AN̈KEJAYOʼOYI 05
Jeʼm Biblia in̈matpa jempɨk Dios ixunba para taɨchtyam
Jehová tachiʼiñeʼ tuum wɨbɨk xaaja: jeʼm 66 libros iniitywɨʼɨp jeʼm Biblia. Pero wɨapsɨ iga minikwaʼktaap: «¿Juuty miñ jeʼm Biblia? ¿Iapaʼap iwat?». Iga wɨaiñ tan̈kutson̈ yɨʼpyaj akwagoʼoyiyaj, tanaʼmiñ juutypɨk nuʼkneʼ jeʼm Biblia hasta yɨʼp jaama.
1. Siiga kɨʼɨmɨʼ jaykamta jeʼm Biblia, ¿tyiʼiga tanɨmpa iga Dios iwat?
Tuumtsam 40 pɨxiñtyam iga dyaʼ tumtyi yooxakuy iniityyaj idyɨk ijaykamyaj jeʼm Biblia. Iniityum tuumtsam 3,500 amtyɨy iga moj ijaytya y kupak jeʼm amtyɨy 98. Tuumtsam 1,600 amtyɨy ininɨgayyaj iga kupak mu iwatyaj. Mex iga dyaʼ tumtyi pɨɨxiñ iwat ityumpɨy, jeʼm Biblia iniity tumtyi jɨɨxi. ¿Tyiʼiga? Iga Dios jeʼam jempɨk iwat (maayɨʼ 1 Tesalonicenses 2:13). Yɨʼpyaj pɨxiñtyam dyaʼ ijaykamyaj ijɨɨxi. Jeʼm Dios ipɨɨmi ichiʼ jɨɨxi iga wɨaiñ in̈matyaj juʼuts iwɨan̈jaam Dios (2 Pedro 1:21). a Kun jeʼm iespíritu santo, Dios iyooxpaʼt yɨʼpyaj pɨxiñtyam iga wɨaiñ ijaykamyaj jempɨk jeʼ ijɨɨspa (2 Timoteo 3:16).
2. ¿Ityam wɨap iniityyaj jeʼm Biblia?
«It́u̱mpɨy clase de pɨxiñt́am» wɨap ipɨktson̈yaj jeʼm wɨbɨk an̈maatyi iniitywɨʼɨp jeʼm Biblia (maayɨʼ Apocalipsis 14:6). Dios iwatneʼ iga jaykamtaiñ jaʼyan̈ an̈matyiimɨ. Jeʼm Biblia jeʼam jempɨk watneta maaj jaʼyan̈ an̈matyiimɨ. Ikuwɨtyi naxyukmɨ tsaam jaʼyan̈yaj wɨap ijoodon̈ayaj tyi nɨmpa jeʼm Biblia.
3. ¿Juutypɨk ikupuj Jehová jeʼm Biblia?
Jesɨk moj ijaytya jeʼm Biblia pɨgaytya jeʼm animatyaj iñaakaʼ y tuum planta iñɨɨyipɨk papiro. Yɨʼpyaj dyaʼ idyɨk iyaʼachɨyyajpa, jeʼyukmɨ jempɨk ityoyyajpa idyɨk jeʼm Biblia ichokoyjayputyaj. Mex iga jaʼyan̈ teguedɨʼɨyiyaj iktogoyyajtɨʼp jeʼm Biblia, tun̈gakyaj ikupujyaj mex iga akkaʼayajta. Jehová dyaʼ iaʼmchiñeʼ iga algun i o algun tyi iktsaguiñ iga tajɨʼyaʼyba. Jeʼm Biblia nɨmpa: «Jeʼm tanDios in̈maatyi itypa juchixkej» (Isaías 40:8).
MAAJ TAN̈WƗKUYUJKAIÑ
Tan̈kutɨʼɨyɨytyaʼmiñ juutypɨk Dios ichiʼ jɨɨxi jeʼm pɨxiñtyam iga ijaykamyajiñ jeʼm In̈maatyi. Tanaʼmtaʼmiñtyim juutypɨk ikupujneʼ y tyi iwatneʼ iga ityumpɨyyaj iniityyajiñ.
4. Jeʼm Biblia tanɨʼmaʼyba iapaʼap iwat
Aʼmtaʼamɨ jeʼm VIDEO. Okmɨ maytyaʼamɨ 2 Timoteo 3:16 y an̈mattaʼamɨ tyi iñjɨɨstaʼmpa y kutson̈taʼamɨ:
-
Siiga jeʼm pɨxiñtyam ijaykamyaj jeʼm Biblia, ¿tyiʼiga tanɨmpa iga jeʼ jeʼm Dios In̈maatyi?
-
¿Wɨap tan̈kupɨk iga Dios ichiʼ jɨɨxi jeʼm pɨxiñtyam iga ijaykamyajiñ jeʼm In̈maatyi?
Jeʼm jefe iyooxakɨʼɨwiñ ijayba jeʼm carta, jeʼ iñɨʼmaʼyba iga ijaykunuʼguiñ jempɨk sɨʼ iñɨm, pero jeʼm jɨɨxi jeʼm jefe imɨʼɨchiʼ. Jeempɨktyim nas kun jeʼm Biblia: pɨxiñtyam ijayyaj, pero jeʼm jɨɨxi Dios imɨʼɨchiʼ.
5. Jeʼm Biblia dyaʼ i wɨa mu iktogoy
Siiga Dios iwat jeʼm Biblia, wɨap tan̈kupɨk iga jeʼ ikupujpa. Jaʼyan̈ an̈jagoʼoyiyaj iktogoyyajtɨʼp jeʼm Biblia. Itytyim idyɨk líderes religiosos iga dyaʼ idyɨk ixunyajpa iga maytyaiñ. Jaʼyan̈yaj an̈teeñkamokyajta, otyɨʼmayyajta y akkaʼayajta iga ikupujyaj jeʼm Biblia. Siiga iñixpɨktoʼoba tuum pɨɨxiñ ikupujwɨʼɨp jeʼm Biblia, aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
Sɨɨ iga iñjoodon̈am juʼtspɨy yaʼachayaj jempɨk ikupujyaj jeʼm Biblia, ¿majtyim immaytyoʼoba? ¿Tyiʼiga?
Maytyaʼamɨ Salmo 119:97 y an̈mattaʼamɨ tyi iñjɨɨstaʼmpa y kutson̈taʼamɨ:
-
Mex iga otyɨʼmayyajtaap, ¿tyiʼiga jaʼyan̈yaj iwatneyaj empeño iga iwatyajpa tun̈gak an̈matyiimɨ y iga tun̈gakyaj iniityyajiñ jeʼm Biblia?
6. Tuum libro para tantumpɨytyam
Jeʼm Biblia jeʼam jempɨk maaj an̈matyiimɨ watneta y jaʼyan̈yaj iniityyaj. Maytyaʼamɨ Hechos 10:34, 35 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga Dios ixunba iga jeʼm In̈maatyi wattaiñ jaʼyan̈ an̈matyiimɨ y jaʼyan̈yaj iniityyajiñ?
-
¿Tyi migaʼman̈jakpa de jeʼm Biblia?
Tsaam
jaʼyan̈yaj
ikuwɨtyi naxyukmɨ
wɨabam imayyaj jeʼm Biblia in̈matyiimɨ
Ityum tuumtsam
3,000
an̈matyiimɨ,
ikumuuma o tuum jaakaʼ
Jeʼm Biblia watneta tuumtsam
5,000 millones
Jeʼam jeʼm libro majpɨk watneta ikuwɨtyi naxyukmɨ
WEEÑI NƗMYAJPA IGA: «Jeʼm Biblia jeʼ tuum wiñɨk libro, pɨɨxiñtyim ijaykamneyaj».
-
¿Y mich tyi iñjɨɨspa?
-
¿Tyityam tan̈kejaʼyba iga jeʼm Biblia jeʼ jeʼm Dios In̈maatyi?
JEMPƗK TAN̈KUYUJKAʼ
Jeʼm Biblia jeʼ jeʼm Dios In̈maatyi, y jeʼ iwatneʼ iga ityumpɨyyaj wɨaiñ imayyaj.
¿Iñjɨɨspanam?
-
¿Tyi nɨmtoʼoba iga Dios ichiʼ jɨɨxi jeʼm pɨxiñtyam iga ijaykamyajiñ jeʼm Biblia?
-
¿Tyi migaʼman̈jakpa iga jeʼm Biblia dyaʼ i wɨa mu iktogoy? ¿Y tyi migaʼman̈jakpa iga watneta y ity jaʼyan̈ an̈matyiimɨ?
-
¿Juʼuts inin̈jaam iga iñjoodon̈am ityumpɨy jempɨk Dios iwatneʼ iga mijɨʼyaʼyba?
JODON̈AAJƗNAM
Maayɨʼ jeʼm Biblia iñasɨyoʼoyi: dende jempɨk moj ijaytya hasta jeʼm sɨɨpɨk ity.
«Juutypɨk takunuʼktaʼm jeʼm Dios In̈maatyi» (¡Despertad!, noviembre de 2007)
Maayɨʼ juutypɨk jeʼm Biblia ikooñwɨyñeʼ tukuteen mɨjtampɨk kutɨʼɨchiyaj.
«Jeʼm Biblia. Dyaʼ i wɨaneʼ iktogoy» (La Atalaya, núm. 4 2016)
Aʼmɨ tyi iñaskayaj weeñiyaj iga ijayyaj jeʼm Biblia tun̈gak an̈matyiimɨ.
Jayñeta jeʼm Biblia jaʼyan̈ an̈matyiimɨ y tobayñeta jaʼyan̈ copia. ¿Juutypɨk wɨap in̈kupɨk iga jeʼm Biblia dyaʼ kakneʼ?
a Jeʼm espíritu santo jeʼ jeʼm Dios ipɨɨmi, yɨʼp ipɨkpa iga ikkupakpa ijɨɨxi, juʼuts in̈matpa jeʼm an̈kejayoʼoyi 07.
