Tsaam jaʼyan̈yaj nɨmyajpa iga cristianojyaj, pero dyaʼ ityumpɨyyaj iniityyaj tumtyi jɨɨxi y dyaʼ ityumpɨyyaj ikupɨkyajpa jeʼm Dios in̈kiʼmayoʼoyiyaj. Jeʼyukmɨ, ¿Juutypɨk wɨap tanjoodon̈a iapaʼapyaj jeʼm nuntapɨk cristianojyaj?

1. ¿Tyi iwatpa tuum nuntapɨk cristiano?

Jeʼm cristianojyaj ikupɨkyajpa y iwatkiʼpsyajpa Cristo (maayɨʼ Hechos 11:26). ¿Juutypɨk ikwiñkejyajpa iga ikupɨkyajpa Cristo? Jesús nɨm: «Siiga mimicht́am d́a iñchactámpa iga iŋwattámpa juuts mannɨ́máypa, jesɨc nu̱ma michɨ́ypa iga maŋcuyujcɨɨwiñ» (Juan 8:31). Yɨʼp nɨmtoʼoba iga jeʼm nuntapɨk cristianojyaj ikupɨkyajpa jempɨk Jesús in̈kej. Juʼutstyim Jesús, jeʼm nuntapɨk cristianojyaj numaaj in̈kejyajpa jempɨk ity Bibliajom (maayɨʼ Lucas 24:27).

2. ¿Juutypɨk ikwiñkejyajpa toyoʼoyi jeʼm nuntapɨk cristianojyaj?

Jesús iñɨʼmay jeʼm ikuyujkɨʼɨwiñyaj: «Natoyt́amta̱jɨ con iñt́ɨ̱wɨtam juuts ɨch mantoyt́ámpa mimicht́am» (Juan 15:12). ¿Juutypɨk ikwiñkej Jesús iga ityoyba jeʼm ikuyujkɨʼɨwiñyaj? Juchixkej ianmajan̈chiʼiyaj y iyooxpaʼtyaj, nakɨan̈kottatyim iyaʼak iga kɨakputyajtaiñ (1 Juan 3:16). Juʼutstyim Jesús, jeʼm nuntapɨk cristianojyaj dyaʼ numaaj nɨmyajpa iga natoyyajtaap, nakwiñkejayyajtaptyim kun tyityam iwatyajpa.

3. ¿Juʼp yooxakuy jempɨk maaj ityeguetyaj jeʼm nuntapɨk cristianojyaj?

Jesús ikutsat jeʼm ikuyujkɨʼɨwiñyaj «iga nɨguiñ iŋmatyaj jém aŋma̱t́i ju̱t́pɨc iŋjacpa Dios yɨ́p naxyucmɨ» (Lucas 9:2). Jeʼm wiñtyipɨk cristianojyaj dyaʼ numaaj in̈matyaj jeʼm Dios In̈maatyi juuty ikoosteñayyajpa idyɨk Dios, in̈matyajpatyim idyɨk tɨk por tɨk y juuty tsaam ityñɨɨmpa (maayɨʼ Hechos 5:42; 17:17). Yɨʼp jaama jeʼm nuntapɨk cristianojyaj in̈matyajpatyim jeʼm Dios In̈maatyi juʼpkej an̈eymɨ. Tsaam toyoyyajpa, jeʼyukmɨ, ipɨkyajpa jeʼm itiempo y jeʼm ipɨɨmi iga in̈matyajpa jeʼm wɨtampɨk an̈maatyi itywɨʼɨp Bibliajom (Marcos 12:31).

 MAAJ TAN̈WƗKUYUJKAIÑ

4.Iwɨkɨʼpin̈yajpa jeʼm Biblia

5. In̈matyajpa jeʼm nuntapɨk an̈kejayoʼoyi itywɨʼɨp Bibliajom

 6. Iwatkiʼpsyajpa jempɨk in̈kejyajpa

¿Juutypɨk ikupɨk tuum pɨɨxiñ iñɨɨyipɨk Tom iga ipaʼtneum jeʼm nuumapɨk an̈kiʼmayoʼoyi? Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• Juʼuts in̈kej jeʼm video, ¿tyiʼiga in̈yaʼkwat Tom jeʼm religión?

• ¿Tyiʼiga Tom ikupɨkpa iga ipaʼtneum jeʼm nuntapɨk religión?

Nasuntaap iga tan̈watkiʼpstaʼmiñ jempɨk tanan̈kejtaʼmpa. Maytyaʼamɨ Mateo 7:21 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyi jempɨk maaj ityeguedaap Jesús: jempɨk tanan̈kejpa iga tan̈kupɨkpa, o jempɨk tan̈watkiʼpstaʼmpa?

7. Natoyyajtaap

• Jeʼm nuntapɨk cristianojyaj, ¿juʼutspɨk trato ichiʼiyajiñ jempɨk ityyaj tun̈gak an̈eymɨ mex iga dyaʼ jexyajtyim?

• ¿Juutypɨk ikwiñkejyajpa jesɨk itypa guerra?

 JEMPƗK TAN̈KUYUJKAʼ

Jeʼm nuntapɨk cristianojyaj ikupɨkyajpa jempɨk in̈kejpa jeʼm Biblia, tsaam toyoyyajpa, jeʼyukmɨ iyooxpaʼtyajpa tun̈gakyaj y in̈matyajpa jeʼm nuntapik an̈kejayoʼoyi in̈kejpaʼap jeʼm Biblia.

¿Iñjɨɨspanam?

• ¿Juuty topneta jeʼm an̈kejayoʼoyi ikupɨkyajpaʼap jeʼm nuntapɨk cristianojyaj?

• ¿Juʼutspɨk jɨɨxi ikwiñkejyajpa jeʼm nuntapɨk cristanojyaj?

• ¿Juʼp yooxakuy iwatyajpa?