AN̈KEJAYOʼOYI 06
¿Juutypɨk tsukum jeʼm ityi?
«Micham [Dios] jempɨk michioʼyba jeʼm ityi» (Salmo 36:9). ¿Mich in̈kupɨkpa yɨʼp? Weeñiyaj ijɨɨsyajpa iga jeʼm ityi tsukum iyaʼak, iga dyaʼ i tawatnetaʼm. Siiga iyaʼak tsukum jeʼm ityi, jesɨk dyaʼ tyi kumeskuy iga taitytyaʼm yɨʼɨm. Pero siiga Jehová tachiʼiñeʼ jeʼm ityi, jesɨk jeʼ ijoodon̈ tyiʼiga tawatnetaʼm, ¿dyaʼ jesaneʼ? a Kɨʼpin̈ɨ jeʼm Dios In̈matyijom juutypɨk tsukum jeʼm ityi y aʼmɨ tyiʼiga wɨap tan̈kupɨk.
1. ¿Juutypɨk moj ityi jeʼm universo?
Jeʼm Biblia nɨmpa: «Dende wiñtyi, Dios iwat jeʼm sɨn̈ y jeʼm nas» (Génesis 1:1). Jaʼyan̈ científicos iwɨkutɨʼɨyɨyñeyaj iga jeʼm universo watneta. ¿Juutypɨk iwat Dios jeʼm universo? Jeʼ ipɨk jeʼm ipɨɨmi, jeʼm iespíritu santo, iga iwat ityumpɨy jempɨk ity jeʼm universojom: galaxias, maatsayaj, planetas... (Génesis 1:2).
2. ¿Tyiʼiga iwat Dios jeʼm Nas?
Jehová «dyaʼ ixaajawat, iwat iga itykataiñ» (Isaías 45:18). Jeʼ tsaam iwɨwat jeʼm tamplaneta iga taɨchtyam juchixkej wɨaiñ tañitykataʼm (maayɨʼ Isaías 40:28 y 42:5). Jeʼm científicos nɨmyajpa iga jeʼm Nas tsaam wɨwatneta. Dyaʼ ixpɨktaap tun̈gak planeta juuty wɨap tañitytyaʼm.
3. ¿Juʼp kukaki tanaitytyaʼm taɨchtyam kun jeʼm animatyaj?
Jesɨk yaj iwat jeʼm nas, Jehová iktsukum jeʼm ityi yɨʼp naxyukmɨ. Wiñtyi iwat jeʼm kuyan̈jujyaj y jeʼm animatyaj. Y okmɨ, «Dios moj iwat jeʼm pɨɨxiñ juʼuts ikuwiñ» (maayɨʼ Génesis 1:27). ¿Tyiʼiga dyaʼ tajeextyam juʼuts jeʼm animatyaj? Iga Dios tawatnetaʼm juʼuts ikuwiñ wɨap tanakwiñkejtaʼm jeʼm toyoʼoyi y jeʼm wɨwadoʼoyi. Wɨaptyim tan̈kuyujkaʼ tun̈gak an̈maatyi, wɨap tanaʼm jempɨk iwatneʼ y wɨap tan̈kumaton̈ jeʼm tɨʼksoʼoyiyaj. Y taɨchtyam wɨap tan̈koosteñaytyaʼm jempɨk tawatnetaʼm y jeʼm animatyaj dyaʼ wɨap iwatyaj.
MAAJ TAN̈WƗKUYUJKAIÑ
Tanaʼmiñ akwiñkejoʼoyiyaj iga Dios iktsukum jeʼm ityi y tyiʼiga wɨap tan̈kupɨk jempɨk nɨmpa jeʼm Biblia. Tan̈kuyujkaiñtyim juutypɨk jeʼm jɨɨxiyaj tanaitytyamwɨʼɨp tan̈kejaʼyba juʼuts Dios.
4. Ityumpɨy tyityam ityyaj watneyajta
Tsaam kujiʼpyajtaap ityumpɨyyaj jempɨk iwatkiʼpsyajpa tyityam iaʼmyajpa. Pero ¿iapaʼap iwat ityumpɨy jempɨk tanaʼmpa? Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyityam iwatkiʼpsneyaj jempɨk tsaam kuyujneyaj?
Ityumpɨy jeʼm tɨkyaj algun i iwatneʼ. Pero ¿iapaʼap iwat ityumpɨy jempɨk tanaʼmpa? Maytyaʼamɨ Hebreos 3:4 y an̈mattaʼamɨ tyi iñjɨɨstaʼmpa y kutson̈taʼamɨ:
-
Ityumpɨy jempɨk watneyajta, ¿tyiapaʼap jempɨk maaj migaʼman̈jakpa?
-
¿Wɨap tan̈kupɨktaʼm iga ityumpɨy jempɨk ity en jeʼm universo watneyajta? ¿Tyiʼiga?
¿Iñjoodon̈am idyɨk?
En jw.org impaʼtpa artículos y videos in̈matyajpaʼap yɨʼp jɨɨxi. Kuaʼmɨ juuty nɨmpa «¿Watneta?» y «Weeñiyaj in̈matyajpa iga jeʼm ityi watneta».
«Porque it́u̱mpɨy tɨcyaj pɨ̱xiñ iwa̱t́i, pero Dios iwat it́u̱mpɨy jém it́yajwɨɨp».
5. Jempɨk nɨmpa jeʼm Dios In̈maatyi iga ityumpɨy watneta dyaʼ jeʼ mɨgoʼoyi
Jeʼm capítulo 1 de Génesis, jeʼm Dios In̈maatyi in̈matpa juutypɨk watta jeʼm Nas y ityumpɨy jempɨk iniity. ¿Wɨaneʼ jempɨk in̈matpa o jeʼ numaaj tuum cuento? Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
¿In̈kejpa jeʼm Dios In̈maatyi iga jeʼm nas y ityumpɨy jempɨk iniity watyajta en 6 najaama de 24 horas?
-
¿In̈kupɨkpa jempɨk nɨmpa jeʼm Dios In̈maatyi iga ityumpɨy tyityam ity watneyajta? ¿Tyiʼiga?
Maytyaʼamɨ Génesis 1:1 y an̈mattaʼamɨ tyi iñjɨɨstaʼmpa y kutson̈taʼamɨ:
-
Jaʼyan̈ científicos nɨmyajpa iga jeʼm universo watneta. ¿Tumtyi jɨɨxi iniityyaj jeʼm científicos kun jempɨk immay Bibliajom?
Weeñi nakwaʼkyajtaap siiga Dios ipɨk jeʼm evolución iga idyiñ jeʼm ityi. Maytyaʼamɨ Génesis 1:21, 25, 27 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿In̈kejpa jeʼm Biblia iga Dios ipɨk jeʼm evolución y jeempɨgam moj taityityam taɨchtyam y jeʼm animatyaj? ¿O Dios iwat ityumpɨy jempɨk ityyaj?
6. Tsaam takaknetaʼm kun ityumpɨy jempɨk Dios iwatneʼ
Taɨchtyam dyaʼ tajeextyam juʼuts jeʼm animatyaj. Maytyaʼamɨ Génesis 1:26 y an̈mattaʼamɨ tyi iñjɨɨstaʼmpa y kutson̈taʼamɨ:
-
Taɨchtyam wɨap tanakwiñkejtaʼm toyoʼoyi y yaʼachan̈jamoʼoyi iga tawatnetamta juʼuts Dios ikuwiñ. ¿Min̈kejaʼyba yɨʼp juʼuts jeʼm Jehová ijɨɨxi?
WEEÑI NƗMYAJPA IGA: «Jeʼm Biblia numaaj tamɨgoyaʼyba jesɨk in̈matpa iga ityumpɨy jempɨk ityyaj watneyajta».
-
¿Mich tyi iñjɨɨspa? ¿Tyiʼiga?
JEMPƗK TAN̈KUYUJKAʼ
Jehová iwat jeʼm universo y ityumpɨy jempɨk ityyaj.
¿Iñjɨɨspanam?
-
¿Tyi in̈kejpa jeʼm Biblia iga juutypɨk moj ityi jeʼm universo?
-
¿Ipɨk Dios jeʼm evolución y jeempɨgam moj taityityam taɨchtyam y jeʼm animatyaj, o jeʼ iwat ityumpɨy?
-
¿Juutypɨk taɨchtyam pɨɨmi takukaknetaʼm kun ityumpɨy jempɨk watneyajta?
JODON̈AAJƗNAM
Aʼmɨ juutypɨk jempɨk tanaʼmpa in̈kejpa iga ity tuum jeʼm Iwatnewɨʼɨp ityumpɨy.
«Ityumpɨy jempɨk watneta ¿tyi tan̈kejaʼyba?» (¡Despertad!, septiembre de 2006)
Aʼmɨ juutypɨk tuum jaatun̈ in̈kejaʼyba jeʼm imaanɨk juutypɨk Jehová iwatneʼ ityumpɨy.
Kɨʼpin̈ɨ siiga jeʼm evolución iniity tumtyi jɨɨxi kun jempɨk in̈kejpa jeʼm Biblia.
«¿Ipɨk Dios jeʼm evolución iga iwat ityumpɨy tyityam ity?» (Artículo de jw.org)
Aʼmɨ siiga jeʼm pakyaj paʼtneyajtawɨʼɨp y jempɨk iwatneyaj jeʼm científicos in̈kejpa siiga jeʼm ityi iyaʼak tsukum o algun i iwat ityumpɨy.
El origen de la vida. Cinco cuestiones dignas de análisis (Folleto)
a Jeʼm an̈kejayoʼoyi 25 in̈matpa kun juʼp jɨɨxi Dios tawatnetaʼm.
