Jeʼm tun̈gak an̈kejayoʼoyi tanaʼm iga Dios dyaʼ ikusuʼnɨʼyba ityumpɨy jeʼm religiónyaj. Pero wɨap tan̈koosteñaytyaʼm Dios juutypɨgam jeʼ ixunba. ¿Juʼppɨk «koosteñoʼoyi» o «religión» jeʼ ikusuʼnɨʼyba? (Santiago 1:27; nota). Tan̈kɨʼpin̈iñ jempɨk in̈kejpa jeʼm Biblia.

1. ¿Juuty wɨap tan̈kuyujkaʼ juutypɨk ixunba Dios iga tan̈koosteñaʼyiñ?

Jeʼm Bibliajom Dios tan̈kejaʼyba juutypɨk wɨɨ iga tan̈koosteñaytyaʼmiñ. Jesús iñɨʼmay: «Jém michpɨc iniŋma̱t́i jém nunta nu̱mapɨc» (Juan 17:17). Weeñi religiónyaj dyaʼ ikupɨkyajpa jeʼm nuntapɨk an̈kejayoʼoyi; maaj ikusuʼnɨyyajpa jeʼm an̈kejayoʼoyiyaj dyapɨk in̈kejpa jeʼm Biblia. Pero jesɨk dyaʼ tan̈kupɨktaʼmpa jeʼm in̈kiʼmayoʼoyiyaj, Jehová dyaʼ ikusuʼnɨʼyba (maayɨʼ Marcos 7:9). Y tsaam tammaymaywatpa jesɨk tan̈kupɨkpa jempɨk tanɨʼmaʼyba jeʼm Biblia y jeʼm in̈kiʼmayoʼoyiyaj.

2. ¿Juutypɨk wɨɨ iga tan̈koosteñaytyaʼmiñ Jehová?

Jehová tawatnetaʼm, jeʼyukmɨ wɨɨ iga numaaj jeʼ tan̈koosteñaytyaʼmiñ (Apocalipsis 4:11). Yɨʼp nɨmtoʼoba iga tantoytyaʼmiñ y tan̈kuyooxataʼmiñ, y odoy tampɨktaʼmiñ ni tuum dios watyñax (maayɨʼ Isaías 42:8).

Nasuntaap iga jeʼm tan̈koosteñoʼoyi tsɨʼyiñ juʼuts «tu̱m wɨbɨc xaja cuáyñe jém wɨa̱paap ipɨctsoŋ Dios» (Romanos 12:1). Jeʼyukmɨ tan̈kupɨktaʼmiñ jeʼm in̈kiʼmayoʼoyiyaj. Juʼuts akwiñkejoʼoyi, jempɨk ityoyyajpa Jehová y an̈koʼmɨyñeyajum ikupɨkyajpa y ichoowaixyajpa jeʼm an̈kiʼmayoʼoyiyaj chiʼiyajtapaʼap. Dyatyim iwɨixyajpa jempɨk tamalwadaʼyba, juʼuts jeʼm drogas, dyaʼ uukiʼayajpa y dyatyim jukyajpa. a

3. ¿Tyiʼiga wɨɨ iga tan̈koosteñaytyaʼmiñ Jehová kun jempɨk ikupɨkyajpa?

Jeʼm tanan̈tuʼumaajiyaj taaʼmchityaʼmpa iga tan̈kujiʼptaʼmiñ «Jehová […] jeʼm kumunjom» (Salmo 111:1, 2). Tan̈kujiʼptaʼmpa Jehová jesɨk tawantaʼmpa (maayɨʼ Salmo 104:33). Jehová tatoyba y jeʼ ijoodon̈ iga jeʼm an̈tuʼumaajiyaj tayooxpaʼttaʼmpa iga tanaitytyaʼmiñ tuum ityi dyapɨk kuyajpa, jeʼyukmɨ ixunba iga tan̈tuʼumataʼmiñ. Jesɨk tan̈watpa jeempɨk tanaanmajan̈chiʼityamtaap kun tantɨwɨtam.

 MAAJ TAN̈WƗKUYUJKAIÑ

4. Dyaʼ wɨɨ iga tampɨktaʼmiñ jeʼm dios watyñaxyaj jesɨk tan̈koosteñaytyaʼmpa Dios

5. Siiga numaaj tan̈koosteñaʼyba Jehová, dyam tan̈kupɨkpa jeʼm mɨgoʼoyiyaj

 6. Jesɨk tanɨkpa jeʼm an̈tuʼumaajiyaj tan̈koosteñaytyaʼmpa Dios

Jesɨk tanɨkpa jeʼm an̈tuʼumaajiyaj, tawantaʼmpa y takutson̈oytyaʼmpa, jeempɨgam tan̈kujiʼptaʼmpa Jehová y tanaanmajan̈chiʼityamtaap. Maytyaʼamɨ Salmo 22:22 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿In̈kusuʼnɨʼyba jeʼm kutson̈oʼoyi chioyyajpaʼap tun̈gakyaj jeʼm an̈tuʼumaajijom?

• ¿In̈wɨtsaktoʼoba tuum kutson̈oʼoyi iga mityɨgɨykuʼmiñ jeʼm an̈tuʼumaajijom?

7. Jesɨk tanan̈madayyajpa tun̈gakyaj jempɨk tan̈kuyujkaʼaba tammaymaywatpa Jehová

Juchixkej wɨap tanan̈maday tun̈gakyaj jempɨk in̈kejpa jeʼm Biblia. Maytyaʼamɨ Salmo 9:1 y 34:1, y an̈mattaʼamɨ tyi iñjɨɨstaʼmpa y kutson̈taʼamɨ:

• Kun ityumpɨy jempɨk in̈kuyujkaneʼ Bibliajom, ¿tyiapaʼap jempɨk inin̈madayyajtoʼoba tun̈gakyaj?

 JEMPƗK TAN̈KUYUJKAʼ

Tammaymaywattaʼmpa jeʼm Tawatnetamwɨʼɨp jesɨk numaaj jeʼ tan̈koosteñaytyaʼmpa, jesɨk tan̈kujiʼptaʼmpa jeʼm an̈tuʼumaajijom y jesɨk tanan̈madayyajpa tun̈gakyaj jempɨk tan̈kuyujkaneʼ.

¿Iñjɨɨspanam?

• ¿Juuty wɨap tan̈kuyujkaʼ juutypɨk ixunba Dios iga tan̈koosteñaʼyiñ?

• ¿Tyiʼiga numaaj Jehová tan̈koosteñaytyaʼmiñ?

• ¿Tyiʼiga wɨɨ iga tan̈koosteñaytyaʼmiñ Dios kun jempɨk ikupɨkyajpa?