Siiga Dios toyoʼyba, ¿tyiʼiga jeʼm religiónyaj tsaam imalwatyajpa? Iga yɨʼpyaj religiónyaj mɨgoyyajpa. Kun ityumpɨy tyityam iwatyajpa sɨʼ ityudɨyayyaj jeʼm Dios iñɨɨyi. ¿Juutypɨk iwatneyaj? ¿Juʼuts in̈jaam Dios? ¿Y tyi dyaʼ jaʼyñeʼ iwatpa?

1. ¿Juutypɨk ityudɨyayñeyaj jeʼm Dios iñɨɨyi kun ityumpɨy jempɨk in̈kejyajpa?

Jeʼm religiónyaj mɨgoyyajpaʼap «d́a icupɨcneyaj jém nu̱mapɨc Dios, más icupɨcneyaj jém mɨgooyi» (Romanos 1:25). Jaʼyan̈yaj dyaʼ in̈kejayyajpa tun̈gakyaj jeʼm Dios iñɨɨyi. Pero jeʼm Biblia tanɨʼmaʼyba iga tampɨgaʼyiñ (Romanos 10:13, 14). Weeñi in̈jakneyajwɨʼɨp tuum religión nɨmyajpa iga jesɨk tammalnaskaʼaba jeʼam jempɨk Dios idyɨk ixunba. Yɨʼp jeʼ tuum mɨgoʼoyi. Jeʼ ni keman tayaʼachwattaʼmpa (maayɨʼ Santiago 1:13). Jeʼyukmɨ, kun yɨʼpyaj mɨgoʼoyi jaʼyan̈yaj dyaʼ ikunuʼkyajtoʼoba Dios.

2. ¿Juutypɨk ityudɨyayñeyaj jeʼm Dios iñɨɨyi kun ityumpɨy jempɨk iwatyajpa?

Jehová dyaʼ i imalwadaʼyba juʼuts iwatyajpa jeʼm religiónyaj mɨgoyyajpaʼap. Jeʼm Biblia nɨmpa «jém it́áŋca aŋtuuma̱neum, núcneum hasta sɨŋyucmɨ» (Apocalipsis 18:5). Jaʼyan̈ amtyɨy jeʼm religiónyaj mɨgoyyajpaʼap tɨgɨykuʼmneyaj kun jeʼm política, ikuyaʼgɨyñeyaj jeʼm an̈aajiyaj y iaʼmchiñeyaj iga jaʼyan̈yaj akkaʼayajtaiñ. Weeñi líderes religiosos iwaʼgayyajpa tumiñ jempɨk ityuʼn̈ɨyyajpa, jeʼyukmɨ tsaam tumiñɨyyaj. Yɨʼp ikwiñkejpa iga dyaʼ iixpɨkyajpa Dios ni uxan̈. Jesɨk, ¿tyiʼiga nɨmyajpa iga Dios iyooxakɨʼɨwiñyaj? (Maayɨʼ 1 Juan 4:8).

3. ¿Tyi ijaampa Dios jesɨk iaʼmpa ityumpɨy jempɨk sɨʼ iwatyaj jeʼm religiónyaj mɨgoyyajpaʼap?

Siiga mich iñjoʼykaʼaba jempɨk sɨʼ iwatyaj, ¡kujɨɨsɨ juʼuts in̈jaam Jehová! Jeʼ tsaam toyoʼyba, pero joʼyñeʼ kun jempɨk in̈jakyajpa jeʼm religiónyaj mɨgoyyajpaʼap iga ikujɨyyajpa Dios y iyaʼachwatyajpa jempɨk an̈tuʼumayajpa kun jeʼeyaj. Dios ijɨykaʼmneʼ iga jeʼm religiónyaj mɨgoyyajpaʼap «nunta togoypa. D́a e̱ybɨc íñixt́ámpa» (Apocalipsis 18:21). Dyaʼ jaʼyñeʼ iktogoyba ityumpɨy jeʼm religiónyaj mɨgoyyajpaʼap (Apocalipsis 18:8).

 MAAJ TAN̈WƗKUYUJKAIÑ

4. Dios dyaʼ iwɨpɨktson̈ba ityumpɨy jeʼm religiónyaj

Jaʼyan̈yaj ikupɨkyajpa iga ityumpɨy jeʼm religiónyaj jeex juʼuts tuum tun̈ iga takkunuʼkpa Dios. ¿Pero jesaneum? Maytyaʼamɨ Mateo 7:13, 14 y an̈mattaʼamɨ tyi iñjɨɨstaʼmpa y kutson̈taʼamɨ:

• Juʼuts nɨmpa jeʼm Biblia, ¿juʼuts jeʼm tun̈ tananɨkpaʼap juuty ity jeʼm ityi?

Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• ¿In̈kejpa jeʼm Biblia iga Dios iwɨpɨktson̈ba ityumpɨy jeʼm religiónyaj?

 6. Dios ikɨakputtoʼoba ityumpɨy jempɨk mɨgoyayñeyajta

Maytyaʼamɨ Apocalipsis 18:4 a y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyi iñjampa mich iga Dios ikɨakputtoʼoba ityumpɨy jempɨk mɨgoyayñeyajta?

7. Odoy tsaakɨ iga duroj iñixpɨguiñ jeʼm nuntapɨk Dios

Kun ityumpɨy jempɨk iwatyajpa jeʼm religiónyaj mɨgoyyajpaʼap, ¿iñjɨɨspa iga Dios iniity jeʼm culpa? Kujɨɨsɨ iga tuum maanɨk dyaʼ iwɨpɨktson̈ba jeʼm an̈kiʼimi ichiʼipaʼap ijaatun̈, putpa de ityɨkkɨʼɨm y mojpa imalwat. Jeʼm jaatun̈ dyaʼ ikusuʼnɨʼyba jempɨk sɨʼ iwat imaanɨk. ¿Wɨaneʼ siiga tanjɨɨspa iga jeʼm jaatun̈ iniity jeʼm culpa iga imaanɨk dyaʼ kupɨgoʼyba?

• ¿Wɨaneʼ siiga tanjɨɨspa iga Jehová iniity jeʼm culpa iga jeʼm religiónyaj tsaam sɨʼ imalwatyaj?

 JEMPƗK TAN̈KUYUJKAʼ

Jeʼm religiónyaj mɨgoyyajpaʼap tsaam ityudɨyayñeyaj jeʼm Dios iñɨɨyi kun jempɨk in̈kejyajpa y jempɨk iwatyajpa. Dyaʼ jayñeʼ aktogoyyajtaap.

¿Iñjɨɨspanam?

• ¿Juʼuts iñaʼm ityumpɨy jempɨk in̈kejyajpa y iwatyajpa jeʼm religiónyaj mɨgoyyajpaʼap?

• ¿Juʼuts iaʼm Jehová jeʼm religiónyaj mɨgoyyajpaʼap?

• ¿Tyi iniwatpa Dios jeʼm religiónyaj mɨgoyyajpaʼap?