jaam jesɨk algun i mijɨʼyaʼyba por iññɨɨyi?
-
¿Juʼutssɨ in̈jaam Jehová jesɨk mich impɨgaʼyba jeʼm iñɨɨyi?
5. Jehová ixunba iga mich iñamigojaiñ
Tuum Camboyapɨk yoomoʼ iñɨɨyi Soten nɨm iga tsaam wɨɨ jesɨk tanjoodon̈aap i iñɨɨyi Dios. Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
Juʼuts in̈kej jeʼm video, ¿juutypɨk iyooxpaʼt Soten iga iixpɨk jeʼm Dios iñɨɨyi?
Iga wɨaiñ tanamigoja algun i, wiñtyi tanjoodon̈aaʼyiñ jeʼm iñɨɨyi. Maytyaʼamɨ Santiago 4:8a y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyi ixunba Jehová iga in̈wadyiñ?
-
Siiga iñixpɨgaʼyba jeʼm Dios iñɨɨyi y juchixkej impɨgaʼyba, ¿miyooxpaʼtpasɨ iga in̈kunuʼguiñ? ¿Tyiʼiga?
WEEÑI NƗMYAJPA IGA: «Numaaj ity tuum Dios, dyaʼ tyi ijoo kun juʼp nɨɨyi tanan̈wejpaʼtpa».
-
¿In̈kupɨkpa mich iga Dios iñɨɨyi Jehová?
-
¿Juutypɨk inin̈madaʼyba tun̈gakyaj iga Dios ixunba iga tampɨgaʼyiñ jeʼm iñɨɨyi?
JEMPƗK TAN̈KUYUJKAʼ
Jeʼm nuntapɨk Dios, iñɨɨyi Jehová, jeʼ ixunba iga tañixpɨgaʼyiñ jeʼm iñɨɨyi y juchixkej tampɨgaʼyiñ iga wɨaiñ tanamigojataʼm.
¿Iñjɨɨspanam?
-
¿Tyiʼiga Jehová dyaʼ jeex juʼuts jeʼm tun̈gak diosyaj koosteñayyajtapaʼap?
-
¿Tyiʼiga wɨɨ iga juchixkej tampɨktaʼmiñ jeʼm Dios iñɨɨyi?
-
¿Ixunbasɨ Jehová iga mich iñamigojaiñ? ¿Juutypɨk iñjoodon̈?
JODON̈AAJƗNAM
Kɨʼpin̈ɨ cinco jɨɨxiyaj ikwiñkejyajpaʼap iga ity Dios.
Jodon̈aajɨ tyiʼiga wɨap tan̈kupɨk iga Dios juchixkej ityñeʼ.
Aʼmɨ tyiʼiga wɨɨ iga tampɨgaytyaʼmiñ jeʼm Dios iñɨɨyi mex iga dyaʼ tanjoodon̈tam juutypɨk idyɨk maytyaap wiñɨk.
¿Ityeguet Dios siiga tanan̈wejpaʼtpa kun juʼptyin̈kej nɨɨyi? Aʼmɨ tyiʼiga anɨmtaʼmpa iga Dios numaaj tuum nɨɨyi iniity.
a Jeʼm apéndice A4 de La Biblia. Traducción del Nuevo Mundo maaj tawɨakkutɨʼɨyɨʼyba tyi nɨmtoʼoba jeʼm Dios iñɨɨyi y tyiʼiga weeñi Biblias iktogoyñeyaj yɨʼp nɨɨyi.
